Dagblaðið Vísir - DV - 31.10.1987, Blaðsíða 39

LAUGARDAGUR 31. OKTÓBER 1987.
51
Dularfulla viskíflöskusendingin
Þótt merkilegt megi viröast gerast
víðar dularfullir atburðir en í sjón-
varpinu. Á mínu heimili hefur hver
atburðurinn öðrum dularfyllri átt
sér stað síðustu dagana.
Þetta byijaði með því að táning-
urinn þvoði óbeðinn upp eftir
kvöldmatinn. Það er ekki enn kom-
ið í ljós hvers vegna hann gerði það.
Skömmu seinna fór sá átta ára
upp á Kjalames í íjós. Þar varð
hann fyrir þeirri merkilegu lífs-
reynslu að sjá kálf. Fram að því
hafði hann aðeins séð kálf í sjón-
varpinu og einstöku sinnum heima
hjá sér um hádegisbilið á sunnu-
dögum.
Þettatvennt olli okkur svo sem eng-
um sérstökum áhyggjum. Það sama
verður hins vegar ekki sagt um dular-
fullu viskíflöskusendinguna.
Rannsóknin hefst
Klukkuna vantaði nákvæmlega
fimmtán og hálfa mínútu í sjö á
laugardegi þegar dyrabjöllunni var
hringt. Þar sem ég var nýkominn
af ráðstefnu í Hveragerði og um
það bil að fara að hella kaffi í boll-
ann minn fór konan mín til dyra.
Fyrir utan stóð ung stúlka með
grænan bréfpoka í hendinni. Hún
spurði hvort ég ætti heima héma
og þegar konan mín játaöi því rétti
hún henni græna pokann en hvarf
að þvi búnu út í rökkrið.
Konan mín dvaldi ekki lengi
frammi í anddyrinu heldur snarað-
ist inn í eldhúsið þar sem ég var
að drekka kaffi og lesa Dagblaðið
og hlammaði græna pokanum ofan
á blaðið hjá mér svo að það varð
eiginlega ómögulegt að lesa það.
- Þetta er til þín, sagði hún og
settist gegnt mér við borðið. Ef ég
hefði verið ráðherra í bresku ríkis-
stjórninni hefði örugglega verið
sprengja í pokanum og þess vegna
hefði ég tekið hann og kastað hon-
um umsvifalaust út um gluggann
og þegar það hefði komið í fréttun-
um daginn eftir að sprengja hefði
grandað fimmtán þúsund manns í
miðborg Lundúna hefði ég hugsað:
Vonandi hafa þeir flestir kosið
flokk andstæðinganna í síðustu
kosningum.
í mínum poka var á hinn bóginn
viskíflaska og lítið umslag meö
nafninu mínu á.
- Opnaðu það, sagði konan
mín og það gætti óþols í rödd-
inni.
í umslaginu var miði sem á stóð:
Hótel Alexandra þakkar aðstoð á
ögurstundum. Kær kveðja og undir
þetta var ritað nafn sem hvorugt
okkar gat lesið.
- Djöfullinn sjálfur, hugsaði ég, -
Háaloft
Benedikt Axelsson
hvem fjandann hef ég nú gert af
mér.
Hvað konan mín hugsaöi hef ég
ekki hugmynd um en aftur á móti
horfði hún á mig eins og frægustu
leynilögreglumenn horfa alltaf á
þá menn í bíómyndum sem þeir
hafa grunaða um fjöldamorð á
bömum og gamalmennum og eiga
bara eftir aö sanna á þá glæpinn.
Rannsóknin heldur áfram
Þegar ég hafði lesið miðann tvisv-
ar og snúið honum við til aö athuga
hvort þar væri einhverja vísbend-
ingu að fá kvað konan mín upp úr
með það að þetta væri ekki til mín
og á þessari stundu sæti örugglega
einhver hetja sem hefði bjargað
Hótel Alexöndru frá einhveijum
háska og biði eftir viskíinu sínu
sem aldrei kæmi.
- Kannski hefur hann bróðir þinn
átt að fá þetta, sagði konan mín, -
hann var í útlöndum í sumar.
Bróðir minn hafði ekki gist á
Hótel Alexöndru og því enga aðstoð
getað veitt á ögurstundum en hins
vegar datt honum í hug að þetta
hótel væri í Danmörku því að þar
nefndu menn alla skapaða hluti
eftir kóngum og drottningum og
byggju meira að segja til sultu kon-
ungsfjölskyldunni til heiðurs.
- Aha, sagði konan mín þegar ég
minntist á Danmörku því að þar
höfðum við dvalið í hálfan mánuð
í góðu yfirlæti í fyrra.
Ekki veit ég hvað þetta aha kon-
unnar minnar átti að þýða því að
ég var engu nær. Ef þessi sending
hefði hins vegar verið frá Carlsberg
verksmiðjunum hefði ég strax skil-
ið hvað um hefði veriö að ræða því
að ég gerði heiðarlega tilraun til
að auka gróða þess fyrirtækis um-
talsvert á meðan á dvöl minni í
Danaveldi stóð.
Rannsókninni lýkur
Eftir aö hafa velt þessum dular-
fulla miða fyrir mér í hálfa aðra
klukkustund fletti ég orðinu ögur-
stund upp í orðabók og komst að
raun um aö sú stund er tíminn frá
þvi hálffalliö er út og þangað til fer
að falla að aftur.
- Sólarstrendur, hugsaði ég, -
þetta hótel er örugglega einhvers
staðar í heitu löndunum þar sem
starfsfólk hótelsins hefur tekið feil
á mér og ungum, spengilegum og
vöðvastæltum manni sem hefur
staðið í flæöarmáhnu fyrir framan
Hótel Alexöndru allan guðslangan
daginn og bjargað gömlum konum
sem höfðu hoppaö í Miöjarðarhafið
þá um morguninn af því að þær
héldu að það væri heiti pottur-
inn.
- Þú ert nú ekki með öllum
mjalla, sagöi konan mín þegar ég
bar þessa kenningu undir hana og
síðan tautaði hún eitthvað um að
það væri svo sem hægt að taka feil
á mér og símaklefa en...
Þegar hér var komiö sögu var ég
orðinn alveg gríðarlega þreyttur á
þessu máli, svona álíka og kjósend-
ur verða venjulega á stjórnmála-
mönnum daginn fyrir kosningar,
en ekki vildi ég gefast upp þvi að
konan mín sagði að þaö kæmi ekki
til greina að ég færi að drekka ann-
arra manna viskí þótt mér þætti
það frekar kostur en hitt.
En þegar ég var um það bil að
gefa allt upp á bátinn eins og út-
gerðarmennirnir gera um áramót-
in datt mér allt íeinu í hug að fletta
einfaldlega upp í símaskránni.
Og viti menn, þar fann ég lausn
gátunnar um dularfullu viskí-
flöskusendinguna.
Kveðja
Ben. Ax.
Finnurðu
átta breytingar?
67
Þessar tvær myndir sýnast í fljótu bragði eins. En á
neðri myndinni hafa fallið burt hlutar af myndinni eða
þeir breyst, alls á átta stöðum. Það er misjafnlega erfitt að
finna þessar breytingar en ef fjölskyldan sameinast um að
leysa þetta trúum við því að allt komi þetta að lokum.
Merkið með hring eða krossi þar sem breytingarnar eru
og sendið okkur neðri myndina. Skilafrestur er tíu dagar.
Að þeim tíma liðnum drögum við úr réttum lausnum og
veitum þrenn verðlaun, öll frá versluninni Japis, Brautar-
holti 2. Þau eru Supertech ferðatæki (verðmæti 3.860,-), LED
útvarpsvekjari (verðmæti 2.350,-) og Supertech útvarpstæki
(verðmæti 1.365,-)
í öðru helgarblaði héðan í frá birtast nöfn hinna heppnu
en ný þraut kemur í næsta helgarblaði.
Góða skemmtun!
Merkið umslagið:
„Átta breytingar - 67, c/o DV, pósthólf5380,125 Reykjavík.
Verðlaunahafar reyndust vera fyrir 65. gátu: Ragnhildur
Benediktsdóttir, Arnórsstöðum, 701 Egilsstaðir (ferðatæki),
Sigurður Eiríksson, Fögrubrekku 43, 200 Kópavogur (út-
varpsvekjari), Margrét Sæmundsdóttir, Hólmgarði 23, 108
Reykjavík (útvarpstæki). Vinningarnir verða sendir heim.

NAFN .......
HEIMILISFANG
PÓSTNÚMER ..