Frjáls verslun - 01.10.1988, Qupperneq 80

FÓLK
myndinni lengur og Jón Sigurðsson
er tekinn við starfi framkvæmda-
stjóra Stöðvar 2.
„Sú ákvörðun að hefja störf hjá
íslenska sjónvarpsfélaginu var tekin
með mjög skömmum fyrirvara.
Þessi ferill tók í raun ekki nema
tæpa viku. Stjóm félagsins hafði
samband við mig og óskaði mjög
eindregið eftir því að ég kæmi til
samstarfs við Stöð 2. Ég hafði
nokkra daga til að skoða málið og
fara yfir reksturinn og að þeirri at-
hugun lokinni ákvað ég að slá til.
Fyrirtækið er mjög áhugavert og
þetta er spennandi verkefni. Mitt
verksvið er að sjá um öll fjármál, allt
starfsmannahald og markaðsmál.
Þótt það sé ekki í beinum tengsl-
um við mitt starf nú þá hef ég ætíð
haft mikinn áhuga á fjarskiptum; ég
er „radioamatör“ og hef fjarskipta-
kallmerkið TF3JS. Ég starfaði um
tveggja ára skeið hjá UNCTAD,
Verslunar- og þróunarmálastofnun
Sameinuðu þjóðanna í Genf og var
þá m.a. stöðvarstjóri 4U1ITU sem
er alþjóðleg áhugamannastöð,"
sagði Jón.
Fyrir rúmum þremur mánuðum
stóð Jón Sigurðsson upp úr fram-
kvæmdastjórastólnum hjá Mikla-
garði og gekk út. Hann ákvað eftir
nokkrar deilur við yfirstjórn fyrir-
tækisins að halda ekki áfram störf-
um eftir að ákveðið var að sameina
Miklagarð og Kron-búðirnar. Jón
hafði unnið að mótun og uppbygg-
ingu Miklagarðs frá því verslunin
var stofnsett. Hann var spurður að
því hvort honum hefði ekki reynst
erfitt að yfirgefa Miklagarð?
„Ég sé eftir öllu góða starfsfólk-
inu sem ég hafði á að skipa og
auðvitað sakna ég ýmissa þátta í
starfinu. Við byrjuðum mjög fljótt
með ýmsar nýjungar og fyritækið
varð snemma mjög öflugt. Það var
mikil regla á öllu bókhaldi og upp-
lýsingastreymið var mjög gott. En
ég hætti að eigin ósk og er sáttur
við þá ákvörðun. Það var ákvörð-
un stjórnarinnar að skipa málum á
þennan veg — nú hefur hún valdið
og líka ábyrgðina. Þegar ákveðið
var að steypa saman rekstri Mikla-
garðs og KRON-búðanna var mér
boðið að taka við allri stjórnun en
með ákveðnum skilyrðum varð-
andi fjármál og starfsmannahald
sem ég gat ekki sætt mig við eins
og ég hef áður sagt. Mín k'fsskoð-
un er sú að ekki sé hægt að hafa
nema einn skipstjóra á hverri
skútu og að útgerðarstjórnin rúm-
ist ekki í „bestikkinu". Þess vegna
eftirlét ég útgerðarstjórninni alla
skútuna.
Daginn sem ég hætti hjá fyrir-
tækinu höfðu 3 aðilar samband við
mig og buðu mér vinnu en ég
ákvað að taka mér gott frí, hugsa
málið og safna kröftum eftir harða
og erfiða vertíð í verslunarrekstr-
inum. Síðan hafa mér borist mörg
tilboð sum nokkuð spennandi en
önnur ekki, eins og gengur.“ Á
tímabili velti Jón fyrir sér að kaupa
sig inn í einhvert lítið fyrirtæki en
ákvað að hverfa frá slíkum hugleið-
ingum vegna þess „að íslenskur
fyrirtækjarekstur stendur á
brauðfótum og er ekki eftirsóknar-
verður eins og sakir standa,“ sagði
Jón.
Frá því að Jón hætti í Miklagarði
hefur hann stundað sund af kappi,
dvalið í sumarbústað sínum í
Skorradal en ekki farið í laxveiði sér
til hvíldar og ánægju eins og svo
margir gera. Foreldrar hans áttu
hluta af Hvítárvöllum í Borgarfirði
„laxveiðar hafa aldrei verið áhuga-
mál mitt heldur einfaldlega þáttur af
uppeldi mínu. Það sama má segja
um „skytterí" og annan veiðiskap.
Jón Sigurðsson er flokksbundinn
Sjálfstæðismaður og hefur starfað
heilmikið fyrir flokkinn. Hann er t.d.
fyrrverandi varaþingmaður Vestur-
landskjördæmis. Það vakti því
nokkra furðu er hann yfirgaf
framkvæmdastjórastarfið hjá ís-
lenskum markaði, sem hann hafði
gegnt í 12 ár, til þess taka við stjóm
og uppbyggingu Sambandsfyrirtæk-
isins Miklagarðs.
„Eitt sinn hringdi til mín maður og
bar upp undarlegt erindi að mér
fannst. Maðurinn hét Þröstur Ólafs-
son og sagðist hann endilega vilja
bjóða mér í mat. Við hittumst og
hann bað mig um að koma, stofna,
skipuleggja og reka nýja stórverslun
sem Sambandið og Kron hefðu í
hyggju að koma á laggimar. Ég varð
alveg undrandi. Mér hafði aldrei
dottið í hug að ég ætti eftir að vinna
fyrir S.I.S. En verkefnið var spenn-
andi og eftir 2 mánaða umhugsunar-
frest ákvað ég að láta slag standa og
skella mér í verkið.
Nú er ég hættur og maðurinn
sem bauð mér vinnu fyrir 6 árum
hefur nú tekið við fyrirtækinu sem
ég skipulagði og byggði upp. En við
hittumst oft í Sundhöllinni á morgn-
ana og keppum í lauginni,“ sagði Jón
Sigurðsson að lokum.
FARSÍMALEIGAN
LAGGAVEGI 178 — SÍMI 68 93 12 — 105 REYKJAVÍK
KVÖLD- OG HELGARSÍMI 667545
BÍLASÍMAR — SÍMSVARAR — FARSÍMAR
80