Ársrit Ræktunarfélags Norðurlands - 01.01.1974, Blaðsíða 71
ÞÓRARINN LÁRUSSON og JÓHANNES SIGVALDASON:
MELTANLEIKI OG EFNAMAGN
SNARRÓTAR í MISMUNANDI HÆÐ
YFIR SJÓ
Vorið 1973 var ákveðið að gera könnun á meltanleika og
steinefnamagni snarrótar (Deschampsia caespitosa) í mis-
munandi hæð yfir sjó og á mismunandi tíma. Valin voru
tvö snið í Eyjafjarðarsýslu, annað út með firðinum eða upp
frá Hofsárkoti í Svarfaðardal, en hitt innan við Akureyri
í Kerlingarfjalli upp frá bænum Grund.
FRAMKVÆMD RANNSÓKNAR
Ákveðið var að safna sýnum þessum með u.þ.b. 50 m hæðar-
millibili eins hátt og mögulegt var að nurla saman í sýni
með sæmilegu móti. Upp af Hofsárkoti var snarrótin klippt
þann 6. júlí og aftur þann 19. ágúst í 30, 100, 150, 200, 250
og 320 m hæð, eða á sex stöðum alls í hvort skipti. I Kerl-
ingarfjalli fór klipping fram þann 6. júlí og 23. ágúst í 50,
100, 150, 200, 250, 300, 350, 400, 450, 500 og 550 m hæð,
eða á 11 stöðum alls í hvort skipti.
Snarrótinni var safnað með því að klippa grösin við rót
með sauðaklippum og fjarlægja eins vel og unnt var alla
þá sinu sem vildi slæðast með. Snarrótarsýnin voru þurrkuð
strax að hverri söfnun lokinni við 80° C í 12 klst.
73