Frjáls verslun - 01.10.1988, Qupperneq 78

RAGNARS. HALLDÓRSSON:
ÉG ER AÐ LEITA MÉR AÐ ÖÐRU STARFI
í hugum flestra er Ragnar S. Hall-
dórsson svo tengdur íslenska álfélag-
inu hf., ÍSAL, að vart er hægt að
hugsa sér fyrirtækið án hans eða hann
án þess. Það er því ekki að ástæðu-
lausu að Ragnar hefur hlotið viður-
nefnið „Ragnar í álinu, eða bara
„Ragnar álskalli". En enginn er
ómissandi, eins og sagt er, og nú er
Ragnar hættur í álinu — hann lét ný-
lega af störfum sem forstjóri ÍSALS
eftir nær 20 ára setu. Hann var að
vísu gerður að stjómarformanni fyrir-
tækisins en það er ekki fullt starf,
eins og svo margir héldu, heldur felur
aðeins í sér — auk þátttöku í stefnu-
mörkun — stjórnun stjórnarfunda ÍS-
ALS, eins og nafnið bendir til. En
almenningur átti erfltt með að stað-
setja Ragnar einhvers staðar annars
staðar en hjá ÍSAL og kannski þess
vegna ímynduðu menn sér að stjórn-
arformennska hans væri fullt starf.
En hvernig hefur Ragnar sjálfur
upplifað þessi umskipti? Hvernig h'ður
honum? „Ég hef það ágætt, en það
voru mikil viðbrigði fyrir mig að láta af
forstjórastarfinu, því er ekki að neita.
Ég hafði að vísu gott af því að vera
látinn hætta. Ég var búinn að sitja
lengi í sama stólnum og þurfti að viðra
mig. Nú hef ég tækifæri til þess að
spreyta mig á öðrum verkefnum. Ég
er heilsuhraustur og tilbúinn í slaginn.
í rauninni er ég að leita mér að öðru
starfí. Ég er opinn fyrir mörgu, það er
ýmislegt sem kemur til greina. Hins
vegar er ég vanur að stjórna og lík-
lega myndi ekkert annað henta mér,“
sagði Ragnar í stuttu spjalli við Frjálsa
verslun.
Um þessar mundir hefur Ragnar
nægan tíma. Hann hefur aukið svig-
rúm til að sinna fjölskyldu sinni, eigin-
konu, börnum og barnabörnum, og
segist kunna vel við sig í afahlutverk-
inu. Hann syndir meira, spilar oftar
brids, fer í göngutúra og sinnir öðrum
áhugamálum sínum af meiri krafti en
áður. Hann hefur ólæknandi áhuga á
brids og þegar hann var forstjóri hjá
ÍSAL var sagt um hann: „Ragnar í
álinu ræður engan í vinnu nema þann
sem kann að spila brids.“
Hann sótti um starf forstjóra Bif-
reiðaskoðunar íslands hf. og margir
ráku upp stór augu. En hann fékk ekki
starfið. „Það varð annar maður fyrir
valinu og ég sætti mig vel við það,“
sagði Ragnar fullur hæversku.
Þótt Ragnar sé ekki í föstu staríi
hefur hann verið að sinna ýmsum sér-
verkefnum að undanförnu. Á vegum
Verzlunarráðsins er hann nú að fara
ofan í áætlanir Evrópubandalagsins
um sameiginlegan innri markað árið
1992. Það viðfangsefni er honum afar
hugleikið. Nýlega er búið að koina á
laggimar 4 nefndum sem eiga að
kanna áhrif sameiginlegs Evrópu-
markaðar á íslenskt efnahagslíf og
hvemig aðlögun okkar að þeim mark-
78