Frjáls verslun - 01.10.1988, Page 46
IÐNAÐUR
vörur er ekki okkar fag.“ Þar höfum
við það!
MÖGULEIKAR í ULLINNI
Það er greinilegt á viðtölum við
menn í almennum fataiðnaði að horfur
á verulegum útflutningi eru nær eng-
ar í dag og að innanlandsmarkaður,
þar sem menn keppa fyrst og fremst í
gæðum, sé grundvöllur frekari starf-
semi.
Hvað ullarvöruiðnaðinn varðar eru
að flestra mati ýmsir möguleikar til að
skapa öflugan útflutningsatvinnuveg
ef fjárhagslegir baggar ríða fyrirtækj-
unum ekki á slig. Til að endurreisa
þann hluta fataiðnaðarins er hins veg-
ar nauðsynlegt að vanda betur vöru-
þróun og afla nýrra útflutningsmark-
aða. Lausnarorðin hér sem annars
staðar í útflutningi eru sumsé tvö:
hönnun og markaðssetning.
Auðvitað eru skiptar skoðanir um
útlit íslensku prjónavaranna. Sumum
fmnst þær of einhæfar og beinlínis
gamaldags en aðrir telja nauðsynlegt
að hið íslenska yfirbragð fái áfram að
vera til staðar. Meginvandinn hvað
þennan þátt varðar liggur hins vegar í
því að vöruþróun er ómarkviss, henni
er of lítið fylgt eftir með markaðs-
færslu og það sem alvarlegra er —
samdrætti á hefðbundnu mörkuðun-
um hefur ekki verið svarað með því
að leita eftir sölu annars staðar í út-
landinu. Til að svo megi verða hafa
fyrirtækin einfaldlega verið of upp-
tekin við að halda sér gangandi frá
degi til dags.
Fjölmargir aðilar hafa bent á í
hverju möguleikar íslensks ullariðn-
aðar erlendis séu fólgnir. í könnun
sem The Boston Consulting Group
gerði fyrir Álafoss hf og Iðnaðardeild
SÍS áður en þau fyrirtæki voru sam-
einuð kom m.a. í ljós að áhugi smá-
söluaðila erlendis á því að selja ís-
lenskar peysur er verulegur, að það
er mikil eftirspurn eftir minjagripum
og gjafavöru frá Islandi og sömuleiðis
eftir hlýjum íslenskum fatnaði. Kaup-
endum á köldum landsvæðum finnst
einfaldlega notalegt að klæðast ís-
lensku peysunum! A hinn bóginn telja
sömu aðilar nauðsynlegt að vanda
betur hönnun íslensku vörunnar og
samsetningu vöruúrvalsins.
MARKAÐSSÓKN í ÞÝSKALANDI
Útflutningsráð íslands fól fyrirtæk-
inu Basic Research að gera markaðs-
athugun fyrir íslenskar ullarvörur í
Þýskalandi og þar kom ýmislegt fróð-
legt í ljós. Til dæmis sögðust ríflega
30% aðspurðra eiga íslenskan ullar-
fatnað og hafa áhuga á að kaupa
meira. Álit manna þar í landi var að
íslenskur fatnaður væri í háum gæða-
flokki, úr náttúrulegum efnum og
endingargóður. Tvennt fannst Þjóð-
verjunum slæmt: Fatnaðurinn væri
dýr og ekki nýtískulegur. Innkaupa-
fólki, einkum í sportvöruverslunum,
fannst sölumöguleikar fatnaðarins
vera góðir svo framarlega sem tækist
að ná til réttra markhópa.
Skýrsluhöfundar komust að nið-
urstöðu sem er í samræmi við það
sem fyrr hefur verið nefnt — útflutn-
ingsmarkaðir fyrir ullarvöru eru of
einhæfir og þess vegna væri þörf á
markaðsátaki á Þýskalandsmarkaði. f
því skyni leggja þeir til að sérstakur
starfsmaður verði ráðinn til að sinna
sölu í því landi og vinni hann fyrir
sameinað útflutningsfyrirtæki allra
þeirra innlendu framleiðenda sem
vilja selja uUarvörur til útlanda. Jafn-
framt verði ráðinn þýskur hönnuður
til að aðlaga vöruna kröfum og óskum
þýska markaðarins.
Vonandi verður unnið í þessum
anda á næstu mánuðum og árum.
Verulegur samdráttur hefur orðið í
útflutningi frá árinu 1984 og það sem
meira er — íslensku fyrirtækin þola
illa sveiflur erlendis þar sem tUtölu-
lega fá lönd taka við megninu af okkar
útflutningi.
Happdrætti Háskólans býður nú
langhæstu vinninga á Islandi: 5 milljónir
sem gefa 25 milljónir á tromp og
45 milljónir á númerið allt. Sannkölluð
auðæfi! En stóru vinningarnir eru fleiri
því að milljón króna vinningar eru alls
108. Heildarupphæð til vinningshafa er
rúmur milljarður og áttahundruð milljónir.
HAPPDRÆTTI
HASKÓLA ÍSLANDS
vænlegast til vinnings
46