Árbók Landsbókasafns Íslands - 01.01.1969, Qupperneq 5

LANDSBOKASAFNIÐ 1968
BÓKAKOSTUR OG Bókakostur Landsbókasafns var í árslok 1968 samkvæmt aðfanga-
BÓKAGJAFIR bók 272.374 bindi prentaðra bóka og hafði vaxið á árinu um
6.174 bindi.
Mikill fjöldi binda var gefinn safninu eða fenginn í bókaskiptum.
Af einstökum bókagjöfum skal þessara getið og gefendum færðar sérstakar þakkir:
Sendiráð Sovétríkjanna og Franska sendiráðið í Reykjavík efndu til bókasýninga í
Bcgasal Þjóðminjasafnsins, og stóð rússneska sýningin 7.-20. desember 1967, en hin
franska 19.-28. apríl 1968.
Að loknum sýningum gáfu þessir aðilar nokkrum söfnum borgarinnar langflestar
þeirra bóka, er sýndar voru, og komu þannig margar ágætar rússneskar og franskar
bækur í hlut Landsbókasafns.
Bókasafn Manitobaháskóla í Winnipeg sendi Landsbókasafni að gjöf hátt á annað
hundrað tvítaka úr hinni íslenzku bókadeild safnsins. Voru meðal þeirra nokkur rit,
er vcru ekki til fyrir í Landsbókasafni, og önnur, er reynast munu vel sem varaeinlök.
Dr. Sigurður Þórarinsson gaf safninu fjölda sérprentana, einkum um jarðfræðileg
efni, bæði eftir hann sjálfan og aðra.
Landsbókasafn á mikið undir stuðningi íslenzkra og annarra þjóða fræðimanna, er
við íslenzk viðfangsefni fást, að þeir sendi safninu sérprentanir ritgerða sinna, ekki
sízt, ef þær hafa verið birtar erlendis.
Englendingurinn Mark Watson, sem Islendingum er að góðu kunnur vegna margra
merkra gjafa, er hann hefur gefið Þjóðminjasafni íslands og enn öðrum aðilum á
liðnum árum, gaf Landsbókasafni á árinu fyrir meðalgöngu íslenzka sendiráðsins í
London þrettán gömul og fágæt íslandskort, og átti safnið sum þeirra ekki fyrir.
Ræðismenn íslands á Ítalíu gáfu íslenzka ríkinu, sem kunnugt er, ljósprentaða út-
gáfu frá 1961 af Bibbia di Borso d’Este, frægu myndskreyttu biblíuhandriti, er skrifað
var og lýst suður í Ferrara á Ítalíu 1455-1461. Þessi gjöf var á árinu falin Landsbóka-
safni til varðveizlu.
Frá bókagjöfum þeim, er Landsbókasafni bárust á 150 ára afmæli þess 28. ágúst eða
síðar í tilefni af því, verður skýrt seinna í þessu yfirliti í sérstökum kafla um afmælis-
gjafir.
Nú verða taldir aðrir gefendur bóka, einstaklingar og stofnanir, og fara fyrst nöfn
íslenzkra gefenda: