Morgunblaðið - 12.01.2001, Blaðsíða 2

FRÉTTIR
2 FÖSTUDAGUR 12. JANÚAR 2001 MORGUNBLAÐIÐ
Ódýri markaðurinn
opnaður í Cochin / B5
Hamar heldur
sínu striki / B6
Fylgstu
með
nýjustu
fréttum
www.mbl.is
8 SÍÐUR
Sérblöð í dag

Á FÖSTUDÖGUM
„ÉG heyrði neyðarkall
frá bátnum. Þetta var
dálítið óhuggulegt því
að ég heyrði snarkið í
eldinum á bak við
þann sem talaði. Hann
náði ekki að kalla upp
staðsetningu þannig
að þetta leit ekki vel
út,“ sagði Jón Vigfús-
son, stýrimaður á
línubátnum Njarðvík
GK, sem bjargaði fjór-
um mönnum úr brenn-
andi báti við strendur
Norður-Noregs í
fyrrakvöld. Njarðvík
var þá á leið í sinn
fyrsta veiðitúr við
Noreg á þessu ári.
„Ég fór að svipast um eftir
honum og sá mjög fljótlega log-
andi bát sem var í nokkurri fjar-
lægð frá okkur. Síðan fuðraði brú
bátsins upp á örskömmum tíma.
Við settum allt í gang og vorum
komnir að skipinu eftir örfáar
mínútur. Þetta gekk allt vel fyrir
sig því það var gott veður. Menn-
irnir voru hins vegar kaldir og
hraktir. Það komust ekki allir í
björgunargalla og björgunarbát-
urinn þeirra var illa farinn. Það
má því segja að það hafi verið
einskær lukka að við
vorum þarna á svæð-
inu.“
Björgunarbáturinn
skemmdur og
einn í sjónum
Jón sagði að björg-
unarbáturinn hefði
eitthvað skemmst þeg-
ar mennirnir stukku í
hann. Þeir hefðu ekki
getað komið sér al-
mennilega fyrir í hon-
um. „Þegar við kom-
um að var einn maður
í sjónum og tveir
höfðu ekki komist í
galla og voru gegn-
blautir.“
Jón sagðist ekki vita um elds-
upptök, en eldurinn hefði læst sig
í bátinn á mjög skammri stundu.
„Ég var nýbúinn að keyra
framhjá bátnum og þá var allt í
lagi með hann. Nokkrum mín-
útum síðar kom neyðarkallið og
litlu seinna fuðraði brúin upp.
Skipstjórinn náði ekki að klára
neyðarkallið.“
Jón sagðist telja ólíklegt að
mennirnir hefðu allir komist af ef
þeir hefðu þurft að vera í björg-
unarbátnum í langan tíma við
þessar aðstæður. Það hefði verið
komið niðamyrkur þegar þetta
gerðist. Mennirnir hefðu ekki náð
að gefa út neina staðsetningu og
eftir að báturinn var sokkinn
hefði verið erfitt að finna þá.
Jón sagði að mennirnir hefðu
verið í losti, en afar þakklátir
fyrir björgunina. Björgunarbátur
hefði komið frá Havoysund og
flutt mennina í land.
„Það er ekki óþægileg tilfinn-
ing að eiga þátt í að bjarga
mönnum úr lífsháska með þessum
hætti. Maður fær hálfgerðan
hroll þegar maður hugsar um
hvað hefði gerst ef við hefðum
ekki verið þetta nálægt. Þá hefð-
um við líklega ekki fundið þá.
Það skiptir líka máli að áhöfn
Njarðvíkur stóð sig öll ein-
staklega vel. Þetta var því fín
björgunaræfing,“ sagði Jón.
Báturinn sem fórst hét Solgry
og var 30 tonna bátur byggður
1973. Sagt er frá brunanum í
norskum fjölmiðlum. Í blaðinu
Nordlys kemur fram að menn-
irnir hafi fengið snert af reyk-
eitrun.
Njarðvík hefur stundað línu-
veiðar við Noreg. Í fyrra kærði
norska strandgæslan útgerð báts-
ins fyrir að henda smáfiski í sjó-
inn, en eftirlitsmaður varð vitni
að því þegar örfáum fiskum var
sleppt í hafið. Útgerðin mótmælti
kærunni en fyrir nokkrum dögum
féllst hún á að greiða 2,9 millj-
ónir í sekt til að komast hjá frek-
ari vandræðum vegna málsins.
Áhöfn Njarðvíkur GK bjargar fjórum Norðmönnum úr brennandi báti





 


 
  

 
  



Heyrði snarkið í eldinum í talstöðinni
Jón
Vigfússon
TÆPUM 10 árum eftir að bygg-
ingu mannvirkjanna í Helguvík
lauk stendur um 17 milljarða fjár-
festing og 115 milljón lítra olíu-
geymarými lítið notað. Þetta kom
fram í ræðu Kristins Björnssonar,
forstjóra Skeljungs, á fundi Rót-
arýklúbbs Reykjavíkur á miðviku-
daginn.
Hann sagði að varnarmálaskrif-
stofa utanríkisráðuneytisins hefði í
ágúst 1999 boðið upp á viðræður
um borgaraleg afnot af geymunum
og að Skeljungur, sem flytti mikið
eldsneyti landleiðina til Keflavíkur,
hefði strax lýst yfir áhuga. Hann
sagði að nú, um einu og hálfu ári
síðar, væri málið enn í skoðun hjá
varnarmálaskrifstofunni.
Kristinn sagði að varnarliðið not-
aði að meðaltali um 4–5 olíugeyma
í Helguvík, en þeir væru alls 8 tals-
ins. Hann sagði að eitt olíubirgða-
skip kæmi í höfnina með um 40–50
milljónir lítra af eldsneyti á um 12
til 18 mánaða fresti og því væri að-
staðan í raun lítið notuð.
Að sögn Kristins selur Skeljung-
ur um 70% af því eldsneyti sem
sett er á flugvélar á Keflavíkur-
flugvelli auk þess að selja umtals-
vert magn af öðru eldsneyti á
svæðinu. Hann sagði að nú væri
allt eldsneytið flutt frá Örfirisey og
landleiðina til Keflavíkur eftir
Reykjanesbraut.
Rætt á Alþingi í vetur
Í umræðum á Alþingi í vetur var
nokkuð fjallað um flutning hættu-
legra efna um Reykjanesbraut og
sagði Sigríður Jóhannesdóttir,
þingmaður Samfylkingarinnar, þá
flutninga vera algjörlega óskiljan-
lega með tilliti til þeirrar aðstöðu
sem væri fyrir hendi í Helguvík.
Hún sagði að rökin fyrir uppbygg-
ingunni í Helguvík hefðu m.a. verið
þau að þá þyrfti ekki lengur að
flytja eldsneyti eftir Reykjanes-
braut.
Eins og áður kom fram rúma
geymar varnarliðsins samtals um
115 milljónir lítra af eldsneyti, en
til samanburðar er heildartanka-
rými Skeljungs hf. og Olíudreif-
ingar hf. í Örfirisey um 143 millj-
ónir lítra.
Eldsneyti er flutt landleiðina um
Reykjanesbraut til Keflavíkur
Olíugeymarnir
í Helguvík
lítið notaðir
STEFNT er að því að sendiráð Jap-
ans á Íslandi verði opnað á Hótel
Sögu 5. febrúar nk. Sú staðsetning
er þó hugsuð til bráðabirgða eða þar
til fest verða kaup á framtíðarhús-
næði fyrir sendiráðið.
Ólafur B. Thors, ræðismaður Jap-
ans á Íslandi, segir Japani hafa verið
í viðræðum við fasteignasala um
kaup á hentugu húsnæði. Það hafi
hins vegar þótt rétt að láta þann
mann sem mun veita sendiráðinu
forstöðu sjá um að ganga frá kaup-
unum. Sendiráðið mun taka til starfa
í skrifstofuálmu hótelsins á fyrstu
hæð sem sendiráðið hefur tekið á
leigu. Þar hefur Hótel Saga til þessa
haft skrifstofur sínar.
Misoru Okazaki, fyrsti sendiráðs-
fulltrúi Japans, mun veita starfsemi
sendiráðsins forstöðu. Hann verður
þá fulltrúi sendiherrans eða chargé
d’affairs ad interim hér á landi, en
gert er ráð fyrir að sendiherrann
verði búsettur í Noregi.
Sendiráð
Japans á
Hótel Sögu
ALVARLEG bilun varð í Múlastöð
Landssímans í Reykjavík um kl.
15:30 í gær og varð stór hluti austur-
borgarinnar símasambandslaus í um
hálfa aðra klukkustund. Ekki er ljóst
af hverju bilunin stafaði.
Samkvæmt upplýsingum frá
Símanum voru öll forrit í Múlastöð
endurræst. Þar fengust ennfremur
þær upplýsingar að málið yrði rann-
sakað af tæknimönnum Símans og
framleiðanda tækjanna.
Sambandslaust varð í austurhluta
borgarinnar frá Rauðarárstíg að Ell-
iðaám en einnig varð sambandslaust
víða í Grafarvogi og Árbæ fram á
kvöld. Símasamband hélst í Breið-
holti og GSM-kerfið virkaði allan
tímann og var því unnt að ná í Neyð-
arlínuna.
Íslandssími segir að litlar truflanir
hafi orðið á símasambandi viðskipta-
vina félagsins vegna bilunarinnar í
Múlastöð eða einungis í þeim núm-
erum sem tengjast í gegnum stöðina.
Bilunin hafi engin áhrif haft á númer
sem tengjast beint inn á símstöðv-
arkerfi Íslandssíma.
Alvarleg
bilun í
Múlastöð
Morgunblaðið/Þorkell
Jóhannes Hilmarsson hjá Lands-
símanum skoðar tengingar í
Múlastöð í gær.
♦ ♦ ♦
STÓRSTREYMT verður við
strendur landsin sárdegis í dag og
gerir Veðurstofan ráð fyrir stormi,
meira en 20 metrum á sekúndu á
öllum miðum. Spáð er miklum öldu-
gangi við suðvestur- og vestur-
ströndina í morgunsárið.
Yfir Skotlandi er 1034 mb hæð,
sem þokast austur, en á suðvest-
anverðu Grænlandshafi er 981 mb
lægð á hægri hreyfingu norður.
Spáð er talsverðri rigningu í dag of-
an á frosna og yfirleitt auða jörð og
má því búast við snöggum vatna-
vöxtum.
Nokkur viðbúnaður var á Suð-
urnesjum og víðar vegna veðurút-
litsins í nótt, t.d. í Grindavík þar
sem einnig verður vakt nú í býtið.
Þessi smábátaeigandi nýtti tæki-
færið í gærkvöldi til að treysta
landfestar í höfninni í Elliðavogi,
enda allra veðra von á þessum árs-
tíma.
Morgunblaðið/ Kristinn
Viðbúnaður vegna
veðurspár og háflóðs