Morgunblaðið - 15.03.2001, Blaðsíða 50

UMRÆÐAN
50 FIMMTUDAGUR 15. MARS 2001 MORGUNBLAÐIÐ
HARÐAR deilur um
framtíð Reykjavíkur-
flugvallar í borgar-
stjórn og á Alþingi hafa
snúist upp í pólitískan
skrípaleik og kerfis-
bundið lýðskrum þegar
yfirmenn samgöngu-
mála í landinu eru hafð-
ir að blóraböggli eins
og Sturla Böðvarsson
samgönguráðherra
sem borgarstjórinn í
Reykjavík hefur oftar
en einu sinni ráðist á í
blöðum, útvarpi og
sjónvarpi síðan jarð-
gangaáætlun Vega-
gerðarinnar var kynnt
á blaðamannafundi snemma á síðasta
ári. Þessar hörðu deilur um framtíð
Reykjavíkurflugvallar, sem eru
orðnar mannskemmandi, valda póli-
tískri togstreitu milli Reykjavíkur-
listans og minnihlutans í borgar-
stjórn Reykjavíkur. Yfirmenn
samgöngumála og allir borgar-
fulltrúar Sjálfstæðisflokksins munu
standa uppi sem sigurvegarar í þessu
máli sem Reykjavíkurlistinn er að
tapa í orustunni við minnihlutann í
borgarstjórn Reykjavíkur. Þessi
barátta Reykjavíkurlistans og
stjórnarandstæðinga á Alþingi fyrir
flutningi innanlandsflugsins úr
Vatnsmýrinni á nærliggjandi staði
utan Reykjavíkur eða til Keflavíkur
er pólitísk atlaga að
heilbrigðisþjónustunni
og sjúkrafluginu sem
skiptir miklu máli á
sama tíma og mínútur
geta skilið milli lífs og
dauða þótt borgar-
fulltrúar R-listans segi
allt annað og haldi
áfram að slást við stað-
reyndir eins og þeim
verður best lýst. Það
verður aldrei hjá því
komist næstu 40–50 ár-
in, vegna staðsetningar
sjúkrahúsanna á höfuð-
borgarsvæðinu, að mið-
stöð sjúkraflugsins
verði áfram í Reykjavík
á sama stað og flugvöllurinn er í dag
án þess að R-listinn játi sig sigraðan,
það væri heppilegra fyrir borgar-
stjórnarmeirihlutann og sömuleiðis
borgarstjórann í staðinn fyrir að ráð-
ast á Sturlu Böðvarsson samgöngu-
ráðherra í grein í Morgunblaðinu
undir fyrirsögninni „Samgönguráð-
herra og Reykjavíkurflugvöllur“.
Sturla Böðvarsson, sem vill berjast
fyrir bættum samgöngum milli höf-
uðborgarsvæðisins og landsbyggðar-
innar í heild, á margt betra skilið en
að sitja undir pólitískum árásum R-
listans, borgarstjórans og þing-
manna suðvesturhornsins. Lagfær-
ingar á austur-vestur-braut Reykja-
víkurflugvallar, sem Halldór Blöndal
fyrrverandi samgönguráðherra
beitti sér fyrir í sinni ráðherratíð,
voru óhjákvæmilegar vegna mikilla
skemmda sem gátu skapað hættu
fyrir flugumferðina á sama tíma og
R-listinn brást illa við þeirri fjárveit-
ingu sem þá var ákveðið að verja til
þessara framkvæmda. Þessi afstaða
borgarstjórans og R-listans er póli-
tísk atlaga að innanlands- og sjúkra-
fluginu. Það er óhjákvæmilegt og
mikið öryggisatriði að Reykjavíkur-
flugvöllur liggi í minnst fjórar áttir
eða meira gagnvart farþega- og
sjúkraflugi í staðinn fyrir að láta
flugvöllinn liggja í tvær áttir á sama
tíma og neyðartilfelli getur komið
upp. Flugbraut í tvær áttir og ekki
meira á Reykjavíkursvæðinu getur
frekar boðið hættunni heim gagnvart
farþega- og sjúkrafluginu þegar ekki
er hægt að lenda vegna hliðarvinds.
Þá væri mannslífum stefnt í tvisýnu
án þess að andstæðingar Reykjavík-
urflugvallar hafi nokkurn tímann
haft vit á samgöngumálum. Tengsl
milli íbúa suðvesturhornsins og
landsbyggðarinnar eru óhugsandi án
flugvallarins í Vatnsmýrinni ef öllu
innanlands- og sjúkraflugi yrði beint
til Keflavíkur þótt andstæðingar
Reykjavíkurflugvallar berji höfðinu
við steininn og haldi áfram að gera
Sturlu Böðvarssyni upp skoðanir án
nokkurs tilefnis eins og borgar-
fulltrúar R-listans og allir þingmenn
Reykjavíkur og Reykjaneskjördæm-
is gerðu á síðasta ári á fundi með
borgarstjóranum í Reykjavík eftir að
jarðgangaáætlun Vegagerðarinnar
var kynnt snemma á síðasta ári.
Flutningur innanlands- og sjúkra-
flugsins til Keflavíkur hefði það í för
með sér að bæði flugfélögin, Flug-
félag Íslands og Íslandsflug, sem enn
flýgur til Bíldudals og Sauðárkróks,
gætu strax pakkað saman og hætt
rekstri fyrir fullt og allt. Versta
kjaftshöggið fyrir heilsugæsluna og
alla íbúa landsbyggðarinnar væri að
missa sjúkraflugið þótt innanlands-
flugið, sem er orðið alltof dýrt, legð-
ist niður í eitt skipti fyrir öll. Hug-
myndir um að byggja nýjan flugvöll
úti á Lönguskerjum, Hvassahrauni,
á Álftanesi og á svæðinu sunnan
Hafnarfjarðar, Garðabæjar, Kópa-
vogs og Reykjavíkur eru óraunhæfar
vegna þess hvað það er misvinda-
samt á þessu svæði eins og flugmenn
flugfélaganna sem vel þekkja þetta
svæði hafa margoft varað við þótt
borgarstjórnarmeirihlutinn og allir
stjórnarandstæðingar á Alþingi hafi
alltaf þrætt fyrir. Kostnaðurinn við
að byggja nýjan flugvöll á þessu
svæði yrði aldrei undir 15–20 millj-
örðum króna. Þá yrði það ríkissjóður
sem fljótlega fengi skellinn ef þessi
kostnaður nálgaðist 25–30 milljarða
króna. Borgarstjórnarmeirihlutinn
og allir stjórnarandstæðingar á Al-
þingi tækju það aldrei nærri sér ef
þessi kostnaður yrði skrifaður á
reikning skattgreiðendanna í land-
inu. Mikill meirihluti þjóðarinnar,
sem telur Reykjavíkurflugvöll mik-
ilvægan fyrir íbúa höfuðborgarsvæð-
isins og landsbyggðarinnar í heild,
myndi aldrei telja það heilbrigða
skynsemi að láta þennan kostnað
bitna á skattgreiðendunum, allir
andstæðingar Reykjavíkurflugvallar
verða að sætta við þá staðreynd að ís-
lenska ríkið hættir sér aldrei út í
þennan kostnað sem hlýst af því að
flytja allt innanlandsflugið úr borg-
inni suður fyrir Hafnarfjörð eða á
aðra staði utan höfuðborgarsvæðis-
ins. Það væri hægt að lengja austur-
vestur-brautina út í Skerjafjörð,
öðru máli gegnir hvort hægt yrði að
gera aðra flugbraut frá vesturenda,
sem þá myndi liggja út og suður. Að
vel athuguðu máli yrði þetta dýrt. Þá
yrði það mikið verk að keyra efni út í
Skerjafjörð til þess að flugbraut út í
sjó yrði örugg fyrir sjávarseltu sem
flugvélarnar gætu aldrei þolað mjög
lengi. Héðan af kemur ekki til mála
að flugvöllurinn fari úr borginni
næstu 40–50 árin að loknum fram-
kvæmdum á austur-vestur-braut-
inni, sem kostað hafa vel á annan
milljarð króna, til þess er kostnaður-
inn orðinn of mikill. Það veit borg-
arstjórnarmeirihlutinn ósköp vel.
Með flutningi innanlandsflugsins til
Keflavíkur hefur enginn efni á að
missa sjúkraflugið ef mannslíf á
landsbyggðinni yrði í hættu, það
væri blaut tuska framan í heilbrigð-
isþjónustuna í landinu, sem skiptir
miklu máli fyrir alla landsmenn. Þá
væri heppilegra fyrir borgarstjóra
R-listans og alla stjórnarandstæð-
inga á Alþingi að þeir sæju sóma sinn
í að láta Reykjavíkurflugvöll í friði á
sama tíma og þeir berjast fyrir því að
stækkun Reykjanesbrautar gangi
fyrir án þess að borgarstjóri þurfi
nokkurn tímann að vinna fyrir kaup-
inu sínu. Flugvöllurinn er ekkert á
förum úr borginni næstu 20–30 árin
þótt R-listinn láti innanlands- og
sjúkraflugið aldrei í friði.
Pólitískur skrípaleikur
Guðmundur Karl
Jónsson
Flugvöllur
Tengsl milli íbúa suð-
vesturhornsins og
landsbyggðarinnar,
segir Guðmundur Karl
Jónsson, eru óhugsandi
án flugvallarins
í Vatnsmýrinni.
Höfundur er farandverkamaður.
ÞAR sem ég undir-
ritaður hef ekki kosn-
ingarétt um framtíð
vinnustaðar míns á
Reykjavíkurflugvelli,
en bý þó í aðeins um
800 metra fjarlægð í
beinni loftlínu frá flug-
vellinum í vesturbæ
Kópavogs, vil ég skora
á Reykvíkinga að
treysta flugvöllinn í
sessi og stuðla þannig
að þeirri bráðnauðsyn-
legu uppbyggingu sem
fram þarf að fara á vell-
inum, þ.e. vegagerð,
byggingu samgöngu-
miðstöðvar og fegrun svæðisins í
heild.
Í áratugi hefur ekki mátt hrófla
við neinu á flugvallarsvæðinu vegna
skipulagsleysis og óvissu um framtíð
vallarins. Þetta höfum við í flugdeild
Landhelgisgæslunnar fengið að
reyna í áraraðir, en ítrekað hefur
verið reynt að fá endurbætur hjá
borgaryfirvöldum á malarveginum
frá Hótel Loftleiðum að
svæði Landhelgisgæsl-
unnar en án árangurs,
og er gjarnan borið við
að skipulag sé ekki fyr-
ir hendi. Um þessa veg-
arónefnu eru sjúkir og
slasaðir fluttir sem
lagðir eru inn á Land-
spítalann við Hring-
braut; er það eingöngu
vegna natni veghefils-
stjóra borgarinnar að
venjulegir fólksbílar
komast um hann
óskemmdir.
Mig óar við áfram-
haldandi stöðnun á
flugvallarsvæðinu ef hann er ekki
festur í sessi. Svokölluð innanlands-
flugstöð sem er í raun 60 ára gömul
braggabygging yrði þá næstu 15 árin
hlutskipti þeirra sem ferðast þurfa
til og frá höfuðborginni í stað þess að
fá nýja glæsilega flugstöð/sam-
göngumiðstöð við Hótel Loftleiðir.
Nálægð Reykjavíkurflugvallar við
hátæknisjúkrahúsin hefur í gegnum
árin bjargað fjölda mannslífa og ekki
bara landsbyggðarfólks því verulega
stór hluti sjúkra og slasaðra eru
Reykvíkingar á ferð um þjóðvegi
landsins eða þá í vélsleða- eða jeppa-
ferðum um hálendið. Iðulega skilja
mínútur milli lífs og dauða fyrir sjúkt
og illa slasað fólk og skiptir því stað-
setning flugvallarins öllu um hvernig
því reiðir af.
Ég skora því á Reykvíkinga að
velja líf og heilsu samborgara sinna
fram yfir hagsmuni fáeinna arki-
tekta og húsabraskara.
Sjúkraflugvöll-
ur Reykjavíkur
Jakob Ólafsson
Höfundur er þyrluflugstjóri
hjá Landhelgisgæslu Íslands.
Flugvöllur
Ég skora því á Reykvík-
inga að velja líf og heilsu
samborgara sinna,
segir Jakob Ólafsson,
fram yfir hagsmuni
fáeinna arkitekta og
húsabraskara.