Morgunblaðið - 12.01.2001, Blaðsíða 18

LANDIÐ
18 FÖSTUDAGUR 12. JANÚAR 2001 MORGUNBLAÐIÐ
Mývatnssveit - Fuglatalning áhuga-
manna fór fram víða um land á
sunnudag svo sem venja er til um
hver áramót. Í Mývatnssveit hefur
verið talið á svæði sem nær frá
Birgisskeri við Reykjahlíð og þaðan
meðfram vatnsbakka suður á
Kálfastrandarvoga sunnan Hafurs-
höfða. Samtals voru skráðir 224
fuglar í talningunni að þessu sinni.
Aðstæður til fuglaskoðunar voru
frekar óhagstæðar vegna þoku.
Á þessu svæði haldast auðar vak-
ir á vetrum þótt vatnið sé annars
ísilagt og kemur það til vegna volgs
aðstreymis frá jarðhitasvæðinu
austan vatns. Þarna heldur fuglinn
sig, en upp af eyðunum myndast
mikil þoka í frostum og því meiri
sem frostið er harðara.
Fuglatalning á svæðinu var fyrst
í höndum Jóhannesar Sigfinns-
sonar á Grímsstöðum en síðan Ill-
uga Jónssonar á Bjargi og nú síð-
ustu árin hafa afkomendur Illuga
annast talninguna.
Á Kálfastrandarvogum voru að
þessu sinni stokkendur, húsendur
og gulendur. Ekkert sást af spör-
fuglum í skóginum við Höfða utan
einn snjótittlingur, sem eflaust hef-
ur orðið viðskila við hópinn sinn.
Músarindill sem á hér óðul sín lét
hvorki heyra til sín né sjá og var því
ekki skráður, en mývetnskir skóg-
arþrestir eru í vetrarfríi úti við
sjávarströndina um þessar mundir,
svona svipað og þegar mannfólkið
skreppur til Kanaríeyja yfir ára-
mótin.
Um húsandarhjón sem syntu með
unga sína á Kálfastrandarvogum
orkti Baldvin Stefánsson fyrir
mannsaldri:
Húsa sé ég hjónin stór
hér sitt auka gaman.
Þó hefur engin kátur í kór
klerkur gefið saman.
Morgunblaðið/BFH
Klasar á Kálfastrandarvogum.
224 fuglar skráðir á
Kálfastrandarvogum
STJÓRN Öldunnar, stéttarfélags í
Skagafirði, hefur sent frá sér eftir-
farandi ályktun sem samþykkt var á
fundi 10. janúar sl.:
„Fundur haldinn í stjórn Öldunn-
ar, stéttarfélags, 10. janúar 2001 lýs-
ir undrun sinni og áhyggjum yfir því,
að félagsmálaráðherra hefur ekki
skipað formann í svæðisráði Norður-
lands vestra, en fráfarandi formaður
ráðsins sagði formlega af sér hinn 4.
október sl. Með því að skipa ekki
nýjan formann hefur ráðherrann
haldið ráðinu óstarfhæfu í þrjá mán-
uði.
Því til viðbótar má segja að ráðið
hafi verið illa starfhæft frá því í maí
sl. að mestu vegna óheppilegrar af-
skiptasemi forstjóra Vinnumála-
stofnunar af störfum svæðisráðs og
varðandi starfsmannaráðningar.
Hlutverk svæðisráðsins er marg-
víslegt varðandi atvinnulaust fólk í
kjördæminu sbr. t.d. 10.–13. gr. laga
um vinnumarkaðsaðgerðir frá 1997.
Verður ekki séð að það þjóni hags-
munum atvinnulauss fólks að halda
ráðinu óstarfhæfu eins og hér gerist.
Skorar stjórnin á félagsmálaráð-
herra að skipa nú þegar formann
ráðsins úr hópi þeirra sem tilnefndir
hafa verið þar til starfa.“
Stéttarfélagið Aldan
í Skagafirði
Formaður
svæðisráðs
verði skipaður
VÍGSLA nýs leikskóla á Króki 1,
Grindavík, fer fram sunnudaginn 14.
janúar kl. 13. Þetta er 650 fm hús-
næði með vandaðri lóð. Á leikskól-
anum verða fjórar deildir og rúmar
hann um 80 börn í einu. Með þessum
nýja leikskóla verður gjörbreyting á
leikskólaþjónustu í Grindavík.
Skólinn er byggður í einkafram-
kvæmd að undangengnu útboði. Eig-
andi leikskólans og rekstraraðili
hússins er Nýsir hf. Grindavíkurbær
leigir húsið með lóð og búnaði af
Nýsi hf. í 29 ár. Ístak hf. byggði
mannvirkið. Fjármögnunaraðili er
Íslandsbanki hf. Húsið er hannað af
Arkitektastofunni ehf. og eru arki-
tektar þeir Ormar Þór Guðmunds-
son og Sigurður Kolbeinsson.
Leikskólinn er opinn almenningi
til sýnis á vígsludaginn kl. 14–17.
Leikskóli vígð-
ur í Grindavík
♦ ♦ ♦