Dagur - 12.02.1968, Blaðsíða 15

Eiríkur Sigurðsson:
Blaðið, sem alltaf tekur
svari bindindismálsins
ALKUNNUGT ER hve blöðin
hafa mikil áhrif á skoðanir fólks.
Það er því mikilvægt, hverja af-
stöðu þau taka til almennra vel-
ferðarmála. Jákvæð afstaða þeirra
til sérhverra siðgæðis- og menn-
ingarmála er heilbrigð þjónusta
þeirra við samfélagið.
Bindindismál eru víða á dag-
skrá hjá öllum siðuðum þjóðfélög-
um. Það er jöfnum höndum rætt
um skeðsemi áfengis, frjáls bind-
indissamtök og almennar áfengis-
varnir þjóðfélagsins. Eri öll bind-
iridisbárátta er sókn; upp á ' móti
brekkunni. En þeif sem ’ tilbi'ðja1
naptnina láta sig renna niðuf. OgJ
það er miklu léttara. 1 1 • A
» ; - "I
Hirin frægi læknir og bindindis-
hetja Johan Scharffenberg segir á
einum stað: „Baráttan móti áfeng-
inu er barátta við ill og auðvirðu-
leg máttarvöld og því keðja í
hinni miklu, eilífu lífsbaráttu.“
Bindindismál hafa jafnan verið
ofarlega á baugi hér á Akureyri.
Hér hafa tvenn félagasamtök, sem
mikið eru kennd við bindindi, átt
upptök sín. Fyrsta íslenzka góð-
templarastúkan var stofnuð hér
1884 og fyrsta ungmennafélagið
að norskri fyrirmynd 1906. Héð-
an bárust þessar tvær félagsmála-
hreyfingar út um landið. Frá þeim
tíma hefur Góðtemplarareglan
verið öflugasta bindindishreyfing-
in hér á landi og um tugi ára voru
ungmennafélögin eindregin bind-
indisfélög og vinna enn fyrir bind-
indismálið. Þá má nefna það að á
Akureyri er eina bindindishótel
lapdsins, Hótel Yarðborg, og nýt-
ur mikilla vinsælda.
Mér er sagt, að „Dagur“ eigi
hálfrar aldar afmæli um þetta
leyti. A þessum tímamótum tel ég
eðlilegt, að fram komi frá okkur
bindindismönnum þakklæti fyrir
þá afstöðu sem blaðið hefur tekið
með bindindismálinu undir rit-
stjórn Erlings Davíðssonar. Eg
held á engan sé hallað, þó að sagt
sé, að þar hefur þetta blað algjöra
sérstöðu með bindindismönnum,
og oft birt ýmislegt, þar sem það
hefur verið metið meira að segja
sannleikann, en það hvernig ein-
hverjum kann að hafa fallið það.
Almenningsálitið virðist ekki
með bindindi eins og stendur í
þjóðfélaginu. Umbóta- og siðgæð-
ismál njóta sjaldan vinsælda á
umbrotatímum. Afengis- og
tóbaksnautn er oft sungið lof í
okkar nýja velferðarríki. Svo vill
oft fara, þegar fátæk þjóð fær
skyndilega peninga handa á milli.
Þá er mikils virði að til skuli
vera blað eins og „Dagur,“ sem
tekur tæpitungulaust svari bind-
indismálsins. Tekur undir með
þeim, sem hafa jákvæða lífsaf-
stöðu í þessu mikla vandamáli
Nú á hálfrar aldar afmæli
„Dags,“ vil ég flytja honum þakk-
ir fyrir, hve ákveðna afstöðu blað-
ið hefur tekið með bindindismál-
inu og óska þess að svo megi jafn-
an verða. Jafnframt flyt ég hon-
um árnaðaróskir með tímamótin,
að hann megi ávallt verða örugg-
ur málsvari norðlenzkra byggða.
DAGUR 50 ÁRA 15