Frjáls verslun - 01.04.1995, Page 57

BYGGINGARIÐNAÐURINN
Jón Snorrason, forstjóri Húsasmiðjunnar:
SÖLUTREGÐA RÍKIR ENN
Á MARKAÐIHÚSBYGGINGA
Vonumst til að viðhaldsvinna aukist eitthvað. Iðnaðarmenn og smáir
verktakar eru bjartsynni á verkefni en áður
Eg get ekki séð að það verði
umtalsverðar breytingar á
byggingamarkaðnum frá fyrra
ári. Við vonumst til að viðhaldsvinna
aukist eitthvað en iðnaðarmenn, sér-
staklega smærri verktakar, eru bjart-
sýnni á verkefni en áður. En hvort
þeir fá meira að gera á eftir að koma í
ljós,“ segir Jón Snorrason, for-
stjóri Húsasmiðjunnar.
Jón segir húsbyggingageir-
ann eiga í erfiðleikum þar sem
markaðurinn sé daufur og sölu-
tregða ríkjandi. Það sé kominn
talsverður lager af húsnæði,
byggðu og hálfbyggðu, sem
menn komist ekki mikið lengra
með í bili nema salan aukist
töluvert. En hún hafi verið frek-
ar dauf og ekki tekið þann kipp
sem menn vonuðust til.
„Svo óttast maður líka að
umræðan um breytt húsbréfa-
kerfi lami markaðinn nema að
brugðist verði skjótt við og eitt-
hvað gert af því sem nefnt hefur
verið í því sambandi. Það er
mikilvægt að óvissan víki fyrir að-
gerðum. Öll óvissa dregur úr kaup-
gleði og áhuga á viðskiptum.“
Jón tekur undir þá skoðun að fólk
sé alment farið að reikna dæmin til
enda áður en ráðist sé í framkvæmd-
ir.
„Ég heyri mikið á þeim aðilum sem
eru að selja á markaðnum að fólk komi
og skoði og mæli og reyni að gera sér
fulla grein fyrir því hvort eignin passi
fyrir þeirra þarfir. Fólk spáir í verð,
fer síðan heim og reiknar til enda
hvort það geti staðið við þær skuld-
bindingar sem það tekur sér á herðar.
Reyndir byggingamenn segja mér að
viðskipti með byggingar hafi breyst
mjög í þessa veru á síðustu misser-
um. Svipað er uppi á teningnum varð-
andi viðhald en fólk á þó alltaf mögu-
leika á að teygja viðhald yfir lengra
tímabil; taka það í skömmtum.“
Jón segir mesta annatímann í bygg-
Jón Snorrason, forstjóri Húsasmiðjunnar.
höfum lagað okkur að breyttum markaði."
ingariðnaði alltaf vera frá maí og fram í
september. Þótt meira verði að gera
á sumum sviðum en undanfarin ár sjái
hann ekki fyrir sér að það verði meiri-
háttar uppsveifla í framkvæmdum og
byggingum í stærri kantinum.
„Það er alltaf þessi hægi stígandi í
viðhaldi þótt alltaf sé verið að benda á
að miklu meira þurfi að gera í þeim
efnum, bæði hjá einstaklingum og hjá
opinberum aðilum. En þau viðskipti
hafa kannski ekki eins mikil áhrif á
sölu hjá okkur og nýbyggingageir-
inn.“
Jón segir þá í Húsasmiðjunni vel
geta búið áfram við svipað ástand.
„Ég held að það sé ekki mjög eftir-
sóknarvert fyrir okkar rekstur að það
verði skyndileg breyting á eftirspurn-
inni. Þetta er í tiltölulega föstum
skorðum og við höfum aðlagað okkur
þeim breytingum sem orðið hafa; að
nýbyggingarmarkaður hafi í auknum
mæli þróast út í að verða við-
haldsmarkaður. Sú þróun held-
ur alveg örugglega áfram. Eign-
ir, sem byggðar eru hér á landi,
standa tvær til þrjár kynslóðir
svo það hlýtur að hafa einhver
áhrif.
Nýtingarhugsunin hefur
breyst líka varðandi byggingar.
Fólk er orðið miklu meðvitaðra
um þá fjármuni sem bundnir eru
í steinsteypu og fasteignum. Að
fjárfesta í.slíkum hlutum er ekki
lengur jafn góður valkostur og
það var fram eftir níunda ára-
tugnum. Nú horfir fólk meira á
fasteignir sem hverja aðra
neysluvöru og hagar sér yfir-
leitt mjög skynsamlega. Skyn-
semin hefur tekið yfirhöndina.“
„En eins og útlitið er núna virðist
skynsemin ráða ferðinni. Við sem
seljum byggingarvörur finnum öðrum
fremur fyrir hræringum á bygginga-
markaðnum og höfum þurft að aðlaga
okkur að breyttum aðstæðum.
Breyttar aðstæður hafa líka endur-
speglast í nýjum kynslóðum bygging-
armanna þar sem menn eru mun
markaðssinnaðri en áður. Það eru því
margir sem eru að gera það virkilega
gott þrátt fyrir að ekki eigi sér stað
nein þensla í þjóðfélaginu,“ segir Jón
Snorrason.
57