Dagblaðið Vísir - DV - 06.10.1986, Blaðsíða 2

Dagblaðið Vísir - DV - 06.10.1986, Blaðsíða 2
2 MÁNUDAGUR 6. OKTÓBER 1986. Fréttir Ur svrtunni á Sögu, þar mun Gorbatsjov aö öllum líkindum búa. Reagan kemur á fimmtudag Gorbatsjov á föstudag Nú er orðið nokkuð víst að Reagan Bandaríkjaforseti muni koma til landsins á fimmtudag og Gorbatsjov á föstudag. Búist er við að einkaþota Reagans lendi í Keflavík um kvöldmatarleytið á fimmtudag og einkaþota Gorbatsjov sólarhring síðar. Þá er einnig orðið nokkuð ljóst að Reagan muni búa í sendiherrabústað Bandaríkjanna við Laufásveg og Gor- batsjov á svítunni á Hótel Sögu. -KÞ Sendiherrabústaður Bandaríkjanna við Laufásveg þar sem Reagan mun búa. Ovíst hversu fylgdar- liðin verða fjölmenn Enn er óvíst hversu margir verða í fylgdarliðum leiðtoganna. Heyrst hafa tölur allt frá 200 og upp í 900 með hvorum. Eins hefur lítið verið gefið upp um það hverjir verði í þessu liði. Þó er talið víst að eiginkonumar verði eftir heima. Hins vegar munu utanríkisráð- herrar beggja landanna verða með í för. Einnig hefur heyrst að einkavinur Reagans, Charles Wick, sem er yfir menningarstofriunum Bandaríkjanna um heim allan, komi með vini sinum. Búist er við að sendinefhdir land- anna tveggja verði komið fyrir á hótelunum fiórum í Reykjavík sem ríkisstjómin tók leigunámi í sfðustu viku. Þó hefur heyrst að Schultz, utan- ríkisráðherra Bandaríkjanna, muni búa í sendiráði Breta við Laufásveg. -KÞ Schultz, utanríkisráðherra Bandaríkjanna, mun sennilega búa i þessu húsi sem er sendiherrabústaður Breta á og stendur viö Laufásveg, aðeins steinsnar frá sendiráði Bandarikjanna þar sem Reagan verður. Það má búast við að meira verði um að vera á þessu svæði um næstu helgi heldur en var á dögunum þegar Ijósmyndari DV tók þessa mynd úr Hugvél. Fyrir miðri mynd er Hótel Saga þar sem Gorbatsjov mun að öllum líkindum búa. Þar fyrir aftan er Háskólabió þar sem leiðtogarnir munu sennilega halda blaðamannafund að loknum fundi þeirra. Aðeins til hægri er svo Hagaskóli þar sem verið er aö koma upp blaöamannamiðstöð. Lógreglumenn utan af landi kallaðir til Búast má við að tæplega 400 lög- reglumenn verði á vakt um næstu helgi þegar leiðtogafundurinn verður haldinn. Að sögn Karls Jóhannssonar, setts blaðafulltrúa lögreglunnar, verða fengnir lögreglumenn utan af landi til að aðstoða þá 250 lögreglu- menn sem starfa í Reykjavík. Karl sagði að þessa dagana væri setið á stöðugum fundum með öryggis- vörðum landanna tveggja vegna öryggisgæslunnar. Væri orðið alveg ljóst að hverfin í kringum bústaði leið- toganna, svo og fundarstaðinn, yrðu girt af. Ekki væri þó sýnt hversu stór þau girtu svæði yrðu. Einnig mætti búast við að á nætumar yrði hverfun- um alveg lokað fyrir allri umferð. „Þetta eru alþjóðlega reglur sem við munum fara eftir. Það er aðeins verið að aðlaga þær okkur,“ sagði Karl. „Þetta mun þó verða gert þannig að það raski sem minnst daglegu lífi íbú- anna í þessum hverftun.“ - Hvemig æthð þið að þekkja þá úr? „Húsin í kringum þessa staði eru nú ekki mjög stór, þannig að þetta kemur ekki til með að verða mjög stór hópur. Ég á því von á því að við þekkj- um þá fljótt úr. Ef einhver vafamál koma upp verða kallaðir til nágrannar til að bera kennsl á þá,“ sagði Karl Jóhannsson. -KÞ

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.