Ársrit Ræktunarfélags Norðurlands - 01.01.1974, Blaðsíða 29
þessar tvær undirtegundir rýgresis (Westerwoldiskt og It-
alskt rýgresi), en hafa ber þá í huga, að með vaxandi upp-
skeru minnka fóðurgæðin. í þessum tilraunum gáfu þó
uppskerumestu liðirnir flestar fóðureiningar af hektara,
þannig að ályktun um að nýta skuli Westerwoldiskt rýgresi
í tveimur sláttum og ítalskt rýgresi í einum slætti stenzt
einnig, þegar tekið er tillit til fóðurgæða. Uppskera varð
mest 4600—4900 EE/ha af Westerwoldisku rýgresi og 4400—
4600 FE/ha af ítölsku rýgresi. Það er sambærilegt við upp-
skeru, sem fæst í Norður-Noregi0.
Enda þótt Westerwoldiskt rýgresi gefi í heild meiri upp-
skeru en Italskt rýgresi í tveimur sláttum, þá er endurvöxt-
ur þess minni en hins síðarnefnda, nema fyrri sláttur sé
sleginn mjög snemma. Mikill endurvöxtur Italsks rýgresis
vegur þó ekki upp forskot hins.
Westerwoldiskt rýgresi er mun fljótsprottnara en Italskt
rýgresi og á mynd 2 sést, að við einn slátt gefur það meiri
uppskeru en ítalskt rýgresi, ef það er slegið á fyrstu 70—80
vaxtardögunum. Úr því gefur ítalskt rýgresi fleiri fóðurein-
ingar af hektara, enda þótt uppskera af heyi sé minni en af
Westerwoldisku rýgresi.
Samanburður á stofnum ítalsks rýgresis, Dasas (tvílitna)
og Tetila (ferlitna) sýnir, að Dasas er heldur fljótsprottn-
ara og gefur meiri uppskeru en Tetila í allt að 100 vaxtar-
daga. Úr því hefur Tetila vinninginn, einkum vegna hærri
meltanleika (mynd 1). Þetta kemur heim við norskar rann-
sóknir8, sem sýna, að ferlitna rýgresisstofnar þroskuðust
seinna en tvílitna stofnar.
Mynd 3 sýnir, að við einn slátt vex Westerwoldiskt rý-
gresi hraðar en ítalskt rýgresi framan af, en ítalskt rýgresi
fer fram úr hinu síðar á vaxtartímanum. ítalska rýgresið
fer fram úr Westerwoldiska rýgresinu fyrr á Akureyri en á
Hólum og stafar það af að veðurfar hefur verið hlýrra og
úrkomusamara á Akureyri. Þar hefur Italska rýgresið náð
Westerwoldiska rýgresinu eftir 76 daga frá sáningu með
hitasummu 760 D° á tímabilinu, en á Hólum ekki fyrr en
eftir 95 vaxtardaga með hitasummu 800 D°. Eftir þessu virð-
31