Morgunblaðið - 04.01.2001, Blaðsíða 26
LISTIR
26 FIMMTUDAGUR 4. JANÚAR 2001 MORGUNBLAÐIÐ
Skóli Helgu Sigurjónsdóttur
Meðalbraut 14, 200 Kópavogi
Lestrarskólinn
Ný átta vikna námskeið hefjast
15. janúar 2001
A) Fimm ára börn: Lestrarnámskeið fyrir fimm ára börn. Námið getur líka hentað lítið
eitt yngri börnum. Kennt verður fyrir hádegi fjóra daga í viku, 30 mínútur í senn.
Hámarksfjöldi í hópi: fimm börn.
B) Nýbúar: Byrjendanámskeið fyrir nýbúa í lestri og íslensku máli. Farið verður vandlega
yfir íslenska hljóðkerfið, framburður æfður og lestur þjálfaður á hæfilega þungum textum.
Kennt verður síðegis tvisvar í viku, 90 mínútur í senn.
Hámarksfjöldi í hópi: sex nemendur.
Nánari upplýsingar og innritun
í símum 554 2337 og 696 2834
Netfang: helgasd@mi.is.
HINIR árlegu Vínartónleikar Sin-
fóníuhljómsveitar Íslands verða í
kvöld klukkan 19.30 í Laugardalshöll-
inni. Tónleikarnir, sem verða endur-
teknir á morgun, föstudag, klukkan
19.30 og aftur á laugardag klukkan 17
eru liður í grænni áskriftarröð Sin-
fóníuhljómsveitar Íslands. Stjórn-
andi á tónleikunum er Peter Guth
sem oft hefur stjórnað Vínartónleik-
um hér og þykir einn af bestu Vín-
arstjórnendum sem völ er á.
Á tónleikunum kemur fram ung
söngkona, Arndís Halla Ásgeirsdótt-
ir sem um þessar mundir er fastráðin
við óperuhúsið í Neustrelitz í Þýska-
landi.
Einnig tekur Kór Íslensku óper-
unnar þátt í Vínartónleikunum og
heyrst hefur að félagar úr kórnum
muni einnig sýna þar óvænta fótatil-
burði.
Einsöngvarinn, Arndís Halla Ás-
geirsdóttir, kemur frá Berlín til þess
að syngja á Vínartónleikunum, en
hún býr bæði í Berlín og Neustrelitz.
Eftir að hún lauk námi við Listahá-
skólann í Berlín, var hún ráðin á fast-
an samning hjá Komische Oper í
Berlín og var þar í tvö leikár en skipti
þá yfir til Neustrelitz. „Í Berlín fékk
ég aðallega minni en þurfti að æfa
mig í stærri hlutverkum og flutti mig
því yfir í Óperuhúsið í Neustrelitz,“
segir Arndís Halla sem ennþá syngur
þó gestahlutverk í Komische Oper í
Berlín.
„Ég fór yfir í þetta litla hús – sem
er eitt af þremur húsum sem voru til-
nefnd sem bestu óperuhús ársins í
Þýskalandi – og hef fengið flott hlut-
verk þar. Ég var gestur í tveimur
sýningum þar síðastliðið vor en var
fastráðin þar í haust.“
Stór hlutverk í Þýskalandi
Í Neustrelitz hefur Arndís Halla
meðal annars sungið Súsönu í Brúð-
kaupi Fígarós, Frau Fluth í Kátu
konunum frá Windsor, Mí í Hlátur-
landinu og er núna að byrja að æfa
Næturdrottninguna í Töfraflautunni
sem frumsýnd verður í apríl. Samn-
ingi Arndísar við Óperuhúsið í
Neustrelitz lýkur í vor og þegar hún
er spurð hvort hún ætli að vera þar
áfram, segist hún ekki vera viss.
„Staðan er opin og ég þarf að ákveða
hort ég ætla að vera þar áfram.
Það hefur verið mjög gott að starfa
þarna en núna er í gangi sameining
milli Fílharmóníunnar í Neu Brand-
enburg og leikhússins þar og okkar
leikhúss. Það eru mjög miklar
mannabreytingar, bæði meðal leik-
ara og hljómsveitarstjóra og ég ætla
að sjá hvaða hlutverk þeir hafa að
bjóða mér og hvað þeir eru tilbúnir að
gefa mér mikið frí til að syngja ann-
ars staðar. Við ætlum að tala saman
eftir miðjan mánuðinn og þá sé ég til
hvort ég starfa áfram þar í eitt leikár,
eða fastræð mig annars staðar og
kem þangað sem gestasöngvari.
Ég hefði ekkert á móti því að prófa
eitthvert annað horn af Þýskalandi.
Ég hef alltaf verið á þessu svæði. Svo
hefði ég ekkert á móti því heldur að
kynnast restinni af Evrópu nánar
þegar fram líða stundir.“
Var í þungarokkinu
Ferill Arndísar Höllu hefur verið
nokkuð óhefðbundinn. Hún tók að
vísu 8. stigs próf frá Söngskólanum í
Reykjavík þar sem hún var nemandi
Snæbjargar Snæbjarnardóttur, en í
Söngskólann kom hún frá FÍH-skól-
anum. „Ég fór í þann skóla til þess að
læra popp og djass,“ segir hún, „því
ég var meira fyrir poppið og þunga-
rokkið. Ég þekkti klassíkina ekkert
fyrir þann tíma. Við FÍH-skólann var
ég í eitt til tvö ár og þar kynntist ég
klassíkinni sem varð til þess að ég
skipti yfir.“
Þungarokki?
„Já, ég var alveg brjálaður þunga-
rokkari, litaði hárið á mér blátt og allt
hvað heitir og er. Ég var alveg rosa-
leg gella.“
Það hafa orðið alger pólskipti hjá
þér?
„Það má segja það. Á því tímabili
sem diskóið og pönkið var allsráðandi
var ég í pönkinu og átti skellinöðru
sem ég keyrði á um allt.“
Fékkstu vitrun?
„Ne-ei, ég get nú kannski ekki sagt
það.
Það sem heillaði mig við klassíkina
til að byrja með var að mig langaði
alltaf til þess að læra leiklist – og ótal
margt annað – en ég er lesblind og
treysti mér ekki í þá listgrein. Hún
kallar á mikinn lestur og það er eitt-
hvað sem ég get ekki gert.
En klassíkinni kynntist ég síðan í
FÍH-skólanum hjá kennaranum mín-
um, Jóhönnu Linnet. Ég var þar til að
læra söng mér til skemmtunar og
ætlaði bara að hafa gaman af þessu
öllu. Einn daginn sagði Jóhanna að
röddin mín væri best fallin til að
syngja klassík. Ég móðgaðist.
Svo fór ég að kynnast klassískri
tónlist og óperum og því meira sem
ég heyrði af klassískum söng, heill-
aðist ég meira. Ég sá að í honum gæti
ég líka sameinað löngunina til að
leika og löngunina til að syngja. Það
má því segja að óperan hafi hitt mig
beint í hjartað.“
Auðveldara að festa
orðin við tónlist
Í óperunni fer maður upp á svið
með eitthvað sem maður kann. Æf-
ingatíminn er langur að maður þarf
ekki að lesa haug af bókum. Ég á
miklu auðveldara með að læra texta
ef ég get fest orðin við tónlist.“
Arndís Halla er fædd og alin upp á
höfuðborgarsvæðinu, fyrst Hafnar-
firði, síðan Álftanesi og þá í Reykja-
vík. Hún var við nám í Söngskólanum
í Reykjavík frá 1991–1994 og þegar
hún er spurð hvers vegna hún hafi
farið til Berlínar í framhaldsnám,
segir hún það hafa verið tilviljun. „Ég
ætlaði ekkert til Þýskalands, heldur
Bandaríkjanna eða Bretlands, en það
æxlaðist einhvern veginn þannig að
ég fór í prufu í Listaháskólann í Berl-
ín – og hef verið þar síðan.“
Vinsæll stjórnandi
Sjórnandi Vínartónleikanna, Peter
Guth, stundaði tónlistarnám sitt við
tónlistarháskólann í Vínarborg og
Konservatorium Moskvuborgar þar
sem kennari hans til þriggja ára var
David Oistrach. Hann vakti snemma
athygli á sér sem afbragðs fiðluleik-
ari og hefur átt mikilli velgengni að
fagna sem slíkur, jafnt sem einleikari
og þriðjungur Vínartríósins. Hann er
virtur kennari, hefur skrifað bækur
um nútíma fiðlutækni, beitt sér fyrir
flutningi nýrrar tónlistar og var
fyrsti konsertmeistari Útvarpshljóm-
sveitar Vínarborgar til margra ára,
svo eitthvað sé nefnt.
Ferill Guths sem stjórnanda hófst
fyrir tæpum 20 árum og hefur hann á
þeim tíma skapað sér nafn sem einn
fremsti túlkandi tónlistar Strauss-
feðganna í heiminum í dag. Hann er
listrænn stjórnandi „Strauss Festival
Orchester Wien“ og eftirsóttur
gestastjórnandi og hefur nú stjórnað
yfir hundrað nafnkunnum sinfóníu-
hljómsveitum um víða veröld og
hvarvetna við góðar undirtektir. Pet-
er Guth eyðir áramótunum í
vinnunni, á gamlársdag stjórnar
hann tónleikum með Nicolai Gedda
og Sinfóníuhljómsveitinni í Zürich og
á nýársdag stendur hann í stafni
Strauss-hljómsveitar sinnar á árleg-
um nýárstónleikum þeirra í Wiener-
Konzerthaus.
Vínartónleikahefðin
Það er orðinn siður víða um heim
að leika tónlist þeirra Strauss-feðga
um áramót. Í Vínarborg sjálfri er
þessi siður hafður í hávegum. Þar
heyrist hins vegar tónlist Strauss-
feðga ekki aðeins á áramótum heldur
allt árið um kring á fjölmörgum tón-
leikum og dansleikjum og er ómiss-
andi þáttur í ferðaþjónustu borgar-
innar.
Þegar skoðað er upphaf Vínartón-
listarinnar, sem er órjúfanlega tengd
sögu Strauss-fjölskyldunnar er óhjá-
kvæmilegt að geta Josefs Lanner
(1801–1843) en hann stofnaði með Jo-
hann Strauss eldri (1804–1849) vin-
sæla hljómsveit sem átti góðu gengi
að fagna í Vínarborg. Hljómsveitin
stækkaði eftir því sem vinsældir
hennar jukust og fór svo að skipta
þurfti henni í tvo hluta til að anna eft-
irspurninni. Stjórnaði Lanner öðrum
hlutanum en Johann eldri hinum.
Eftir miklar deilur milli stjórnend-
anna klofnaði hljómsveitin alveg svo
Vínarborg átti nú tvær frambærileg-
ar danshljómsveitir sem börðust um
hylli almennings. Johann Strauss
eldri og Lanner eru þau tvö tónskáld
sem skópu hinn alþekkta Vínarvals,
sem sonurinn Johann yngri full-
komnaði. Tónlist Lanners þótti um
margt lagrænni en tónlist Johanns
eldri, en Strauss sagður hafa vinning-
inn er kom að fjölbreyttri hrynjandi.
Vínarbúar sögðu um tónlist þeirra
tveggja: „Hjá Lanner er það: „Dansið
nú, ég bið ykkur“ en hjá Strauss
„Dansið, það er skipun!“
Meðal annarra söngvara sem fram
koma á tónleikunum eru Sigurður
Björnsson, Guðbjörn Guðbjörnsson,
Steinarr Magnússon, Snorri
Wium, Hjálmar Pétursson, Ágústa
Sigrún Ágústsdóttir, Bryndís Jóns-
dóttir, Hulda Dögg Proppé, María
Jónsdóttir, Sigurlaug Jóna Hannes-
dóttir og Sigurlaug Knudsen.
Morgunblaðið/Golli
Peter Guth stjórnandi leggur á ráðin með söngvurum á æfingu í Laugardalshöllinni.
Dansið, það
er skipun!
Arndís Halla Ásgeirsdóttir
Vínartónleikar Sinfóníuhljómsveitar
Íslands verða í Laugardalshöll í kvöld og
endurteknir annað kvöld og á laugardaginn.
Súsanna Svavarsdóttir leit inn á æfingu hjá
hljómsveitinni og spjallaði við hina ungu
og efnilegu Arndísi Höllu Ásgeirsdóttur
sem er einsöngvari á tónleikunum.