Eimreiðin - 01.01.1917, Blaðsíða 10

IO
í sömu sporum, til að halda börnum sínum frá fyrra hjónabandi.
Pó er mér nær að halda, að nýju fátækralögin hafi óbeinlínis
numið úr gildi * þá grein í lögum Kristjáns konungs V., er þeim
réttarmun hefir þótt valda.
Skilnaður að borði og sæng veldur ekki hjúskaparslitum,
heldur aðeins samvistaslitum. Pó finst mér rétt að geta réttar-
stöðu borð- og sængurskilinnar konu. Réttur slíkrar
konu er í tveim greinum meiri en réttur bónda í sömu sporum,
en í engu minni. Hún er talin fjáráð eftir sömu reglum og ekkja
og fær að jafnaði meðlag frá bónda sínum; yfir höfuð ber borð-
og sængurskilinni konu sami réttur eftir mann sinn látinn sem
ekkju, er ekki hefir slitið samvistum við mann sinn, að því einu
undanskildu, að hún tapar erfðarétti eftir hann, enda erfir hann
ekki hana, andist hún á undan honum.
Alskilin kona hefir sömu réttindi og ekkja, að því frá-
skildu, að hún erfir ekki fyrverandi mann sinn fremur en hann
hana, og að hún heldur ekki atvinnurétti hans né fær eftirlaun
eftir hann.
?á vík ég að afstöðu foreldra til barna, og verður þar
þegar í stað að greina milli sauða og hafra, skilgetinna og óskil-
getinna barna.
Yfirleitt er afstaða hvors foreldris um sig til skilgetins
barns söm. Móðir og faðir hafa yfirleitt sömu réttindi og sömu
skyldur gagnvart skilgetnu barni. Pó mundi atkvæði föður skera
úr flestum ágreiningi, sem yrði milli foreldra út af barni þeirra,
t. d. út af því, hvað barnið ætti að læra. þau yfirtök föður
helgast af því, að hann hefir umráð félagsbúsins, en peningarnir
ekki síður afl þeirra hluta, er gjöra skal vegna barnanna, en
annars. Fatlist faðir eða falli frá, er móðir sjálfgeng í hans stað.
Afstaða skilgetins barns ú t á v i ð fer yfirleitt eftir hag
föður þess. Þannig kennir það sig við föður sinn, ber fornafn
hans eða ættarnafn. Fæðingjaréttur þess, sveitfesti, sóknfesti og
lögtign fer eftir afstöðu föður í þeim efnum. Fá er og faðir sjálf-
kjörinn forráðamaður barnsins.