Eimreiðin - 01.09.1920, Page 92

348
BÚSTAÐAMÁLIÐ Á ENGLANDI
[EIMREIÐIM
og umhveríinu, eins langt og líkur eru til að bygst geti
i fyrirsjáanlegri framtíð.
Árið 1909 voru sett lög um skipulag bæja, og er þar
bæjarstjórnum öllum veitt heimild til þess, að láta gera
skipulagsuppdrætti »til þess að tryggja sér holla bústaði,
fagurt útlit og vissu um, að landrýmið sé notað eins og
unt er bæði í bænum og umhverfis hann«. f þessu skyni
á að taka fram, hve mörg hús megi reisa á dagsláttu
hverri, hve há hús og hvernig, hve stórir byggingarreitir
skuli vera, breidd gatna, gerð þeirra og stefna, fjarlægð
framhliðar húsa frá götu, hvar auðir blettir skuli vera
skildir eftir og opinberar byggingar skuli reisa, hverju
halda skuli óhögguðu til prýði, hvar sameina skuli verslun-
arhús og iðnrekstur, hvernig girðingar skuli vera o. fl., o. fl.
Til þess að koma þessu í kring þurfa bæjarfélögin að
hafa umráð yfir miklu landrými, en það er engin þörf á
að kaupa landið óðar en þarf að nota það. Kostnaður-
inn er því ekki nema litill við að gera þessar áætlanir.
Lögin gera ráð fyrir, að þeim sé bætt, sem verða fyrir
halla af skipulaginu, en hinir krafðir um borgun, sem
hafa hag af því. f’ó eru nokkrar undantekningar. T. d.
getur enginn krafist skaðabóta fyrir það, að takmarkað
er, hve mörg hús má reisa á ákveðnu svæði. Til skamms
tíma voru bæjarfélögin sjálfráð um það, hvenær skipu-
lagsuppdrættirnir voru gerðir, en með lögum 1919 er öll—
um bæjum gert að skyldu, að vera búnir að gera full-
komna uppdrætti og áætlanir fyrir árslok 1926. Sérstök
stjórnardeild verður að samþykkja alla uppdrætti, og hefir
hún víðtækt vald til þess að breyta um í einstökum at-
riðum, og setja sérstök ákvæði«.
Pá talar hann fleira um þetta mál, sem minna kemur
oss við. — Hér er kominn rekspölur á þetta stórmál.
Fálmið er hætt, og takmarkið orðið þeim ljóst.
Eimreiðin birtir nú hér nokkrar myndir þessu máli til
skýringar. Sjálfsagt verðum vér hér í ýmsu að fara vorar
eigin leiðir, en þó er jafnan gott að heyra orð annara,
sem lengra eru komnir áleiðis og áhuga hafa á málinu.