Dagblaðið Vísir - DV - 31.10.1987, Blaðsíða 26
26
LAUGARDAGUR 31. OKTÓBER 1987.
Kvikmyndir
Rob Reiner
leitar að hinu mannlega
Rob Reiner leiðbeinir hér Robin Wright er leikur titilhlutverkið í The Princess Bride.
Á aðeins þremur árum hefur fyrr-
verandi sjónvarpsleikaranum Rob
Reiner tekist að skapa sér nafn sem
leikstjóri í hinni hörðu samkeppni
í Hollywood. Hann hefur leikstýrt
íjórum myndum og er óhætt að
segja að með hverri mynd hefur
vegur hans aukist.
Fyrsta mynd hans var The Spian-
al Tap. Það tók hann tvö ár aö
sannfæra framleiðendur um að það
borgaði sig að fjármagna verkið.
Gróðinn var ekki sérlega mikill en
gagnrýnendur hrifust mjög af
þessu byrjendaverki.
The Spinal Tap er nokkurs konar
rokksaga ogíjallar um síðustu daga
þungarokkshljómsveitar. Þaö var
mikið um improviseringar við þá
mynd. Improviseringar er skiluðu
árangri. Þótt ekki færi mikið fyrir
The Spinal Tap á hinum stóra kvik-
myndamarkaði þá vakti leikstjórn
Reiners athygli og var greið leið
fyrir hann að fjármagna sína næstu
mynd The Sure Thing.
The Sure Thing virðist í fyrstu
feta í fótspor margþvældra ungl-
ingamynda nútímans, en þegar að
er gáð, þá er móralskur undirtónn
í myndinni. The Sure Thing gekk
mjög vel. Kostnaður við hana var
4,5 milljónir dollara. Hún skilaði
framleiðendum aftur á móti 20
milljónum til baka. Auk þess fékk
myndin jákvæðar viðtökur gagn-
rýnenda.
Þetta voru samt bara smápening-
ar miðað við gróðann á næstu
mynd Rob Reiner, Stand By Me.
Sú mynd kostaði 8 milljónir doll-
' ara, en hefur nú þegar skilað í
kassann 53 milljónum dollara, leik-
stjóranum og öllum aðstandendum
til mikillar undrunar.
Þessi ljúfa mynd.segir frá fjórum
strákum sem halda í ævintýraleit
að líki sem þeir hafa haft fregnir
af. Stand By Me er full af mannleg-
um tilfinningum er endurspeglast
í hugarfari og aðgerðum drengj-
anna sem eru snilldarvel leiknir
af ungum strákum er alhr höfðu
reynslu af kvikmyndaleik áður en
þeir voru valdir í hlutverkin.
Það gekk samt ekki auðveldlega
fyrir Rob Reiner að sannfæra fram-
leiðendur um ágæti Stand By Me.
Flestum fannst handritið allt of
mjúkt, lítið um spennuatriði, sér-
staklega þegar haft er í huga að
handritið er búið til upp úr smá-
sögu eftir sjálfan Stephen King sem
er þekktasti hryllingssöguhöfund-
ur nútímans.
Það var framleiðandinn Norman
Lear sem bjargaði handritinu frá
endurgerð með því að treysta á Rob
Reiner. Traust sem svo sannarlega
hefur borgað sig. Stand By Me er
Kvikmyndir
Hilmar Karlsson
sjálfsagt með eftirtektarverðustu
myndum sem komu fram í fyrra
og hefur alls staðar fengið góðar
viðtökur gangrýnenda sem áhorf-
enda.
Rob Reiner endugalt greiðann
með því að bjóða Norman Lear að
vera framleiðandi næstu myndar
sinnar The Princess Bride. Og nú
var lagt mikið undir, heilar sextán
milljónir dollara skyldi vera upp-
hæðin.
The Princess Bride er byggð á
þekktri ævintýraskáldsögu er ger-
ist í fortíðinni og hefur allt við sig
sem þannig myndir þurfa að hafa,
skylmingar, slagsmál, pyndingar,
hefnd, risar, ófreskjur og krafta-
verk og utan um allt þetta er svo
rómantísk ástarsaga.
Það er skemmst frá því að segja
að The Princess Bride var frum-
sýnd fyrir stuttu við mikla hrifnigu
áhorfenda, og gagnrýnendur eru á
einu máli að leitun sé á betri ævin-
týramynd.
Rob Reiner stendur á fertugu í
dag. Á að baki litríkan feril. Hann
er sonur hins þekkta leikara og
leikstjóra Carl Reiner og hefur ver-
ið viðloðandi kvikmyndir frá
barnæsku. Þótt nafnið hljómi ekki
kunnuglega hér á landi eru það
ábyggilega margir sem muna eftir
honum í hinum vinsælu sjónvarps-
þáttum All In The Family, er sýndir
voru í Keflavíkursjónvarpinu, en
þar lék hann Meathead sem
tengdafaðir hans hafði vægast sagt
litla trú á. Hann lék í sjö ár í All
In The Family.
Hans uppáhaldsleikstjórar eru
Elia Kazan og Woody Allen. Rob
Reiner skrifar handrit sjálfur að
myndum sínum. Utan þess að vera
hinn ágætasti leikari, góður hand-
ritshöfundur og enn betri leikstjóri
er hann vel liðtækur hljóðfæraleik-
ari. Hæfileikar sem þegar samein-
aðir eru gera hann að einum
eftirtektarverðasta kvikmynda-
gerðarmanni vestanhafs.
HK
Nýjar kvikmyndir
Robocop er framtíðar-
mynd, samt í nálægri
framtíð. Suður-Afríkahef-
ur undir höndum kjarn-
orkusprengju, Skæruliðar
halda flugvellinum í
Acapulco. En aðalfréttin
kvöldið sem myndin byrj-
arerfjölgunglæpaí
Bandaríkjunum. Sú borg,
sem verst verður úti er
Detroit þar sem þrjátíu og
einn lögreglumaður hefur
verið drepinn á stuttum
tíma eða þann tíma sem
Security Concept fyrir-
tækið hefur tekið að sér
löggæsluíborginni.
Vísindamenn fyrirtæk-
isins hafa hannað vél-
menni sem á að leysa
vandann en þegar vél-
mennið sleppir sérá
stjórnarfundi, drepur einn
forstjórann, er þeirri hug-
mynd hafnað.
Lausnin á vandanum er
fundin í sameiningu
mannslíks og vélmennis
og tilraun er gerð á Murp-
hy lögregluþjóni sem hafði
verið skotinn í tætlur.
Robocop fæðist. Vél-
menni, sem vinnur allan
sólarhringinn gegn glæpa-
mönnum, óþreytandi og
ódrepandi vél er vinnur
verk sitt óaðfinnanlega, en
innan víraflækjanna leyn-
ist sál Murphy, sál sem
hefur tilfinningar.
Þettaerbyrjuniná
Robocop, mynd sem vakið
hefur athygli vestanhafs
að undanfornu og Há-
skólabíó er að hefja sý
ningar á. Leikstjóri mynd-
arinnar er Hollendingur-
inn Paul Verhoven sem á
að baki verðlaunaðar hol-
lenskar myndir og mið-
aldaævintýrið Flesh+
Blood. Þykir honum hafa
tekist vel í leikstjórn á
þessari ógnvekjandi fram-
tíðarsýn.
Aðalhlutverkið Murp-
hy/Robocop leikur hinn
stæðilegi leikari Peter
Weller, sá er ekki mjög
þekktur. Lék aðalhlut-
verkið í annarri ævintýra-
mynd Buckaroo Banzai
við lítinn orðstír, en á að
baki ágætan leikferil í
sjónvarpi.
Nýtt Sjónmál
Annað tölublað kvikmyndatíma-
ritsins Sjónmál er komið út. Skipt
hefur verið um ritstjóra. Fyrsta
tölublaðinu ritstýrðu Gunnar Her-
sveinn og Jón Egill. Við starfi
þeirra hefur tekið Bjarni Þór Sig-
urðsson. Meðal efnis í blaðinu má
nefna frásögn í myndum og máli
af tökum á í Skugga hrafnsins.
Greinar um Roman Polanski,
Dennis Hopper, Orson Welles, Isa-
belle Huppert og leikarann Ronald
Reagan. Þá er viðtal við Friðrik Þór
Friðriksson. Félagarnir Einar
Garibaldi og Jón Karl Helgason
taka saman grein er nefnist í bíó.
Fjölmargir myndbandsdómar eru
auk smáefnis. Sjónmál er hið vand-
aðasta að öllum frágangi.