Morgunblaðið - 10.03.2001, Blaðsíða 2
FRÉTTIR
2 LAUGARDAGUR 10. MARS 2001 MORGUNBLAÐIÐ
Fylgstu
með
nýjustu
fréttum
www.mbl.isJón Arnar hefur keppni
á HM í dag. B/4
Haukar lágu á heimavelli
ÍR. B/2
4 SÍÐUR20 SÍÐUR
Sérblöð í dag
Á LAUGARDÖGUM L a u g a r d a g u r10.
m a r s ˜ 2 0 0 1
HÉRAÐSDÓMUR Reykjavíkur sýknaði í gær
karlmann af ákæru ríkissaksóknara um að hafa
framið kynferðisbrot gegn ungri stjúpdóttur sinni
með því að þukla á kynfærum hennar. Þetta átti að
hafa gerst á síðasta ári.
Í niðurstöðu dómsins segir að stúlkan hafi ekki
komið fyrir dóm en samkvæmt lögum um meðferð
opinberra mála verði að reisa dóma í málum á því
sem kemur fram við meðferð þess fyrir dómi.
Félagsráðgjafi tók viðtal við stúlkuna sem var tek-
ið upp á myndband í Barnahúsi. Annar félagsráð-
gjafi fylgdist með viðtalinu af sjónvarpsskjá.
Í dómnum segir orðrétt: „Myndbandsupptaka
af frásögn stúlkunnar hjá barnaverndaryfirvöld-
um og það sem vitni hafa borið um frásögn [stúlk-
unnar] af athæfi ákærða og um hana sjálfa nægja
ekki, gegn neitun ákærða, til þess að sanna sök á
hann í málinu.“
Faðir stúlkunnar leitaði til barnaverndaryfir-
valda í Reykjavík í ágúst á síðasta ári. Hann sagð-
ist gruna ákærða, sem þá var sambýlismaður móð-
ur stúlkunnar, um að hafa áreitt skúlkuna
kynferðislega. Hún hafði tjáð honum að stjúpfaðir
hennar hefði þuklað á henni og látið hana taka
mynd af sér berum.
Þetta varð til þess að barnaverndaryfirvöld
tóku málið til umfjöllunar og lögreglan hóf rann-
sókn.
Viðtal tekið í Barnahúsi
Viðtal var tekið í Barnahúsi þar sem stúlkan
lýsti því hvernig stjúpfaðir hennar hefði áreitt
hana kynferðislega, aðallega með því að þukla á
henni innan klæða. Þetta hefði gerst mörgum
sinnum. Hann hefði beðið hana um að segja ekki
frá þessu en hún hefði samt gert það.
Við yfirheyrslur hjá lögreglu neitaði maðurinn
að hafa vísvitandi áreitt stúlkuna kynferðislega.
Hann kvaðst, vegna veikinda, þurfa að nota sterk
lyf að staðaldri. Þegar hann drykki áfengi ofan í
lyfin vissi hann ekki hvað hann gerði og missti
minnið.
Maðurinn kvaðst þó muna að hafa einu sinni eða
tvisvar strokið stúlkunni um klofið en mundi ekki
hvort það var utan- eða innanklæða. Atvik þetta
gerðist árið 1999. Stúlkan hefði sagt móður sinni
frá þessu. Maðurinn og móðir hennar hefðu þá
rætt um það við stúlkuna um að hún segði frá
þessu ef þetta gerðist aftur. Það hefði hún ekki
gert. Móðir stúlkunnar sagði fyrir dómi að hún
hefði aðeins talið að um fálm í drukknum manni
hefði verið að ræða. Henni hefði brugðið mjög þeg-
ar barnaverndaryfirvöld hefðu tjáð henni að grun-
ur hefði vaknað um kynferðisafbrot.
Í niðurstöðum dómsins segir að skilja verði
ákæruna í málinu á þann veg að þar sé ákærði ein-
ungis ákærður fyrir að brjóta af sér í eitt skipti ár-
ið 2000. Önnur tilvik komi ekki til álita í þessu máli.
Þá hafi maðurinn alfarið neitað sök og skýrslur
hans hjá lögreglu geti ekki talist játning á því at-
hæfi sem hann er sakaður um.
Dómurinn var kveðinn upp af héraðsdómurun-
um Pétri Guðgeirssyni dómsformanni, Ragnheiði
Bragadóttur og Skúla Pálmasyni. Sigríður Jósefs-
dóttir saksóknari sótti málið fyrir hönd ákæru-
valdsins en Björgvin Jónsson hrl. var til varnar.
Stjúpfaðir sýknaður af
ákæru um kynferðisbrot
ORKUVEITA Reykjavíkur verður
fyrir milljónakróna tjóni á hverju
ári vegna veggjakrots á húseignir
fyrirtækisins.
Aðfaranótt fimmtudagsins voru
veggjakrotarar á ferð við dælustöð
Orkuveitunnar við Stekkjarbakka í
Breiðholti. Þorsteinn Birgisson,
deildarstjóri byggingadeildar Orku-
veitunnar, segir að það muni kosta
um 300.000 kr. að afmá veggjakrot-
ið. Þetta er í þriðja skiptið á þremur
mánuðum sem þessi dælustöð verð-
ur verulega fyrir barðinu á veggja-
kroturum.
Húseignir Orkuveitunar, spenni-
stöðvar, dælustöðvar, borholuhús og
brunnar eru um eitt þúsund talsins.
Þorsteinn segir að veggjakrotar-
ar valdi talsverðum skemmdarverk-
um á þessum húsum. Viðgerðir
vegna þess kosti milljónir á hverju
ári.
Þorsteinn telur að veggjakrotar-
arnir hljóti að vera stálpaðir ung-
lingar, eða jafnvel eldri. Það sjáist
m.a. á því hve hátt veggjakrotið nái.
Þá kosti úðabrúsarnir sitt en Þor-
steinn áætlar að það efniskaup þess
sem úðaði á dælustöðina við
Stekkjarbakka hafi kostað hann um
15–20.000 kr.
Þorsteinn hvetur borgarbúa til
þess að vera vakandi gagnvart þess-
ari iðju og láta vita verði þeir vitni
að veggjakroti.
Húseignir Orkuveitu Reykjavíkur verða talsvert fyrir barðinu á veggjakroturum
Milljónatjón vegna
veggjakrots árlega
Morgunblaðið/Golli
Veggjakrot þekur stóran hluta af framhlið dælustöðvar Orkuveitu
Reykjavíkur við Stekkjarbakka. Þorsteinn Birgisson, deildarstjóri
byggingadeildar Orkuveitunnar, segir tjónið verulegt.
BÖRN í fjórða, fimmta og sjötta
bekk Giljaskóla á Akureyri hafa
útbúið snjólistaverk á lóð við skól-
ann. Þau fóru út í hlákuna með
myndmenntakennara sínum,
Margréti Steingrímsdóttur, og
sköpunargáfan var allsráðandi
þegar farið var að móta snjóinn.
Meðal þess sem sjá má á svæðinu
eru snjókerlingar og alls konar
dýr en þegar börnin höfðu lokið
við að búa verkið til var það mál-
að í öllum regnbogans litum. Ekki
er víst að þessi listaverk standi
lengi uppi því hlýtt hefur verið í
veðri og því eins víst að fari fyrir
þessum verkum eins og Snæfinni
snjókarli sem sólin bræddi hratt
og örugglega.
Morgunblaðið/Kristján
Viktor Ari og Árni Gísli, sem eru í 2. bekk í Giljaskóla, skoðuðu snjólistaverkin á leiðinni heim úr skólanum í gær.
Sköpunar-
gáfan nýtt
við gerð
snjólista-
verka
TILRAUNIR standa nú yfir á
vegum Landssímans með útsend-
ingar á stafrænu sjónvarpi. Þór
Jes Þórisson, framkvæmdastjóri
breiðbandssviðs Landssímans,
sagði að u.þ.b. sex heimili tækju
þátt í tilrauninni.
Hann sagði að tilraunin mið-
aðist að því að fullvissa menn um
að tækni Landssímans virkaði
eins og til væri ætlast, en sjón-
varpsefninu er dreift með breið-
bandinu.
Þór Jes sagði að mögulegt yrði
að dreifa sjónvarpsefni á nokkur
hundruð sjónvarpsrásum með
stafrænum hætti. Í dag er sjón-
varpsefni sent út á svokölluðum
hliðrænum rásum. Þór sagði að
þetta takmarkaði flutningsgetuna
þannig að kerfið gæti ekki flutt
nema u.þ.b. 40 sjónvarpsrásir.
Með stafrænu sjónvarpi væri
hægt að þjappa merkjunum mikið
saman og nýta tíðnisviðið betur.
Með þessum hætti væri hægt að
ná fram áttfalt meiri nýtingu á
breiðbandinu.
Til að ná stafrænu sjónvarpi
þurfa notendur ekki að kaupa
nýtt sjónvarpstæki. Sjónvarps-
merkin eru send út stafrænt á
breiðbandinu, en þar tekur „af-
ruglari“ við sem breytir merkinu
í hliðrænt merki sem sjónvarps-
tækið meðtekur.
Tilraun hafin með
stafrænt sjónvarp
AÐ SÖGN Theódórs Agnars
Björnssonar, forstjóra Byggða-
stofnunar, verður ákveðið í
næstu viku hvaða húsnæði
verður valið undir starfsemi
stofnunarinnar á Sauðárkróki.
Verður þá valið á milli Stjórn-
sýsluhússins við Skagfirðinga-
braut og húsnæði Kaupfélags
Skagfirðinga við Ártorg á
Sauðárkróki. Ráðgert er að sá
hluti starfsemi Byggðastofnun-
ar, sem er í Reykjavík, flytjist
til Sauðárkróks fyrir 1. júní.
Byggðastofnun
Húsnæði
valið í
næstu
viku