Morgunblaðið - 04.01.2001, Blaðsíða 56

FÓLK Í FRÉTTUM
56 FIMMTUDAGUR 4. JANÚAR 2001 MORGUNBLAÐIÐ
FLESTIR Íslendingar kannast nú
orðið við Jóhönnu Guðrúnu sem gaf
út diskinn 9 fyrir jólin, með ellefu
skemmtilegum popplögum við ís-
lenska texta. Söngkonan unga hefur
vakið mikla athygli, en hún var bæði
valin besti nýliðinn af Tónlistarverð-
launum fólksins auk þess sem sala
hefur náð gullplötusölu og á leiðinni í
platínuplötu.
Söngkonan unga hafði það náðugt
í faðmi fjölskyldunnar ásamt heim-
ilishundinum Hróki daginn eftir að
hún tók við verðlaununum, þar sem
hún kom fram og söng lagið „Strax“
við góðar undirtektir, en það var
upphaflega með Sam Brown og hét
þá „Stop“.
Fríkað út með kústskaftið
„Mér líður mjög vel og er mjög
glöð með verðlaunin. Það var líka
rosalega gaman í gær. Það er reynd-
ar alltaf gaman að taka þátt í svona
uppákomum jafnvel þótt maður vinni
ekki neitt,“ segir Jóhann Guðrún og
verður við ósk blaðamannsins um að
segja frá því hvernig söngævintýrið
allt hófst.
„Ég hef verið syngjandi alveg síð-
an ég var eins árs, en var aldrei beint
að hugsa um það að verða söngkona.
Ég bara söng, fríkaði út með kúst-
skaftið af því að það var svo gaman,“
segir hún og hlær.
„Síðan tók ég þátt í söngvakeppni
á vegum Skífunnar í fyrra, þar sem
við vorum tuttugu af hundrað sem
komumst áfram, og þar lenti ég í
sjötta sæti. María Björk, sem gefur
út diskinn minn, spurði mig þá hvort
ég ætlaði ekki að koma á námskeið
og þá fór þetta að þróast. Ég fór á
þrjú söngnámskeið í röð og í lok þess
þriðja sagðist hún vera með smá-
leyndarmál handa mér. Og þegar
hún hringdi í mig og spurði hvort ég
vildi syngja inn á plötu, þá sagði ég
náttúrulega já.“
Jóhanna Guðrún segist hafa orðið
mjög spennt en hafi reynt að róa sig
niður. En hún var alveg óhrædd að
takast á við þetta spennandi verk-
efni.
„Allt frá því að ég var lítil hef ég
fengið rosalega mikla athygli þannig
að það breytir engu, ég er vön at-
hygli.“
Söngrósir og sjálfstæði
Það fór mikil vinna í hönd hjá
söngkonunni upprennandi, því hún
vildi auðvitað hafa plötuna fulla af
vinsælum og skemmtilegum lögum
og helst eitthvað af uppáhaldslögun-
um sínum.
„Við María ákváðum öll lögin í
sameiningu, þótt mamma og pabbi
og fleiri í ættinni hafi komið með góð-
ar hugmyndir. Mér finnst skemmti-
legast að syngja „Strax“ og líka lagið
„Mundu mig“. Í því lagi koma svona
söngrósir rosa hátt aftarlega í laginu
og upptökumaðurinn ætlaði að láta
aðra bakraddasöngkonuna syngja
þær. Þá móðgaðist ég bara og næst
þegar ég kom í upptöku þá sagðist ég
ætla að gera það sjálf og gerði það.“
Jóhönnu fannst rosalega gaman að
vinna í stúdíóinu í þennan eina og
hálfa mánuð sem upptökurnar stóðu
í ágúst. „Það er voðalega gott að
vinna með Maríu Björk og upptöku-
mennirnir Pétur og Haffi voru sér-
staklega skemmtilegir.“
Ekkert smá gaman!
Það er auðvitað mikið ævintýri að
vera nýorðin tíu ára einsog Jóhanna
Guðrún og fá að reyna alla þessa
spennandi hluti sem poppsöngkonur
þurfa að takast á við. En hvað ætli sé
skemmtilegast?
„Mér finnst rosalega gaman að
fara í myndatöku,“ segir Jóhanna
Guðrún sem talar af reynslu. „Fyrst
fannst mér það ekkert sérstakt en
seinna þegar maður verður vanari og
frjálslegri, þá myndast maður bara
miklu betur. Það sama í vídeóupp-
tökum, það var ekkert smá gaman! Í
einu myndbandinu fékk ég fimm
stelpur til að vera með mér til að
dansa fyrir aftan mig. Það var rosa-
lega gaman að hafa vinkon-
urnar með og þeim fannst
líka mjög gaman að taka
þátt í þessu, en ég reyndi að
velja þær sem hafa gaman
að dansi og eru frjálslegar.“
Geri mitt besta
Jóhanna Guðrún hefur
einnig komið sér upp ágæt-
is tækni, líkt og atvinnu-
söngvarar hljóta að þurfa
að hafa, til að koma í veg
fyrir að verða stressuð á
sviði.
„Það er alveg rosalega
gaman að syngja á tónleik-
um,“ segir hún og minnist
þess sérstaklega hversu
gaman var að syngja með
Strákunum á Borginni.
„Stundum verð ég samt al-
veg uppspennt en svo þeg-
ar ég er komin á sviðið
ákveð ég bara að gera mitt
besta og þá verður þetta
allt í lagi.
Ef mér finnst ég vera að
gleyma textanum þá reyni
ég að sjá hann fyrir mér. Ég er með
textamöppu með merkingum eftir
mömmu, þar sem ég átti að anda eða
aðrar leiðbeiningar, og rúlla því í
gegn í huganum og man þá betur.
Þannig að ég hef aldrei gleymt text-
anum.“
En hvernig ætli það sé að vera
bara allt í einu orðinn frægur?
„Ég lít ekki á mig sem neina
stjörnu,“ svarar Jóhann Guðrún.
„Ég er bara venjulegir krakki.“
– Ertu ekki orðin barnastjarna?
„Það verða aðrir að segja til um.
Það getur vel verið að það sé rétt, en
ég lít ekki á mig þannig.“
Jóhanna Guðrún segir að það sé
búið að plana að gefa út aðra plötu,
líklega um næstu jól, „en ég fer í frí
þangað til þótt ég þurfi auðvitað að
koma fram af og til.“
Og líklega verður lítið lát á söng
hjá Jóhönnu Guðrúnu í framtíðinni.
„Mig langar að læra söng, fara í
nám, klára það og verða söngkona
þegar ég verð fullorðin. Það er alltaf
erfitt að segja til um hvað gerist í
framtíðinni, en ég myndi vilja syngja
popptónlist,“ segir söngkonan sem
hefur mest gaman af því að hlusta á
Whitney Houston.
Bíður eftir Gerpi
Og Jóhanna Guðrún situr ekki
auðum höndum þegar hún er ekki að
syngja á sviði eða í upptökuverinu,
því hún á sér annað mjög stórt
áhugamál. „Ég er búin að kaupa mér
hest sem heitir Gerpir og er frá Mið-
sitju í Skagafirði. Ég gat borgað fyrir
hann sjálf með peningunum sem ég
fékk af plötunni,“ segir Jóhanna
glöð, en hún fór á reiðnámskeið fyrir
tveimur árum þar sem hún lærði að
umgangast hesta. „Ég er orðin vön
hestum og get farið á stökk og brokk
og skeið og allt það. Það er rosalega
gaman og svo á afi minn hesthús hér
rétt hjá, svo ég get alltaf skroppið
þangað.“
En tamningu á Gerpi er að ljúka
og kemur hann bráðum til nýja eig-
andans sem hlakkar til að njóta þess
að vera á hestbaki og umgangast
hestinn sinn ásamt hundinum og
tveimur eldri bræðum sínum sem
eru orðnir fimmtán og tuttugu ára.
– Ert þú prinsessan á bænum?
„Uhmm... , það mætti eiginlega
segja það,“ svarar Jóhanna Guðrún
með semingi en brosir síðan prakk-
aralega.
Morgunblaðið/Þorkell
Jóhanna Guðrún og vinur hennar Hrókur leika sér í herbergi söngkonunnar.
Morgunblaðið/Þorkell
Alltaf verið
syngjandi
Jóhanna Guðrún hefur slegið í gegn með
nýju plötunni sinni 9. Hún segist þó bara
vera venjulegur krakki þegar Hildur Lofts-
dóttir spyr hana hvort hún sé barnastjarna.
Morgunblaðið/Jón Svavarsson
Nýliðinn Jóhanna Guðrún syngur lagið
„Strax“ á Tónlistarverðlaunum fólksins.
Hvaðan ertu eiginlega?
(What Planet Are You From?)
G a m a n m y n d

Leikstjóri: Mike Nichols. Handrit:
Garry Shandlin og Michael Leeson.
Aðalhlutverk: Garry Shandling,
Annette Bening, John Goodman,
Greg Kinnear, Ben Kingsley. (104
mín.) Bandaríkin. Skífan, 2000.
Myndin er öllum leyfð.
HAROLD Anderson er enginn
venjulegur maður því hann er reynd-
ar geimvera sem er send til jarðar til
þess að frjóvga
konu til þess að
pláneta hans geti
smám saman tekið
yfir jörðinni. Hann
fer í gegnum geim-
veruskóla reynsl-
unnar og er útbú-
inn með mjög
hljómmikinn getn-
aðarlim. Þetta er
nokkurn veginn allur söguþráður
kvikmyndarinnar Hvaðan ertu eig-
inlega? Garry Shandling var á sínum
tíma með einn besta gamanþátt sem
Íslendingar hafa ekki séð en sá heitir
„The Larry Sanders Show“ og er
hann mjög fínn í þessari mynd, þó
ekki eins stórkostlegur eins og í
þáttunum. Bestu senur myndarinnar
eru með John Goodman sem leikur
eftirlitsmann flugvéla sem er viss um
að Anderson sé geimvera þótt allir
aðrir telji hann brjálaðan. Einnig eru
Kingsley og Kinnear góðir í sínum
senum. Bening er þolanleg í hlut-
verki sínu en það er ekki henni að
kenna að persóna hennar sé svona
leiðinleg. Nichols hefur gert margar
betri myndir en þetta er alls ekki
hans versta mynd.
Ottó Geir Borg
MYNDBÖND
Karlmenn
eru frá
Mars
Furðuland
(Strangeland)
H r y l l i n g s m y n d

Leikstjóri: John Pieplow. Handrit:
Dee Snider. Aðalhlutverk: Dee
Snider, Kevein Gage og Robert
Englund. (84 mín.) Bandaríkin,
1999. Háskólabíó. Bönnuð innan 16
ára.
HÉR ER á ferðinni mynd sem í
fyrstu virðist ætla að skipa sér í
flokk færibandaframleiddra fjölda-
morðingjamynda
en sýnir svo á sér
nokkrar óvæntar
hliðar og rís fyrir
vikið örlítið upp úr
meðalmennskunni.
Sagt er frá líkams-
listamanni sem
safnar unglingum í
búrum heima hjá
sér með það að
markmiði að endurmóta líkama
þeirra með óhugnanlegum hætti.
Framvindan er þó með undarlegasta
móti, og skiptir algjörlega um stefnu
um miðbikið. Þessi hvörf sem eiga
sér stað gera hana áhugaverðari en
ella en myndin er afsprengi Dees
Sniders, söngvara þungarokkssveit-
arinnar Twisted Sister, en hann leik-
ur, framleiðir og skrifar handritið.
Óhætt er að mæla með henni við
sanna hryllingsfíkla.
Heiða Jóhannsdótt ir
Vondur
líkamslista-
maður

 

   
   
   !!