Morgunblaðið - 12.01.2001, Blaðsíða 16

AKUREYRI
16 FÖSTUDAGUR 12. JANÚAR 2001 MORGUNBLAÐIÐ
TIL SÖLU ALLT TIL
REKSTURS VÍDEÓLEIGU
2000 spólur, tölva, innréttingar frá Ofnasmiðjunni,
hillurekkar og afgreiðsluborð ásamt
sælgætisrekkum
Upplýsingar í síma 893 0040
TALNINGA-
VOGIR
Síðumúla 13, sími 588 2122
www.eltak.is

Léttu þér vinnuna
í talningunni!

Auðveld í notkun

Vog á fínu verði
Hafðu samband eða
skoðaðu www.eltak.is
Blaðbera
vantar
• Skerjafjörður
Upplýsingar fást í síma
569 1122
Hjá Morgunblaðinu starfa um 600 blaðberar á
höfuðborgarsvæðinu
ⓦ
vantar
Blaðburður verður að hefjast um leið og blaðið kemur
í bæinn. Góður göngutúr sem borgar sig.
Morgunblaðið,
Kaupvangsstræti 1, Akureyri,
sími 461 1600.
í Borgarsíðu og götur þar í kring.
AÐALSTJÓRNIR Knattspyrnu-
félags Akureyrar, KA og Íþrótta-
félagsins Þórs samþykktu í lok síð-
asta mánaðar að hefja að nýju
viðræður um sameiningu meistara-
flokka félaganna í karlaflokki í hand-
knattleik og knattspyrnu. Eins og
flestum er kunnugt hafa félögin þeg-
ar tekið upp samstarf um rekstur
meistaraflokka kvenna í handknatt-
leik og knattspyrnu.
Viðræður um sameiningu meist-
araflokka félaganna í karlaflokki hóf-
ust haustið 1999 og stóðu fram undir
vor á síðasta ári. Þetta kemur fram í
sameiginlegri fréttatilkynningu frá
KA og Þór.
Sérstök viðræðunefnd félaganna
átti fjölmarga fundi á áðurnefndu
tímabili, þar sem rætt var um málið á
jákvæðan hátt. Í kjölfarið funduðu
stjórnarmenn úr handknattleiks-
deildum KA og Þórs um möguleika á
að sameina meistaraflokka félaganna
en án þess að niðurstaða fengist út úr
þeim viðræðum.
Aðalstjórnir félaganna eru þó sam-
mála um að halda viðræðum áfram og
á fundi viðræðunefndar fyrr í þessum
mánuði var samþykkt að halda áfram
þar sem frá var horfið í vor en þó með
aðeins breyttum áherslum. Ákveðið
var að stofna til tveggja viðræðu-
hópa, annars vegar þar sem sitja
fulltrúar frá handknattleiksdeildum
og aðalstjórnum félaganna og hins
vegar þar sem sitja fulltrúar frá
knattspyrnudeildum og aðalstjórnum
félaganna og munu viðræður þessara
hópa hefjast þegar í stað.
Samvinna vænleg að
margra mati
Bág fjárhagsstaða íþróttafélaga á
Akureyri og reyndar víðar á landinu
hefur verið töluvert til umræðu á
undanförnum misserum og er flest-
um kunn. KA og Þór hafa leitað ým-
issa leiða í þeirri baráttu að rétta af
fjárhagstöðuna en betur má ef duga
skal. Enn frekari samvinna félaganna
er að margra mati vænleg leið til ár-
angurs og þá ekki bara í fjárhagslegu
tilliti, heldur einnig til framtíðar á
keppnisvellinum sjálfum.
Þá hafa forsvarsmenn unglinga-
ráða félaganna í knattspyrnu rætt
saman og hyggja á víðtækt samstarf
á ýmsum sviðum og er það vel, eins
og segir ennfremur í fréttatilkynn-
ingunni.
Samþykkt aðalstjórna KA og Þórs
Viðræðum um sameiningu
meistaraflokka haldið áfram
BGB–Snæfell hefur í Héraðsdómi
Norðurlands eystra verið dæmt til
að greiða rúmlega tvítugum karl-
manni bætur að upphæð um 3,5
milljónir króna auk vaxta vegna
slyss sem hann varð fyrir þegar
hann vann hjá fyrirtækinu árið 1996.
Þá var fyrirtækinu gert að greiða
600 þúsund krónur í málskostnað.
Maðurinn fór fram á skaða- og
miskabætur að upphæð um 5,3 millj-
ónir króna.
Málsatvik eru þau að í lok janúar
árið 1996 var maðurinn, sem þá var
17 ára gamall, við vinnu í fiskverk-
unarhúsi Blika, en það fyrirtæki hef-
ur á liðnum árum sameinast öðrum
sjávarútvegsfyrirtækjum. Vann
hann við að pressa þurrkaða skreið-
arhausa í skreiðarpressuvél þegar
hann klemmdi fjóra fingur hægri
handar í pressunni. Alvarlegir
áverkar reyndust vera á þeim öllum
utan þumalfingurs og fór hann í
skurðaðgerð vegna þeirra. Varan-
legur miski mannsins var metinn
25% af þar til kvöddum læknum.
Taldi maðurinn að rekja mætti
slysið til vanbúnaðar pressunnar og
gáleysis starfsmanna fyrirtækisins.
Fulltrúar Vinnueftirlits bentu á að
með viðeigandi ráðstöfunum hefði
mátt fyrirbyggja hættu á því að
klemmast í pressunni. Einnig er
bent á að pilturinn hafi einungis ver-
ið 17 ára að aldri er slysið varð og al-
kunna sé að unglingar hafi ekki sama
jafnlyndi og eldra fólk né heldur jafn
þroskaða athyglisgáfu. Hæpið sé að
láta ungling hafa umsjón með hættu-
legri vél og án ítarlegrar aðvörunar.
Af hálfu fyrirtækisins var rökum
mannsins hafnað og var m.a. bent á
að engar athugasemdir hefðu verið
gerðar við öryggisbúnað hjá Vinnu-
eftirliti fyrr en eftir slysið. Einnig er
nefnt að um langan aldur hafi tíðkast
hér á landi að unglingar ynnu frá 16
ára aldri sem fullgildir verkamenn.
Maðurinn hafi um skeið unnið við
pressuna og hafi verið henni vanur,
hann hafi því átt að gera sér grein
fyrir þeim hættum sem gætu falist í
notkun hennar.
Strax hefði átt að gera
viðeigandi ráðstafanir
Dómurinn álítur að forsvarsmenn
fyrirtækisins hefðu átt að gera við-
eigandi ráðstafanir varðandi skreið-
arpressuna til að fyrirbyggja slys
um leið og hún var tekin í notkun, en
ekki eftir að óhappið átti sér stað.
Því beri fyrirtækið skaðabótaábyrgð
á því tjóni sem maðurinn varð fyrir.
Þar sem honum hefði, vegna reynslu
sinnar, mátt vera hættan ljós kemst
dómurinn að þeirri niðurstöðu að
maðurinn hafi sýnt af sér gáleysi er
hann lagði hönd sína í fals hennar um
leið og hann lét hana síga.
Við mat á gáleysi hans var þó litið
til ungs aldurs hans og reynsluleysis
á slysadegi. Þótti því hæfilegt að
hann bæri sjálfur einn þriðja hluta
tjóns síns.
Héraðsdómur Norðurlands eystra
Ungur karlmaður
fær 3,5 milljónir
í bætur vegna slyss
DAGARNIR lengjast nú óðum. Sólin er örlítið farin að
skína og síðdegis á miðvikudag var fagurt yfir Akureyri
að líta þegar sólin roðagyllti skýin á himninum yfir
kirkjunni.
Roðagyllt ský
Morgunblaðið/Kristján
VETRARDAGSKRÁ Húss skálds-
ins hefst með ljóðakvöldi í Sigurhæð-
um í kvöld, föstudag, 12. janúar, kl.
20.30.
Að þessu sinni verður ljóðum
Tómasar Guðmundssonar skipað í
öndvegi í tilefni af aldarafmæli hans
á þrettánda degi jóla, og skömmu áð-
ur voru 75 ár liðin frá útkomu fyrstu
bókar hans, „Við sundin blá“.
Í fréttatilkynningu segir: Þó að
Tómas hafi á hátíðlegum stundum í
höfuðborginni oftlega verið nefndur
„Borgarskáldið“, fer því fjarri að
yrkisefni hans séu bundin Reykjavík
sérstaklega. Allt í gegnum ljóð hans
um „Fagra veröld“ og „Stjörnur
vorsins“ streymir „Fljótið helga“ líf-
ið sjálft – líkt og Sogið sem fellur nið-
ur með Grímsnesinu þar sem hann
ólst upp – sveitadrengur og heims-
lystarmaður í senn.
Ljóðakvöldin hafa notið mikilla
vinsælda – en hafa nú legið niðri um
hríð. Nú er ætlunin að hafa þau viku-
lega á föstudögum – ekki miðviku-
dögum eins og áður – og til skiptis í
Sigurhæðum og Davíðshúsi. Dag-
skráin hefst kl. 20.30 en húsið er opið
kl. 20–22 og heitt á könnunni.
Ljóð Tómasar
í öndvegi
Ljóðakvöld á Sigurhæðum
ÞAÐ hefur víst ekki farið framhjá
neinum að jólin eru að baki og eru
flestir landsmenn væntanlega bún-
ir að pakka sínu jólaskrauti og
jólaseríum niður í kassa og koma í
geymslu. Þó finnst mörgum ágætt
að láta jólaljósin loga eitthvað
lengur í svartasta skammdeginu.
Akureyringar voru sem fyrr dug-
legir við að skreyta híbýli sín og
starfsmenn bæjarins að skreyta í
bænum. Það tekur því nokkurn
tíma að taka saman eftir hátíð-
arnar og í gær voru starfsmenn
umhverfisdeildar enn að taka nið-
ur jólaljós.
Jólaljósin tekin niður
Morgunblaðið/Kristján