Dagblaðið Vísir - DV - 28.10.1985, Blaðsíða 45

DV. MÁNUDAGUR 28. OKTOBER1985.
45
Sviðsljósið
Sviðsljósið
Sviðsljósið
Svínslegur harmleikur:
„Hvort viltu verða
beikon eða hlýða?”
Þeir sem eru óánægöir með að vera
bara venjulegir íslenskir launþegar á
tveimur fótum ættu að gefa sér tíma til
að hugleiða svínslegt hlutskipti grís-
anna sem John og Talita Gurtner hafa
undir höndum. Þar er ekkert múður —
annaöhvort beygirðu þig undir þjálfun
til þess aö draga svínfeita frúna fram
og aftur í kerru eða þér er snarlega
breytt í beikon. Þau hjónin segja flest
svínin á móti því að lenda á morgun-
verðarpönnunni og þau reyna því að
standa sig í þjálfuninni eftir bestu
getu. Flestir nemendanna reynast ekk-
ert síður en blessuð hrossin og fá því að
lifa örlítið lengur.
Með þessum ferfættu dráttardýrum
hafa svo hjónin ferðast um allan heim-
inn og gera það bara gott. Menn eru
alveg æstir í að sjá lifandi beikon
draga spikaða frúna fram og aftur í
kerrunni. Hvort þetta flokkast svo und-
ir skemmtun, skopskyn eða einhverjar
aðrar og undarlegri kenndir hjá hinum
tvífættu áhorfendum skal svo látið
liggja milli hluta — um stund.

Þessir tveir vildu alls ekki lenda á morgunverðarpönnunni og draga þvi
vagninn allt hvað af tekur.
Fyrrum fjölskylda — Alana, George og sonurinn Ashley.
Travolta á fullu gasi — sjálfur sannfærður um að þarna hafi hann
túlkað mynd hins sanna blaðamanns.
BLAÐA-
MAÐUR
í BÍÓ
Filmstjarnan súpersæta — John
Travolta — hefur nú lokið vinnu við
kvikmyndina Perfect þar sem hann
túlkar blaöamann í starfi af mikilli
innlifun.
Sjálfur segist Travolta sannfærður
um að þarna hafi honum tekist að
sýna raunverulega mynd af blaða-
manni og það hafi verið sér mikil
ánægja að vera ekki lengur fórnar-
dýrið heldur bregða sér i líki veiði-
mannsins um stund.
I flestum viðtölum við kappann
endurspeglast viðhorf landa hans til
blaðamennsku frá því að Watergate
kom starfanum í tísku en vafa-
samara að venjulegir skríbentar
skrifi glaðir undir glansmyndina
sem af starfanum er gefin á slíkum
stundum.
En Travolta er kampakátur, og
svo munu framleiðendur vera
einnig. Myndinni er spáð miklum
vinsældum. Hvað vilja menn svo
meira einni kvikmynd til handa?
Sannur sykurmoli
Hér á árum áður þurftu menn helst
að hafa útlitið með sér til þess að kom-
ast að í kvikmyndum vestan hafs.
Tekið skal fram að þetta var fyrir tíma
Woody Allen og Dustin Hoffman. Hollí-
vúdd var troðin karlmönnum sem hver
um sig var sannur sykurmoli í manns-
mynd og hér skal minnt á einn þeirra
sykruðustu.
George Hamilton var einn af molun-
um og hefur til þessa leikið í hvorki
meira né minna en tuttugu og sjö ár og
myndirnar eru orðnar óteljandi. Ekki í
einu einasta atriði hefur hárið farið úr
skorðum eða sæta brosið dofnað þann-
ig að hann var sannur karlmaður í aug-
um margra unglingsstúlkna í leit að
riddaranum og hvíta hestinum. Sumar
þeirra fundu hann í Hamilton og jafn-
vel kræktu í kappann um tíma. Nægir
þar aö nefna gellur eins og Britt
Ekland, Alana Stewart og svo mætti
lengi telja. Um tíma var hann tilvon-
andi tengdasonur forsetans, á tímum
Johnsons gamla, en sú trúlofun fór út
um þúfur skömmu fyrir brúðkaupið.
Hjónaband Hamiltons og Alana, sem
síðar smellti sér á Rod Stewart, fór í
hundana vegna skemmtanafíknar frú-
arinnar. Sjálf segist hún í því hjóna-
bandi hafa sýnt svipaða hegðun og Rod
í þeirra sambúö, helst viljað eyða líf-
inu í partí og vínsull sólarhringum
saman. Heima sat Hamilton einn með
soninn Ashley en var ekki sem ánægð-
astur með sitt hlutskipti. Eftir skilnað-
inn vill hann helst hafa soninn hjá sér
alla daga í húsinu sem hann keypti eft-
ir andlát Charlie Chaplin. Það var
heimili þessa gamla snillings og góðir
andar í húsinu að sögn kunnugra.
Eitthvað hafa þeir Rod Stewart líkt
auga fyrir kvenfólki því fyrrum var
hann í sambandi við Britt Ekland. Hún
segir frá því í ævisögu sinni að þau hafi
um tíma ráðgert að ganga í hjónaband.
En það varð aldrei og ber Britt
Hamilton fremur vel söguna. Það
sama má segja um aðrar konur sem á
vegi hans hafa orðið um árin.
Hins vegar taka þær fram að þessi
dísæti kvikmyndaleikari vilji hafa allt
sem fullkomnast og því reynist erfitt aö
vera í návist hans til langframa. Og
snobbið er hans veikasti punktur —
nokkuð sem kvenfólkið hreinlega nennti
ekki að reyna að skilja eða framfylgja.
Næsta skrefið hjá molanum er leikur
í Dynastyþáttunum og ekki er vafi á því
að þar reynist hann með þeim sætari á
senunni með óruglaö hár og brosið
eyrna á milli.

<