Ársrit Ræktunarfélags Norðurlands - 01.01.1976, Síða 12

gefið í einum slætti og því aldrei ástæða til að láta það
standa lengur og fá með því verra fóður. A hinn bóginn
ber að hafa hugfast að vallarfoxgras (Engmo, Korpa) gef-
ur lítinn endurvöxt og má því ekki slá það of snemma,
ef viðunandi uppskera á að fást. Vallarfoxgras d ekki að
slá fyrr en vel eftir skrið en fyrir blómgun. (Magnús Ósk-
arsson og Bjarni Guðmundsson (1971) komust að sömu
niðurstöðu og hér er frá sagt, þó án mælinga á meltan-
leika).
2. Þegar slegið er rétt fyrir blómgun verður uppskera af
meltanlegu hrápróteini u. þ. b. 85% af hámarkspróteini
í einum slætti. Meltanlegt hráprótein í hverju kílói af
heyi er hins vegar orðið nokkuð lágt og því þarf vel að
hyggja að því að gefa próteinríka fóðurblöndu með heyi
af vallarfoxgrasi.
Snarrót.
1. Til þess að fá gott hey af snarrót handa hámjólka kúm
(sem fyrr sagði 1,7 kg/f.e. eða betra) þarf að slá hana
snemma, þ. e. a. s. þegar hún er ekki meir en hálfskriðin.
Svo snemma slegin gefur snarrótin þó ekki flestar fóður-
einingar af hektara, en hún sprettur vel upp og síðla sum-
ars má slá hana aftur eða beita og fá samanlagt fleiri
fóðureiningar heldur en ef einslegið er seint og afbragðs
fóður. Ef nota á hey af snarrót handa geldneytum eða fé
á viðhaldsfóðri má láta snarrótina standa lengur og ein-
slá þegar hún er blómguð.
2. Við að slá snarrótina snemma og endurslá fæst hámark
af meltanlegu hrápróteini.
Ljúkum við svo að segja frá sláttutíma að sinni.
14