Morgunblaðið - 15.03.2001, Qupperneq 4

FRÉTTIR
4 FIMMTUDAGUR 15. MARS 2001 MORGUNBLAÐIÐ
SKATTHLUTFALL einstaklinga
mun lækka um 0,33% á næsta ári frá
því sem það er í ár og skipuð verður
nefnd fjámálaráðuneytis, Þjóðhags-
stofnunar og Alþýðusambands Ís-
lands til að fjalla um kosti og galla
fjölþrepaskattkerfis.
Þetta er meðal þeirra aðgerða sem
ríkisstjórnin hyggst beita sér fyrir í
tengslum við störf nefndar Alþýðu-
sambands Íslands og Samtaka at-
vinnulífsins um forsendur kjara-
samninga. Að auki mun ofangreind
nefnd einnig kanna forsendur þess að
unnar verði upplýsingar um viðmið-
unarreglur fyrir mismunandi fjöl-
skyldur sem nota megi við útreikning
á greiðslubyrði, félagslegum bótum
og við mat á breytingum á skatt- og
bótakerfi. Þá verða Alþýðusamband-
inu einnig tryggðar 3,5 milljónir
króna á ári út samningstímann til að
halda uppi verðlagseftirliti.
Kostar ríkissjóð 1.200 milljónir
Þessi niðurstaða var kynnt for-
svarsmönnum Alþýðusambandsins í
gær. Davíð Oddsson, forsætisráð-
herra, sagði í samtali við Morgun-
blaðið að lækkun skatthlutfallsins um
næstu áramót um 0,33% myndi kosta
ríkissjóð í kringum 1.200 milljónir
króna. Jafnframt hefði ríkisstjórnin
samþykkt að fjármálaráðherra skip-
aði nefnd með Alþýðusambandinu og
Þjóðhagsstofnun til þess að fara ofan
í kosti og galla margþrepaskatta.
Þeir hefðu reyndar miklar efasemdir
um slíkt kerfi, en hefðu samþykkt að
fara rækilega yfir það. Í þriðja lagi
hefði ríkisstjórnin veitt tiltekna fjám-
uni í ár og á næstu árum til að styrkja
Alþýðusambandið til að fylgjast með
þróun verðlags.
Davíð sagði að ríkisstjórnin hefði
ekki verið skuldbundin til þess að
koma að málinu á þessu stigi, en hefði
samt viljað reyna að gera sitt til þess
að sæmileg sátt væri í tengslum við
þessa endurskoðun á stöðu kjara-
samninga.
„Ég tel að það að samningar skuli
nú tryggðir í öllum meginþáttum í
landinu til næstu þriggja til fjögurra
ára ætti að skapa traust skilyrði fyrir
efnahagsþróuninni,“ sagði Davíð.
Hann sagði að auðvitað gæti margt
gerst í þeim efnum, en þetta væri
einn afskaplega þýðingarmikill þátt-
ur í því að treysta stöðugleikann.
Menn hefðu þessar viðmiðanir til
næstu þriggja ára og gætu gert sínar
áætlanir í samræmi við það.
Ánægður í heildina
Halldór Björnsson, starfandi for-
seti Alþýðusambands Íslands, sagð-
ist í heildina vera ánægður með við-
brögð ríkisstjórnarinnar í þessum
efnum. Þeir hefðu verið að vonast til
að þessi niðurstaða gæti fylgt því
samkomulagi sem gert hefði verið í
nefnd ASÍ og SA um forsendur
kjarasamninga. Það hefði ekki verið
en ríkisstjórnin hefði í sjálfu sér verið
búin að gefa ádrátt um þessa niður-
stöðu.
„Við erum bara í sjálfu sér mjög
ánægð með þetta útspil ríkisstjórn-
arinnar. Ég hefði gjarnan viljað sjá
þarna breytingar á sjúkradagpening-
um. Það er brýnt mál. Því var svarað
til að það væri ekki hægt og við mun-
um væntanlega reyna að taka það
upp við heilbrigðisráðherra,“ sagði
Halldór í samtali við Morgunblaðið.
Hann sagði, að að fenginni þessari
niðurstöðu og ef ekkert óvænt kæmi
upp á hefði hann það á tilfinningunni
að kjarasamningurinn við SA héldi út
samningstímabilið sem væri til ársins
2003. Með haustinu þegar allir samn-
ingar hefðu verið gerðir myndu þeir
væntanlega skoða þróunina í verð-
lagsmálum og önnur opnun væri
möguleg í febrúar á næsta ári. Að
mati hans hefði samningurinn sannað
gildi sitt og það sama gilti um þau
tryggingaákvæði sem samið hefði
verið um. Það væri ánægjuefni. Nú
væri verið að gera samninga til 3-4
ára og jafnvel lengri tíma og það gæti
ekki annað en skapað aukinn stöðug-
leika í efnahagslífinu.
Halldór sagði að í framhaldinu
hefði Alþýðusambandið áhuga á að
hefja viðræður við sveitarfélögin um
skattlagingu þeirra, því auðvitað
snerti það fólk ekkert síður en tekju-
skatturinn. Jafnframt yrði væntan-
lega óskað eftir viðræðum við bank-
ana um vaxtastigið.
Halldór sagði jafnframt varðandi
húsnæðismálin að mikilvægt væri að
byggja hér tvö þúsund leiguíbúðir til
þess að leysa úr brýnasta vandanum.
Þessi vandi yrði ekki leystur nema
með aðkomu ríkis og sveitarfélaga.
Óformlegir fundir hefðu verið með
félagsmálaráðherra um það hvernig
verkalýðshreyfingin gæti stuðlað að
framgangi þessa verkefnis. Þeirri
vinnu yrði haldið áfram.
Aðgerðir vegna endurskoðunar á forsendum kjarasamninga
Tekjuskattshlutfall-
ið lækkar um 0,33%
Morgunblaðið/Jim Smart
Davíð Oddsson forsætisráðherra gerði Halldóri Björnssyni, starfandi
forseta Alþýðusambands Íslands, grein fyrir aðgerðum ríkisstjórnar-
innar í tengslum við forsendur kjarasamninga á fundi í gær.
LOKAHÁTÍÐIR Stóru upplestr-
arkeppninnar standa nú yfir í
sveitarfélögum víða um landið.
Um er að ræða samtals tuttugu
og sex hátíðir og standa þær
fram til loka mánaðarins. Á há-
tíðunum lesa nemendur úr 7.
bekk, sem valdir hafa verið úr
skólum byggðarlagsins, sögur og
ljóð og eru veitt þrenn verðlaun
fyrir bestu frammistöðuna. Mynd-
in er tekin á lokahátíðinni í Hafn-
arfirði í vikunni.
Lokahátíðir
Stóru upp-
lestrar-
keppninnar
Morgunblaðið/Árni Sæberg
MESTAN „skipstjórakvóta“ í upp-
hafi kvótakerfisins fékk togarinn Við-
ey RE, þá í eigu Hraðfrystistöðv-
arinnar í Reykjavík. Alls fékk hann
úthlutað 5.022 tonnum í stað 3.217
tonna samkvæmt áunninni afla-
reynslu. Munurinn var 1.805 tonn.
Alls var aukningin í karfa og ufsa um
2.200 tonn, en heimildir í öðrum teg-
undum drógust saman.
Skipstjórakvótinn svokallaði fylgdi
Ólafi Erni Jónssyni skipstjóra og
áhöfn hans, sem áður hafði verið á
Snorra Sturlusyni í eigu Bæjarút-
gerðar Reykjavíkur. Snorri hélt enn-
fremur sínum áunna reynslukvóta.
Nokkrum árum síðar var Hraðfrysti-
stöðin sameinuð BÚR og Ísbirninum
í Granda hf.
Næstmest til Akureyrarinnar
Næstmestan kvóta með þessum
hætti fékk Akureyrin EA. Reynslu-
kvóti hennar var 3.678,5 tonn, en hún
fékk 4.445,5 tonn með Þorsteini Vil-
helmssyni og áhöfn hans, sem áður
höfðu aflað Kaldbaki EA þessarar
reynslu. Aukningin var alls 767 tonn.
Mestu skipti aukning í grálúðu, 598,2
tonn og þorski, 451,2 tonn.
Aukning Smáeyjar vegna skip-
stjórakvótans var 57,6 tonn, Friðriks
Sigurðssonar 326,3 tonn, Ófeigs 0,2
tonn, en þar réð mestu aukning í
þorski um 96,4 tonn en samdrátt í
öðrum verðminni tegundum. Þá jókst
kvóti Jóhannesar Gunnars um 59,4
tonn.
Þessar upplýsingar komu fram í
svari Árna Mathiesen sjávarútvegs-
réðherra við fyrirspurn Sverris Her-
mannssonar alþinginsmanns á Al-
þingi í gær.
Sverrir spurði hvers eðlis hinn svo-
nefndi skipstjórakvóti hefði verið,
hvaða reglur hefðu verið samdar um
sérúthlutun og um fleiri þætti þessu
tengda.
Sex skip fengu
skipstjórakvótann
Í svari ráðherra kemur fram að við
ákvörðun á skipstjórakvótanum hafi
verið byggt á reglugerð, sem hljóðaði
svo: „Hafi skipstjóraskipti á árinu
1983 orðið með þeim hætti, að skip-
stjóri, sem fram að skiptum hafði
stýrt sama skipi samfellt á viðmiðun-
artímabilinu sbr. 6. gr., tekur við öðru
sambærilegu skipi í 3. stærðarflokki
eða stærra sbr. 9. gr., og meirihluti
áhafnar flyzt með honum, skal heim-
ilt, auk vals sbr. 1. mgr., að gefa kost
á því að aflamark á skipinu, sem skip-
stjóri tekur við, miðist við aflareynslu
áhafnarinnar á fyrra skipinu.“
Sex skip fengu á sínum tíma þenn-
an svokallaða skipstjórakvóta. Smáey
fékk reynslukvóta Stokkseyjar, Ak-
ureyrin kvóta Kaldbaks, Friðrik Sig-
urðsson kvóta eldra skips með sama
nafni, Ófeigur fékk kvóta Ófeigs III,
Viðey kvóta Snorra Sturlusonar og
Jóhannes Gunnar kvóta Drífu.
Viðey fékk mest
úr „skipstjóra-
kvótanum“
Kvóti Viðeyjar jókst um 1.805 tonn
en Akureyrarinnar um 767 tonn
HÉRAÐSDÓMUR Reykjaness
dæmdi í gær tvo unga menn fyrir
innbrot í Kia-umboðið í Hafnarfirði.
Þeir játuðu að hafa stolið þaðan
tölvubúnaði, sjónvarpi, hátölurum
o.fl. Mennirnir eru báðir tvítugir.
Annar var dæmdur til tveggja mán-
aða skilorðsbundinnar fangelsisvist-
ar en hann hafði einu sinni áður verið
sakfelldur fyrir brot gegn almennum
hegningarlögum.
Í dómnum segir hins vegar að
sakaferill hins sé allþéttur þrátt fyrir
ungan aldur. Hann hlaut fyrst refs-
ingu í desember 1997 þegar hann var
dæmdur til sjö mánaða fangelsis,
skilorðsbundið í þrjú ár fyrir auðg-
unar- og umferðarlagabrot. Tæpu
ári síðar var hann dæmdur til fimm-
tán mánaða fangelsisvistar skilorðs-
bundið í þrjú ár, fyrir fjölmörg auðg-
unarbrot og brot á lögum um
fíkniefni.
Í febrúar 1999 var maðurinn
dæmdur í fangelsi í 16 mánuði, skil-
orðsbundið í þrjú ár, fyrir brot gegn
umferðarlögum og hegningarlögum.
Í desember sama ár var hann dæmd-
ur í fangelsi í tvö ár óskilorðsbundið
fyrir þjófnað og tilraun til þjófnaðar.
Þann 16. september 2000 var honum
veitt reynslulausn í tvö ár á eftir-
stöðvum 360 daga af refsingunni sem
hann fékk í desember 1999.
Í dómnum segir að með innbrotinu
hafi hann rofið skilorð þeirrar
reynslulausnar.
Refsingin, 14 mánaða fangelsi, er
því ákvörðuð með hliðsjón af þeirri
fangavist sem er óafplánuð.
Gunnar Aðalsteinsson héraðs-
dómari kvað upp dóminn.
Fangelsi í 14
mánuði vegna
innbrots
♦ ♦ ♦