Eimreiðin - 01.05.1905, Qupperneq 13

93
grafið var í reitinn, en sumarið 1898 var gestgjafi einn, Madsen að
nafni, jarðaður þar vinstra megin í reitnum og af því mætti máske
ráða, að Stryving hafi verið jarðaður hægra megin og Jónas þar á
undan vinstra megin. Það er þó alls ekki víst; en sé svo, þá liggur
hann ekki í N. 1096, því að sá reitur er hægra megin við N. 1095
og mjó (’/a al.) gata á milli reitanna. — Umhverfis reitinn N. 1095
hafa verið settar grindur úr jámi og reistur steinn yfir þann, er síðast
var jarðaður þar.
Vel hefði farið á því, að íslendingar hefðu endurnýjað kaupin á
legstað þessum og ekki látið raska moldum Jónasar á þennan hátt,
heldur sett honum þar minningarmark. í’að hefði enda verið mikil
bót í máli, hefðu íslendingar keypt legstaðinn áður en síðast var grafið
þar, þegar áhugi manna þó var vaknaður á því að reisa Jónasi minnis-
varða, — enda þótt sjálfsagt væri að reisa hann heima. — En nú er
alt um seinan og mun nú á löngu líða, unz legstaður þessi verður
aftur falur.
Sumum kann að detta í hug, að vert væri að grafa í reitinn eftir
beinum Jónasar, ef leyfi fengist, og færa þau heim. Það mundi þó tor-
velt að finna nokkrar leifar af líki hans eftir svo langan tíma, 60 ár,
að því er kunnugir menn ætla, þar eð tvisvar hefir verið grafið í reit-
inn síðan.
V
bjo
1 al. 5 álnir. io álnir.
LEGSTAÐUR JÓNASAR HALLGRÍMSSONAR
í ASSISTENTS-KIRKJUGARÐINUM í KAUPMANNAHÖFN, N 1905
(—6, = Trinitatis S. 198).
Hafi menn áður komið niður á kistu Jónasar, hefir hún verið öll fúin;
fjölunum hefir þá líklega verið ekið burt, en leifarnar af líkinu bland-
ast saman við moldina og síðan verið mokað ofan í gröfina aftur.