Dagur - 12.02.1968, Blaðsíða 8

lega. Lesmál því helmingi meira
en verið hafði. í ársbyrjun 1920
varð nokkurt hlé á útkomu þess,
sennilega vegna ritstjóraskipta, en
þá stækkaði það upp í 4 síður í
hvert sinn, og hélzt svo lengi. En
22 árum síðar, í ársbyrjun 1942,
var brot blaðsins stækkað og í árs-
byrjun 1944 varð það 8 síðu blað,
og hefir það haldizt. En um og eft-
ir 1940 eða jafnvel fyrr var farið
að breyta útliti blaðsins meir og
meir, birtar fréttir á forsíðu,
myndum fjölgað og efni fjöl-
breyttara en fyrr, einkum eftir að
blaðið stækkaði. í ársbyrjun 1948
minnkaði brot þess aftur niður í
hið fyrra horf, en áfram héldust
8 síður hverju sinni. í seinni tíð
hefir það hins vegar öðru hverju
verið gefið út oftar en einu sinni
í viku t. d. nokkra mánuði á sl. ári,
en slíkur blaðafjöldi hefir enn
ekki orðið varanlegur.
Fyrstu tvo áratugina eða því
sem næst var útgáfa Dags í hönd-
um félags þess, er fyrr var nefnt.
En undanfarna þrjá áratugi eða
allt að því, hefir blaðið komið út
á vegum Framsóknarfélaganna á
Akureyri og í Eyjafjarðasýslu.
Sjö menn eru í blaðstjórn. For-
maður er Jakob Frímannsson, og
ræður hún fasta starfsmenn blaðs-
ins á sama hátt og stjórn útgáfu-
félagsins áður gerði.
Fyrsti afgreiðslumaður blaðsins
var, eins og fyrr var sagt, Lárus J.
Rist. Á eítir honum var Jón Þ. Þór
málari afgreiðslumaður í mörg ár.
Af honum tók við afgreiðslunni Jó-
hann Ó. Haraldsson, sá er síðar
varð kúnnur sem organleikari og
tónskáld, og hafði haria á hendi til
ársloka 1942. Næsti afgreiðslu-
maður var Sigurður Jóhannesson
stúdent frá Vindheimum (1943—
’45), þá Marino H. Pétursson, nú
skrifstofumaður á Akureyri, 1945
—1950. En árið 1950 gerðist nú-
verandi ritstjóri blaðsins, Erlingur
Davíðsson, afgreiðslumaður þess
og hafði afgreiðsluna á hendi í 6
8 DAGUR 50 ÁRA
ár. Næsti afgreiðslumaður á eftir
honum var Þorkell Björnsson
(1956—’59), en snemma á því
ári tók Jón Samúelsson við því
starfi og hefir haft það á hendi síð-
an. Um það er mér ekki fullkunn-
ugt, að hve miklu leyti afgreiðslu-
menn blaðsins hafa haft á hendi
auglýsingasöfnun og fjármála-
stjórn fyrir blaðið á sama hátt sem
nú gerist og kunnugt er. Ingimar
Eydal getur þess þó 1943, að Árni
Jóhannsson gjaldkeri K.E.A., sem
lengi var formaður Framsóknarfé-
lags Akureyrar og forseti bæjar-
stjórnar, en einnig í útgáfustjórn
Dags, hafi um „fjölmörg ár“ ann-
ast innheimtu fyrir blaðið, og að
Jóhann Ó. Haraldsson hafi á sín-
um tíma sem afgreiðslumaður
annast innheimtu og auglýsinga-
stjórn „af frábærri alúð, dugnaði
og fyrirhyggju.“
Um þá mörgu ágætu menn
hvern fyrir sig, sem nú í hálfa öld
hafa haft á hendi ritstjórn Dags
um lengri eða skemmri tíma,
munu aðrir rita að þessu sinni. Hér
skulu þó nefnd nöfn þeirra allra,
og hvenær þeir stýrðu blaðinu.
Eins og fyrr var sagt var Ingimar
Eydal fyrsti ritstjóri blaðsins, en
hann sagði upp starfi sínu í árslok
1919. Jónas Þorbergsson var rit-
stjóri Dags á árunum 1920—27,
en fluttist þá til Reykjavíkur og
tók við ritstjórn á landsblaði
Framsóknarmanna, Tímanum, er
Tryggvi Þórhallsson varð forsæt-
isráðherra. Veturinn 1927—28
varð Þórólfur Sigurðsson í Bald-
ursheimi ritstjóri Dags. Eftir að
hann hvarf frá því starfi og til bús
síns á ný, gerðist Ingimar Eydal
ritstjóri í annað sinn og hafði hana
á hendi allt fram til ársloka 1944.
En meðritstjórar hans á þessu
tímabili voru Friðrik Á. Brekkan
rithöfundur (1928—30), Sigfús
Halldórs frá Höfnum (1934),
Jóhann Frímann fyrrv. skólastjóri
1942—44 og Haukur Snorrason
1944. í ársbyrjun 1.945 létu þeir
Ingimar og Jóhann af ritstjórninni,
hinn fyrrnefndi fyrir aldurssakir
og hinn síðarnefndi vegna annarra
starfa, og var Haukur Snorrason
einn ritstjóri Dags í 11 ár. 1945—
55. Þá fluttist hann til Reykjavík-
ur og tók að sér ritstjórn við Tím-
ann eins og Jónas Þorbergsson
fyrrum — ásamt Þórarni Þórar-
inssyni. Tók þá við Degi núver-
andi ritstjóri blaðsins, Erlingur
Davíðsson, en hann hafði sem fyrr
var sagt, ráðizt að blaðinu sem af-
greiðslumaður árið 1950, og þá
jafnframt sinnt blaðamennsku
öðru hverju, er þess var þörf, m. a.
er ritstjórinn var erlendis um hríð.
Ingvar Gíslason, núv. alþm., var
meðritstjóri Dags um tíma á árinu
1958.
Fyrstu kynni mín af mönnum,
sem að Degi stóðu, eru frá árun-
um 1919—21. Ég var þá ungling-
ur við gagnfræðanám á Akureyri.
Á öndverðum vetri 1920 var boð-
aður stjórnmálafundur í sam-
komuhúsinu gamla, sem enn
stendur, en var víst í þann tíð
mikil höll og vegleg í mínum aug-
um og ýmsra annarra, sem vanizt
höfðu þröngum húsakynnum og
lágreistum. Þarna var í rauninni
um leiðarþing að ræða, sem boðað
hafði verið til af þáverandi þing-
manni kjördæmisins, Magnúsi
Kristjánssyni, sem þá var forstjóri
Landsverzlunarinnar, en hafði áð-
ur fengizt við útgerð og verzlun á
Akureyri, en varð sjö árum síðar
fjármálaráðherra í ráðuneyti
Tryggva Þórhallssonar. Var hann
frummælandi á fundinum. Hiti
mun þá hafa verið í stjórnmálum,
og var húsið þéttskipað áheyrend-
um, en á meðal þeirra vorum við
nokkrir skólapiltar fyrir forvitni
sakir. Fundarstjóri var Júlíus
Havsteen þá settur bæjarfógeti á
Akureyri. Eftir að þingmaðurinn
hafði lokið framsögunni tóku
margir til máls, og fannst mér mik-