Ársrit Ræktunarfélags Norðurlands - 01.01.1976, Side 82

angengnum árum hefði verið fullvísindalegt til þess að not-
um kæmi fyrir hinn almenna bónda og því væri vart ástæða
fyrir búnaðarsamböndin að kosta til miklu fé fyrir texta
sem enginn bóndi læsi. Að vísu fékk þessi skoðun ekki
hljómgrunn við afgreiðslu fjárhagsáætlunar fyrir yfirstand-
andi ár, en þar sem mér er ljóst að nokkuð er rétt í því að
efni ritsins hefur undanfarið oft verið ívið of flókið, var
ákveðið að taka upp að nokkru nýja stefnu hvað efnisval
ársritsins áhrærir. Áætlað er nú að birta þar fyrst og fremst:
I fyrsta lagi, greinar um landbúnað almennt í annað stað
stutta útdrætti úr vísindagreinum þar sem þau atriði, eink-
um og sérílagi, er viðkoma því, sem bóndinn er að gera,
eru dregin fram í dagsljósið og í þriðja lagi starfsskýrslur
og annað tilfallandi er kann að berast.
Þá er það til nýlundu frá að greina, að í föstulok á liðn-
um vetri var ákveðið að Ræktunarfélag Norðurlands, Bænda-
skólinn á Hólum og Tilraunastöðin á Möðruvöllum hæfu
útgáfu á fjölriti. í fjölriti þessu er ætlunin að birta greinar
um ýmis þau efni sem starfsmenn ofangreindra stofnana
eru að grúska í. Fyrsta hefti af fjölritinu kom út í nýliðn-
um ágústmánuði. Upplag fjölritsins er áætlað 150 eintök
og verður fyrst og fremst sent til ráðunauta, rannsóknar-
manna og forsvars og forvígismanna bænda.
Eins og frá var greint á aðalfundi í fyrra, var ákveðið að
Rf. Nl. gæfi út bók eftir Ólaf Jónsson um berghlaup. Að
þessu hefur verið unnið af kappi á liðnu ári og er áætlað
að bókin komi út um miðjan október.
Bœndafarir.
A síðasta aðalfundi var samþykkt að slá saman í einn sjóð
því fé, sem frá gömlum tíma var í fjórum sjóðum í vörslu
Rf. Nl. Einnig var samþykkt skipulagsskrá fyrir liinn nýja
sjóð, þar sem svo er fyrir mælt að styrkja bændur o. fl. á
félagssvæði Rf. Nl. til kynnisferða. í skipulagsskrá var einnig
ákveðið um tekjur sjóðsins og stjórn falin úthlutun styrkja.
A liðnum vetri var síðan ákveðið að bjóða hreppabúnaðar-
84