Morgunblaðið - 15.03.2001, Side 51

UMRÆÐAN
MORGUNBLAÐIÐ FIMMTUDAGUR 15. MARS 2001 51
Opel Zafira Diesel
Nýskr. 7. 2000, 2000cc vél,
5 dyra, 5 gíra, grár,
ekinn 24 þ. ABS,
Airbag o.m.fl.
Verð:
1.890 þús.
Ný sending af
drögtum frá
tískuverslun
v. Nesveg, Seltjarnarnesi.
Sími 561 1680.
VORLITIRNIR KOMNIR
Nýju vorlitirnir í CHANEL
eru komnir ásamt
kremlínunni
„PRECISION“
Gréta Boða
förðunarmeistari verður með kynningu
í Snyrtivöruversluninni Glæsibæ
í dag, föstudag og laugardag.
Lítið við og sjáið þessar frábæru
nýjungar frá CHANEL.
Verið velkomin
Hægt að
panta tíma
í förðun.
Sími 568 5170
Framsóknarflokk-
urinn á sér sterka
hefð og ríka sögu. Frá
þeim tíma að nokkrir
alþingismenn stofn-
uðu Framsóknar-
flokkinn á miklum
umbrotatímum í sögu
þjóðarinnar árið 1916
hefur flokkurinn unn-
ið sleitulaust að fram-
farasókn undir merki
persónufrelsis, lýð-
ræðis og samvinnu.
Um það leyti sem
Framsóknarflokkur-
inn var stofnaður voru
stéttastjórnmál mjög
að ryðja sér til rúms
hérlendis sem og erlendis. Flokkar
verkamanna tókust á við atvinnu-
rekendur í röðum íhaldsmanna.
Jónas frá Hriflu skrifaði skömmu
fyrir stofnum Framsóknarflokks-
ins: „Í þingræðislöndum er um
þrjá stjórnmálaflokka að ræða:
íhaldsmenn, frjálslynda menn og
verkamenn. Allir íhaldsflokkar
miða aðgerðir sínar til umbóta
fyrst og fremst við efnamennina,
frjálslyndir menn við miðstéttina...
Autt bil væri í fylkingarbrjóstinu
fyrir miðstéttina. Þar væri að
vænta frjálslynda flokksins. Hans
þarf nú varla lengi að bíða.“ Hin-
um merka hugsuði og fram-
kvæmdamanni Jónasi Jónssyni frá
Hriflu varð að ósk sinni og allar
götur frá stofnun hefur Framsókn-
arflokkurinn unnið á grundvelli
frjálslyndrar hugmyndafræði í
anda Johns Stuarts Mills. Kjarn-
inn í kenningum hans er sá að á
sama tíma og einstaklingurinn nýt-
ur frelsis til orðs og æðis, viðskipta
og menningarlegs þroska, fylgdu
þessum réttindum ævinlega sam-
félagslegar skyldur. Heimspeking-
urinn og þjóðfélags-
rýnirinn Mill hélt að
sama skapi fram hóf-
semd í þjóðmálum, en
umfram allt bjartsýni
og raunsæi.
Framsóknarflokk-
urinn hefur því ávallt
hafnað þeim lífseiga
vinstri-hægri-hugsun-
arhætti stjórnmál-
anna sem miðar að því
að etja mönnum og
ólíkum skoðunum
saman í stað þess að
ná fram skynsamlegri
niðurstöðu á grunni
gagnkvæms skilnings
og samvinnu.
Samstarf frjálslyndra flokka
Í alþjóðasamstarfi frjálslyndra
flokka er Framsóknarflokkurinn
virkur þátttakandi. Þar vinna sam-
an m.a. Frjálslyndir demókratar á
Bretlandi, Radikale Venstre í Dan-
mörku og Frjálslyndi flokkurinn í
Kanada svo nokkrir séu nefndir. Á
sama hátt skipar Sjálfstæðisflokk-
urinn sér á bekk með öðrum
íhaldsflokkum, Samfylkingin með
alþjóðahreyfingu jafnaðarmanna
og Vinstri grænir hafa verið að
bera víurnar í félagsskap vinstri-
sósíalista.
Þó að Framsóknarflokkurinn sé
fyrst og fremst frjálslyndur flokk-
ur í alþjóðlegu samhengi stendur
hann einnig fyrir ýmislegt annað.
Færa má rök fyrir því að flokk-
urinn hvíli á fjórum stoðum, sem
aftur tvinnast saman í stefnu og
lífssýn framsóknarmanna. Fyrsta
stoðin er fyrrnefnd alþjóðleg
frjálslynd hugmyndafræði, önnur
er manngildishugsjónin sem legg-
ur rækt við breytileika einstakling-
anna, sú þriðja er áherslan á
byggða- eða búsetujöfnun í landinu
og sú fjórða er þjóðrækni og rækt
við íslenska menningu.
Endalok stéttastjórnmála
Nú í upphafi nýrrar aldar, þegar
Framsóknarflokkurinn hefur starf-
að í hartnær 90 ár, er mikilvægt að
hnykkja enn frekar á gildum og
lífssýn flokksins. Um næstu helgi,
á 26. flokksþingi Framsóknar-
flokksins, verður grundvallarstefn-
an tekin til sérstakrar skoðunar.
Þá verður hugmyndafræði Fram-
sóknarflokksins staðfest í nokkrum
lykilsetningum sem verða væntan-
lega tíu talsins.
Stjórnmálaflokkunum er vissu-
lega nauðsyn að starfa eftir skýr-
um grunngildum ætli þeir að lifa af
breytingar og hræringar þjóð-
félags og umheimsins á hverjum
tíma. Framsóknarflokknum hefur
tekist það. Hann hefur ekki þurft
eins og A-flokkarnir sálugu að
skipta um nafn og kennitölu vegna
margvíslegs fortíðarvanda. Um
helgina ætla um 550 þingfulltrúar
að skerpa á stjórnmálasýn sinni og
staðsetja Framsóknarflokkinn enn
rækilegar í litrófi íslenskra stjórn-
mála. Hugmyndafræði hans á ekki
síður erindi til 21. aldarinnar en
þeirrar síðustu. Helsta breytingin
nú er sú að stéttastjórnmál eru lið-
in undir lok. Í dag takast á þeir
sem vilja sífellt vinna að endur-
skoðun og breytingum og þeir hin-
ir íhaldssömu sem halda að sér
höndum og eru tregir til breytinga.
Framsóknarflokkurinn starfar
vissulega í anda þeirra fyrrnefndu,
en Sjálfstæðisflokkurinn á meiri
samleið með þeim síðarnefndu og á
suman hátt einnig Vinstri-grænir,
sem gera beinlínis út á hræðsluna
við breytingar. Þessar nýju átaka-
línur stjórnmálanna sáust einkar
glöggt í forsetakosningunum í
Bandaríkjunum, þar sem demó-
kratar héldu kyndli frjálslyndis á
lofti, gegn repúblikönum, sem boð-
uðu klassísk íhaldsgildi. Erlendar
hræringar í stjórnmálum rekur um
síðir á fjörur okkar. Að halda öðru
fram er barnaskapur.
Framsóknarflokkurinn –
elstur flokka, en þó síungur
Einar
Sveinbjörnsson
Flokksþing
Stéttastjórnmál, segir
Einar Sveinbjörnsson,
eru liðin undir lok.
Höfundur er bæjarfulltrúi Fram-
sóknarflokksins í Garðabæ og að-
stoðarmaður umhverfisráðherra.