Ársrit Ræktunarfélags Norðurlands - 01.01.1974, Side 96

um og bröttum skriðum, svo nú er hann sumsstaðar farinn
að flagna af bergi.
Töluvert sér á sitkagreni í trjágarðinum í Dalnum þó
mun minna en í Gjögrum og Vík.
22. apríl komst ég inn að Sólheimajökli að huga að fram-
skriði hans. Notaði ég þá tækifærið að skoða gróður á þeim
slóðum. Krækilyng í Sængeyjum og hólum er mikið brúnt
eins er mosi þar mjög ljótur, en er nær dregur jöklinum sér
minna á hvoru tveggja, þar hefur snjór sennilega hlíft
gróðrinum.
Á nokkrum stöðum suður á sandi sá ég nokkrar lamba-
grasaþúfur, eru margar þeirra eldrauðar vestan í móti. Lít-
ið hefur bæst við skemmdirnar á skóginum í Gjögrum síðan
ég skoðaði hann í mars.
Þar sem jörðin er þurr eru aurarnir norður af Pétursey
ekki eins ljótir og þegar ég sá þá síðast því skemmdirnar á
mosanum verða brúnar þegar þornar en nærri svartar í
vætu.
1. maí gerði norðanrok eftir mikinn þurrk undanfarna
daga. Þetta rok hefur allvíða rifið brunna mosann af bergi
og skriðum og víða liggur mikið af upprifnum dauðum
mosa í skjóli milli þúfna og í lautum. Ohætt er að segja að
töluverðar skemmdir hafa orðið á landi sem er að gróa upp,
svo sem á melum og skriðum vestan í móti í fjallahlíðum.
Nokkru síðar skoðaði ég aurana fyrir innan Steig og hef-
ur töluvert blásið upp á hæstu áreyrunum, og mikið af
lausum mosa í öllum lautum.
21. maí. Fór nokkuð um úthagann og sunnanverða heið-
ina okkar Skammdæla. Þegar jörð er þurr ber ekki mikið á
flúorbrunanum á mosanum svona yfir að líta síðan grasið
fór að spretta. En allt að þessu hefur sauðfé ekki viljað bíta
í útjörð þar sem nokkur mosi er, það bítur helst mosalausar
lautir og lækjarbakka einkum ef þurrkur er. Við nána at-
hugun í dag komst ég að því að skýringin er sú að í þurrki
verða topparnir á brunna mosanum svo harðir að töluvert
brakar undir fæti þegar um hann er gengið og mjög leiða
lykt leggur upp úr grassverðinum. Hér á heiðabrúninni
99