Morgunblaðið - 10.03.2001, Blaðsíða 68
Inga Jóna Þórðardóttir og Geir H. Haarde ásamt Stefáni Stefánssyni í New Iceland
Heritage Museum í Gimli. Íslenska ríkið lagði fé til safnsins, sem opnað var í fyrra. Það
er hluti af elliheimilinun Bethel þar sem Stefán býr en hann fjármagnaði hluta sýning-
arinnar til minningar um eiginkonu sína.
GEIR H. Haarde fjármála-ráðherra var viðstaddurkveðjusamkomuna ásamtIngu Jónu Þórðardóttur
konu sinni. Fyrr um daginn skoðuðu
þau sig um í Íslendingabyggðum í
Gimli, Arborg og Hecla Island.
Fjármálaráðherra sagðist, í sam-
tali við fréttaritara Morgunblaðsins,
telja að ár hinna miklu hátíðahalda,
árið 2000, hefði heppnast mjög vel,
„bæði í Bandaríkjunum og hér í
Kanada. Ég tel að það hafi verið af-
skaplega vel ráðið af íslenskum
stjórnvöldum að senda hingað sér-
staka fulltrúa til þess að vinna við
þessi mál. Ég tel líka að það hafi
verið mikið happ að fá þau hjónin
Guðrún og Svavar til þess að taka
þetta að sér. Þau hafa gert þetta
mjög vel. Þau hafa aflað sér mikilla
vinsælda og virðingar fyrir Íslands
hönd á þessu svæði á þessu tímabili
og leyst þetta verkefni með sérstök-
um sóma. Það hafði ég reyndar á til-
finningunni áður en ég kom hér, en
nú hef ég upplifað það beint í æð.
Þess vegna held ég að það hafi verið
skynsamlega ráðið á sínum tíma. Ég
held að þessi hátíðahöld hafi yfir
höfuð styrkt böndin á milli Íslend-
ingasamfélaganna hér í Kanada og í
Bandaríkjunum við okkur heima á
Íslandi, og þess vegna hafi þetta
haft mjög mikilvægan tilgang. Mér
þótti til dæmis hér í kvöld alveg sér-
staklega yndislegt að hlusta á
barnakórinn sygja þessi íslensku lög
eftir Atla Heimi, Sigfús Halldórs-
son, Inga T. Lárusson og aðra,“
sagði ráðherrann.
„Það var sérstök upplifun að
hlusta á það og sýnir okkur hvað
þessi bönd eru sterk. Ég hef aldrei
áður komið hingað til Manitoba og á
þetta Íslendingasvæði og mér finnst
þetta hafa verið ógleymanleg upp-
lifun. Ég hafði líka tækifæri til þess
að sjá það hvernig okkar fjárfram-
lög til Háskólans í Manitoba hafa
nýst í sambandi við íslenska bóka-
safnið og íslensku deildina og ég hef
sannfærst um það að þeim pening-
um hefur verið afskaplega vel varið.
Hér eru lifandi samskipti á ferð sem
þarf að rækta og tryggja það að hér
verði áframhaldandi gróska í þess-
um samskiptum. Ég held að það sé
mikilvægt bæði fyrir okkur og okk-
ar frændfólk hér í Kanada.
Niðurstaðan er sú að í stað þess
að hafa enga skrifstofu áður þá
munum við nú hafa tvær. Það verð-
ur sendiráð í Ottawa og það verður
skrifstofa fyrir verslunar- og menn-
ingarmálefni hér í Winnipeg. Mér
sýnist að það sé fullkomlega réttlæt-
anlegt,“ sagði Geir H. Haarde.
Jón Örn Jónsson ræðismaður í
Saskatchewan sagði hátíðahöldin
hafa heppnast eins vel og hugsast
getur á allan hátt. „Það vita allir á
Íslandi um Manitoba, Winnipeg og
Gimli. Það sem gleymist er að það er
mikið af Íslendingum í Saskatchew-
an, næsta fylki fyrir vestan Mani-
toba. Það eru hundruð landnema
þar. Þessi hátíðahöld urðu til þess
að forseti Íslands kom til okkar árið
1999. Það hafði ekki komið forseti í
heimsókn þangað síðan Ásgeir Ás-
geirsson kom á sínum tíma. Þarna
kom Ólafur forseti, brúðuleikhúsið
hennar Hallveigar, leikritið hennar
Brynju og Guitar Islancio-tríóið.
Þetta hefur orðið til þess að Sas-
katchewan er komið á kortið og það
er ekki nokkur vafi á því að mikið
starf Svavars og Guðrúnar hefur
gert það að verkum. Þetta var rétt
fólk á réttum stað á réttum tíma.
Það sem íslenska ríkisstjórnin
setti í þetta af fjármunum var vel
varið. Þetta mun stuðla að áfram-
haldandi varðveislu íslenskrar
menningar í Kanada,“ sagði Jón
Örn.
David Gíslason í Manitoba tók í
sama streng. „Allt sem fram fór hér
fór langt fram úr mínum björtustu
vonum. Það á líka eftir að skila sér í
framtíðinni. Þessi tengsl sem við töl-
um svo mikið um hafa styrkst mikið.
Ég hef talað við marga sem ætla sér
að ferðast til Íslands.
Það er mikils virði fyrir okkur að
halda tengslum við Ísland.
Svavar og Guðrún hafa unnið
mikið verk hér og sinnt sínu starfi
vel.
Þau þekkja sjálfsagt fleiri Vestur-
Íslendinga en ég geri eftir þessi tvö
ár þeirra hér. Ég held ég geti sagt
að allir hér hefðu viljað hafa þau
áfram hér í sendiráðinu í Ottawa.
Það sem vantar til þess að efla
þessi tengsl okkar í framtíðinni eru
meiri viðskipti milli okkar og Ís-
lands. Ég vona að sá fulltrúi Íslands
sem verður sendur til Winnipeg geti
hjálpað okkur að koma meiri við-
skiptum í gang, sérstaklega milli
Manitoba og Íslands.
Nú býðst Flugleiðum að fjölga
flugum til Kanada og ef þeir ákveða
að fljúga hingað til Winnipeg mun
það auðvelda þetta starf mikið.
Eitt það mikilvægasta sem kom
út úr þessu átaki Íslands hér í Kan-
ada er sú ákvörðun að opna sendiráð
í báðum löndum. Ég var mjög hissa
og ánægður að heyra að Kanada
ætlaði að opna sendiráð á Íslandi.
Ég er viss um að það sem hefur far-
ið hér fram á síðustu tveimur árum
hefur hjálpað mikið til þegar sú
ákvörðun var tekin.“
Lillian Thomas, aðstoðarborgar-
stjóri Winnipeg-borgar, sagði það
hafa verið stórkostlegt að fá að taka
þátt í hátíðahöldum Íslendinga í
borginni. „Eiginmaður minn er af ís-
lenskum ættum svo þetta hefur ver-
ið mjög sérstakt fyrir okkur. Við
munum sakna Svavars og Guðrún-
ar. Þau hafa verið góðir fulltrúar Ís-
lands og það verður ekki auðvelt að
feta í þeirra fótspor,“ sagði hún við
Morgunblaðið.
„Ég tel að það hafi verið hárrétt
ákvörðun hjá Íslendingum að leggja
mikla áherslu á hátíðahöld hér á
þessu svæði því það er svo mikið af
Íslendingum í þessari borg. Það hef-
ur líka verið mikill heiður fyrir
borgina að hafa svo hátt settan
diplómat staðsettan hér. Ég er
sannfærð um að framtíðin býður
upp á mikla möguleika í frekara
samstarfi okkar. Sjálfri finnst mér
gaman að koma á samkomur Íslend-
inga og borða pönnukökur og vín-
artertu,“ sagði Lillian Thomas.
Gail McCleery í Toronto sagði
þrjá viðburði standa upp úr í Ont-
ario-fylki. „Í fyrsta lagi er það heim-
sókn hinnar frábæru brúðuleikhús-
konu Hallveigar Thorlacius. Hún
heillaði unga áhorfendur á öllum
þeim níu sýningum sem hún hélt í
Toronto, London og fleiri stöðum.
Í öðru lagi vil ég nefna afhjúpun
listaverks til minningar um landnám
Íslendinga í Kinmount. Listaverk
Guðrúnar Sigursteinsdóttur Girgis
túlkaði reynslu landnemanna sem
yfirgáfu sitt fyrra líf í von um betra
líf í öðru landi.
Þriðji viðburðurinn sem upp úr
stendur er skemmtidagskrá sem við
héldum í höfuðstöðvum kanadíska
ríkisútvarpsins og kallaðist Viking
Mikil ánægja með hátíðahöldin í Kanada og Bandaríkjunum í tilefni landafundaafmælisins
Ljósmyndir/Jón E. Gústafsson
Við Hvíta klett, White Rock, þar sem fyrstu íslensku landnemarnir lentu við strönd Winnipeg-
vatns á sínum tíma. Þar hefur nú verið reist minnismerki. Á myndinni eru frá vinstri: Svavar
Gestsson, Guðrún Ágústsdóttir, Geir H. Haarde, Inga Jóna Þórðardóttir og Neil Bardal.
Fór allt langt fram
úr björtustu vonum
Guðrún Ágústsdóttir ásamt Brynjólfi Sigurgeirssyni, sem búið hefur á
Hecla Island allt sitt líf. Binni, eins og Brynjólfur er jafnan nefndur,
kom á fót minjasafni um íslensku landnemana á Heclu-eyju.
Svavar Gestsson og Guðrún Ágústsdóttir þakka fyrir gjöf frá vestur-
íslenska samfélaginu; útskorna lóu í tré, listaverk eftir Einar Vigfússon.
Vestur-Íslendingar í Manitoba kvöddu
nýverið hjónin Svavar Gestsson aðal-
ræðismann og Guðrúnu Ágústsdóttur
eftir tveggja ára dvöl þeirra í Kanada.
Jón E. Gústavsson fylgdist með og ræddi
meðal annars við Geir H. Haarde fjár-
málaráðherra sem var viðstaddur.
FRÉTTIR
68 LAUGARDAGUR 10. MARS 2001 MORGUNBLAÐIÐ