Morgunblaðið - 15.03.2001, Page 54

Anonymous
Þau Marlon Lee Úlfur Pollock og Tanja Lind Pollock kalla sig
Anonymous. Marlon, sem fæddur er 1982, leikur á hljómborð,
en Tanja, fædd 1981, raddar og leikur einnig á hljómborð. Þau
leika raftónlist og eru úr Reykjavík og af Seltjarnarnesi.
Coral
Coral er reykvísk sveit skipuð Gunnari Jóns-
syni gítarleikara og söngvara, Steinari Guð-
jónssyni gítaraleikara, Andrési A. Hlynssyni
bassaleikara og Þorvaldi K. Sigurðssyni
trommuleikara. Þeir félagar leika gruggrokk
og eru á aldrinum frá sauján til fjórtán ára.
MÚSÍKTILRAUNIR Tónabæjar, hljóm-
sveitakeppni bílskúrssveita, hefjast í dag,
nítjándu tilraunirnar frá því fyrsta keppnin
fór fram 1982. Keppnin er ætluð bílskúrs-
hljómsveitum hvaðanæva að, en hljómsveit-
irnar leika þrjú frumsamin lög hver í von um
að hreppa hljóðverstíma að launum.
Fjölmargar hljómsveitir hafa stigið fyrstu
skref sín á sviði í Músíktilraunum, en nærfellt
sjöhundruð hljómsveitir hafa tekið þátt í
keppninni til þessa, og allmargar hafa gert sér
góðan mat úr þátttökunni, komið sér á fram-
færi í kjölfarið, gefið út plötur og jafnvel náð
að hasla sér völl erlendis. Með tímanum hefur
tilraununum vaxið fiskur um hrygg og fyrir
nokkrum árum var tilraunakvöldunum fjölgað
til að koma sem flestum að. Að þessu sinni eru
þrjátíu hljómsveitir skráðar til keppni.
Fyrsta tilraunakvöldið verður í kvöld, ann-
að tilraunakvöldið fimmtudaginn 22. mars nk.,
þriðja föstudaginn 23. og fjórða og síðasta til-
raunakvöldið verður 29. mars. Úrslitakvöld
Músíktilrauna 2001 verður svo 30. mars næst-
komandi.
Músíktilraunirnar gefa ágæta mynd af því
hvaða tónlist er efst á baugi hjá ungmennum
landsins hverju sinni og oftar en ekki er það
tónlist sem lítið eða ekkert heyrist í útvarpi.
1982 sigraði Danshljómsveit Reykjavíkur og
nágrennis, 1983 Dúkkulísur, 1985 Gipsy, 1986
Greifarnir, 1987 Stuðkompaníið, Jójó 1988,
Laglausir 1989, Nabblastrengir 1990, Infus-
oria 1991, Kolrassa krókríðandi 1992, Yukat-
an 1993, Maus 1994, Botnleðja 1995, Stjörnu-
kisi 1996, Soðin fiðla 1997, Stæner 1998, 1999
Mínus og í síðustu tilraunum urðu þau tíðindi
að fyrsta rappsveitin sigraði í Músíktilraun-
um, 110 Rottweilerhundar, sem heita nú
reyndar XXX Rottweilerhundar.
Fyrir sigur í Músíktilraunum fást jafnan
hljóðverstímar. Að þessu sinni hreppir sig-
ursveitin 28 hljóðverstíma í Sýrlandi sem
Skífan gefur. Sú sveit sem hreppir annað sæti
fær 28 tíma í Grjótnámunni sem Spor gefur.
Geimsteinn gefur efnilegustu hljómsveitinni
25 hljóðverstíma, Tónabúðin og Tónastöðin
verðlauna söngvara, Tónabúðin þann besta
með Shure-hljóðnema og Tónastöðin þann
efnilegasta með Sennheiser-hljóðnema. Hljóð-
færahús Reykjavíkur gefur besta bassaleik-
aranum gjafabréf og besta hljómborðsleikar-
anum, Samspil gefur besta trommuleik-
aranum vöruúttekt, Rín besta gítarleik-
aranum gjafabréf, en sá fær líka gjafabréf frá
Tónastöðinni. Japís gefur sigursveitunum
geisladiska og verðlaunar besta rapparann
með gjafabréfi. Tölvumenn fá verðlaun líka, sá
besti fær dag í hljóðveri Thule-útgáfunnar,
hljóðkort frá Nýherja og gjafabréf frá Tóna-
stöðinni.
Rás 2 sendir út úrslitakvöldið og leggur til
kynni öll kvöldin, Ólaf Pál Gunnarsson. Jón
Skuggi Steinþórsson sér um hljóm á tilraun-
unum, en hljóðkerfið er frá Marteini.
Styrktaraðilar Músíktilrauna eru auk þeirra
sem leggja til verðlaun: Hard Rock Café, Víf-
ilfell, Domino’s Pizza, Flugfélag Íslands, Ís-
landsflug, Rás 2 og Nings.
Gestasveitir leika fyrir tilraunagesti áður en
keppnissveitirnar byrja hvert kvöld og síðan á
meðan atkvæði eru talin í lokin. Í kvöld leika
hljómsveitirnar Sofandi og Botnleðja, en báð-
ar sveitirnar tóku þátt í Músíktilraunum á sín-
um tíma og Botnleðja sigraði fyrir sex árum
eins og getið er að ofan.
Músíktilraunir
á nýjum stað
Músíktilraunir,
hljómsveitakeppni
Tónabæjar, hefst í kvöld.
Árni Matthíasson segir
frá tilraununum, sem
eru haldnar í nýjum
Tónabæ að þessu sinni.
Desibel
Rokksveitina Desibel skipa Gunnar „Kasper“ Pétursson söngvari, Pétur Daníel Pétursson
trommuleikari, Freyr Garðarsson gítarleikari og Gauti Kristjánsson bassaleikari. Þeir leika
frekar þungt rokk eins og nafnið gefur til kynna, en meðalaldur þeirra er rúm sextán ár.
Morgunblaðið/Golli
Mictian
Svartþungarokksveitin Mictian er úr Reykjavík og Kópavogi. Hljómsveitarmeðlimir eru Kristján
Einar Guðmundsson trommuleikari, Guðmundur Helgi Helgason gítarleikari, Erling Orri Bald-
ursson bassaleikari, Örn Erlingsson söngvari, Atli Freyr Víðisson hljómborðsleikari og Bjarni
Rúnar Hallsson gítarleikari. Þeir félagar eru innan við tvítugt nema Bjarni sem er hálfþrítugur.
Noise
Noise heitir tríó úr Reykjavík, skipað þeim Einari Vilberg Ein-
arssyni gítarleikara og söngvara, Stefáni Vilberg Einarssyni
bassaleikara og Hálfdáni Helga Harðarsyni trommuleikara.
Þeir eru allir á sautjánda ári og leika Seattle-rokk.
Rítalín
Rítalín skipa Snæbjörn Eyjólfsson og Kristinn Guðmundsson
söngvarar, Hjörtur Stefánsson gítarleikari, Stefán P. Viðars-
son trommuleikari og Sigurbjörn Guðmundsson bassaleikari.
Þeir eru frá 23 ára til tvítugs og leika rokk.
Filius
Jupiter!
Filius Jupiter! er dúett
þeirra Ragnars Péturs-
sonar og Bjarka Gunn-
arssonar sem báðir nýta
sér tölvur við tónsköp-
un. Tónlistina segja þeir
einfaldlega tölvutónlist.
Ragnar er á átjánda ári
en Bjarki því nítjánda.
MÚSÍKTILRAUNIR
54 FIMMTUDAGUR 15. MARS 2001 MORGUNBLAÐIÐ