Dagblaðið Vísir - DV - 23.12.1987, Qupperneq 30

54
MIÐVIKUDAGUR 23. DESEMBER 1987.
Jólasveinamir á háaloftinu
Hverju í ósköpunum hafa jólasveinarnir nú fundið upp á?
Jú, þeir eru komnir upp á háaloft og hafa dregið fram allt
gamla dótið. Það nota þeir í leik sem þeir hafa fundið upp
og nú gengur ekki svo lítið á.
Ef ykkur langar til að vera með í leiknum þá skuluð þið
finna nokkrar spilatölur og tening. Þið kastið teningnum
til skiptis og færið tölurnar eftir reitunum og ekki lengra í
einu en teninurinn segir til um. Alltaf þegar þig Iendið á
hring skuluð þið skoða skýringarnar til að sjá hvað verður
nú um töluna ykkar. Þið byijið við stjörnuna og sá sigrar
sem kemur fyrst að járnbrautalestinni.
Góða skemmtun!
1. Þú ert á svo mikilli ferð að þú hendist
enn um fimm reiti áfram.
2. Það borgar sig ekki að vera með óþarfa
forvitni. Þú verður að bíða eina umferð.
3. Þú sérð að dagurinn er að líða og flýtir
þér áfram um þrjá reiti.
4. Þú verður að sitja hjá eina umferð meðan
þú trekkir upp músina.
5. Músin launar fyrir sig og þú mátt færa
þig fram um fimm reiti.
6. Þú lætur undan freistingunni og færð þér
lúr í hengirúminu og situr hjá í tvær um-
ferðir.
7. Þú ert hræddur við býfluguna og flýtir
þér fram um fimm reiti til að forðast hana.
8. Dordingullinn er góður í sér og hjálpar
þér áfram um þrjá reiti.
9. Þig langar mikið í ostinn og færir þig
aftur um tvo reiti til að geta náð í meira.
10. Þú getur ekki gleymt ostinum og færir
þig enn aftur um þrjá reiti til að ná í meira.
11. Það er hátt niður. Þú verður að bíða
eina umferð meðan þú safnar kjarki til að
stökkva.
12. Loksins þorðir þú að stökkva og þú
færist fram um fimm reiti.
13. Þú ert snjall og rennir þér niður á
bandi. Þú færist fram um fimm reiti.
14. Þú færir þig aftur um einn reit til að
geta spjallað við jólaorminn.
15. Þú mátt alls ekki sofa hérna og þú getur
ekki haldið áfram nema þú fáir einn eða
tvo á teningnum.