Ársrit Ræktunarfélags Norðurlands - 01.01.1976, Page 83

félögunum í fjórðungnum upp á að sækja um styrki til
kynnisfara. Umsóknir bárust frá fjórum búnaðarfélögum og
var ákveðið að veita hverju félagi kr. 25.000 í styrk til ferða.
Félagar í þrem af þessum félögum fóru í ferðalög snemma
í sumar þ. e. úr Búnaðarfélagi Torfalækjarhrepps, A.-Hún.,
Búnaðarfélagi Kirkjuhvammshrepps, V.-Hún. og Búnaðar-
félagi Lýtingsstaðahrepps í Skagafirði. Komu þeir allir til
Eyjafjarðar og dvöldu daglangt. Nú um síðustu helgi fóru
svo félagar úr Búnaðarfélagi Viðvíkurhrepps í ferðalag aust-
ur í S.-Þing. og voru tvo daga í ferðalaginu. Tel ég þessar
ferðir hafa tekist með ágætum. Ekkert er þó ákveðið um
framhald þeirra.
Ferðalög og ýmis störf.
í september 1975 fór ég í heysýnatökuferð í N.-Þing. Tók
ég sýni á nokkrum bæjum á Sléttu, Þistilfirði og Langanesi.
Alls var komið í ferðalagi þessu á 17 bæi. I desember fór ég
ásamt Guðbjarti Guðmundssyni ráðunaut á Blönduósi og
skilaði niðurstöðum heysýna á nokkra bæi í Þingi og Svína-
dal í A.-Hún. Farnar voru ferðir í Fjósatungu í Fnjóskadal
og Hvamm í Höfðahverfi til að vigta fé sem á þessum bæj-
um er í selenathugun. Um miðjan júní sl. fór ég ásamt Olafi
G. Vagnssyni austur í Kelduhverfi. Bárum við á tilraun í
túni bóndans á Fjöllum þar í sveit, en fórum síðan í Ær-
lækjarsel og þaðan ásamt Grími jónssyni upp á Hólsfjöll
og skoðuðum ræktarland fyrir Grímsstaðabændur en þeir
voru að hefja byggingu á 800 kinda fjárhúsi og vantaði land
undir tún til að geta fóðrað þennan fjölda. Á Grímsstöðum
er landrými nóg en hæð yfir sjó setur sín takmörk með það
hvernig nýrækt lukkast. Lögðum við til að reyna nokkura
hektara ræktun á móajarðvegi, þurrka upp mýrarhorn og
gera tilraun með að bera á og sá í eyðisand. Verður tíminn
að skera úr um það hvort þarna tekst að fá uppskeru til
frambúðar af ræktuðu túni. Ymsar smærri ferðir voru farnar
og að sjálfsögðu ferðalög í sambandi við þá fundi sem farið
var á.
85