Morgunblaðið - 28.04.2001, Page 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 28. APRÍL 2001 VERÐ Í LAUSASÖLU 165 KR. MEÐ VSK.
ELDUR kom upp í húsnæði Ís-
lenskra matvæla við Hvaleyrarbraut í
Hafnarfirði síðdegis í gær þegar þrír
starfsmenn voru við störf, en þeir
komust út úr húsinu án þess að hljóta
meiðsli. Snorri Finnlaugsson, fram-
kvæmdastjóri fyrirtækisins, sagði
ljóst að mikið tjón hefði orðið í brun-
anum og það væri ekki undir 100
milljónum króna. Hann sagði þó fyrir
öllu að enginn hefði slasast í brunan-
um.
Einn af starfsmönnunum þremur
tilkynnti Neyðarlínunni um eldinn
klukkan 17.26 og var slökkvilið höfuð-
borgarsvæðisins (SHS) komið á stað-
inn um 10 mínútum síðar.
Bjarni Kjartansson, sem stjórnaði
aðgerðum SHS á staðnum, sagði að
mikill eldur og reykur hefði verið í
húsinu sem hefði gert slökkviliðs-
mönnum erfitt fyrir og að baráttan
við eldinn hefði tekið tæpar þrjár
klukkustundir.
Snorri sagðist ekki geta sagt hvaða
afleiðingar bruninn myndi hafa fyrir
starfsemina, það væri alltof snemmt
að segja nokkuð um það. Hann sagð-
ist telja að eldurinn hefði komið upp í
reykofni í norðausturhluta hússins en
rannsókn brunans er í höndum lög-
reglunnar í Hafnarfirði.
Íslensk matvæli, sem nú eru að
fullu í eigu Pharmaco, hafa verið til
húsa á Hvaleyrarbrautinni allt frá
stofnun fyrirtækisins árið 1976, en
húsið var byggt árið 1964. Verksmiðj-
an er um 1.100 fermetrar og hefur þar
farið fram framleiðsla á reyktum laxi
og ýmsum síldarvörum.
Morgunblaðið/Þorkell
Það tók slökkvilið höfuðborgarsvæðisins tæpar þrjár klukkustundir að ráða niðurlögum eldsins í húsnæði Íslenskra matvæla í Hafnarfirði.
Eldur kom upp í húsnæði Íslenskra matvæla á Hvaleyrarbraut í Hafnarfirði
Tjónið ekki und-
ir hundrað millj-
ónum króna
 Á þriðja/6
HEILDARBROTTKAST á fiski á
ársgrundvelli er samkvæmt skoð-
anakönnun, sem Gallup hefur gert á
meðal sjómanna, metið tæplega 37
þúsund tonn. Þar af má gera ráð fyr-
ir að brottkast á bolfiski sé tæplega
25.600 tonn. Ætla má að útflutnings-
verðmæti þess afla sem hent er í haf-
ið árlega, samkvæmt könnuninni,
geti numið 3-5 milljörðum króna.
Ætla má að brottkast á bolfiski sé
árlega á bilinu 25-30 þúsund tonn.
Þar af má áætla að um 15 þúsund
tonnum af þorski sé hent í hafið á
hverju ári og um 5 þúsund tonnum af
ýsu. Meirihluti svarenda í könnun-
inni segir að brottkast hafi annað-
hvort minnkað eða staðið í stað en
um 36% segja að brottkast hafi auk-
ist. Þá vekur athygli að ríflega 58%
svarenda telja að brottkast sé mest
stundað á Vestfjarðamiðum. Þannig
nefndu tæplega 47% svarenda Vest-
firði þegar þeir voru beðnir að nefna
þau mið þar sem þeir telja að brott-
kast sé mest stundað. Tæplega
fimmtungur nefndi Vesturland, tæp-
lega 18% Norðurland og svipað hlut-
fall nefndi Suðurland.
5,9 tonnum hent að
meðaltali í veiðiferð
Að jafnaði var liðlega 10% af heild-
arafla hent, samkvæmt þeim sem
urðu varir við brottkast í síðustu
veiðiferð en þeir greina að meðaltali
frá því að 5,9 tonnum hafi verið hent.
Tæplega 39% sjómanna telja að
lítið verðmæti fisks sé helsta ástæða
brottkasts. Tæplega 31% kennir
þröngri kvótastöðu eða kvótaleysi
helst um brottkast en ríflega fimmt-
ungur nefnir kvótakerfið sem helsta
brottkastsvaldinn.
Árni M. Mathiesen, sjávarútvegs-
ráðherra, segir að nefndirnar tvær
sem stóðu fyrir könnununum muni
væntanlega leggja til laga- og reglu-
gerðarbreytingar eða breytingar á
vinnuaðferðum til að minnka brott-
kast eða helst koma alveg í veg fyrir
það, enda ljóst að brottkast á fiski sé
siðferðilega óviðunandi og efnahags-
lega óhagkvæmt. Hann segir að ekki
sé tilgangurinn með þessum athug-
unum að leita að blórabögglum, held-
ur að ná utan um umfang brottkasts-
ins. Hann varaði við því að draga þá
ályktun af könnuninni að brottkast
væri bein afleiðing kvótakerfisins og
sagði að brottkast væri vandamál í
öllum tegundum fiskveiðistjórnunar-
kerfa.
Tæpum 37 þúsund tonnum af fiski hent árlega
Verðmætið 3–5
milljarðar króna
 37 þúsund tonnum/34–35
MENNTAMÁLARÁÐHERRA
vinnur að því að undirbúa sam-
ræmd próf á framhaldsskólastigi
til að unnt verði að meta árangur í
námi milli einstakra skóla. Sam-
kvæmt framhaldsskólalögum ber
að efna til slíkra prófa, en stúd-
entspróf hafa sama gildi án tillits
til þess við hvaða skóla þau eru
tekin.
„Ef það er rétt að nemendur séu
misvel í stakk búnir til að takast á
við háskólanám eftir því úr hvaða
framhaldsskóla þeir koma hafa
nemendur ekki tryggingu fyrir því,
að stúdentspróf sé sambærilegt á
milli skóla og því er mikils virði að
prófað sé með samræmdum hætti í
tilteknum greinum,“ segir Björn
Bjarnason menntamálaráðherra í
samtali við Morgunblaðið. Hug-
myndir um samræmd próf í fram-
haldsskólum hafa enn ekki verið
fullmótaðar en menntamálaráðu-
neytið heldur á næstunni málþing
um þetta efni með sérfræðingum í
menntamálum. „Eftir það munum
við láta frekar frá okkur heyra um
það hvernig við teljum skynsam-
legast að standa að samræmdum
prófum á framhaldsskólastigi til
þess að tryggja nemendum sam-
ræmdan mælikvarða á gæði náms
en án þess að eyðileggja hinn
mikla sveigjanleika sem er einn
helsti styrkur íslenska skólakerf-
isins.“
Samræmd
próf í fram-
haldsskólum
 Ísland/32
LÖGREGLUNNI á Selfossi var til-
kynnt í gærkvöld um innbrot í að
minnsta kosti sex sumarbústaði í
landi Úthlíðar í Biskupstungum. Að
sögn lögreglu virðist sem innbrotin
hafi átt sér stað í vikunni og upp-
götvast þegar fólk kom þangað til
helgardvalar. Tjón lá ekki fyrir í
gærkvöld en rannsókn var hafin á
innbrotunum. Vitað var að sjón-
varps- og hljómflutningstækjum
hafði verið stolið í einhverjum tilvik-
um.
Þá var slökkviliðið á Selfossi kall-
að út í tvígang með skömmu millibili
í gærkvöld en betur fór en á horfðist
í báðum tilvikum. Í fyrra skiptið var
farið að sumarbústað í Þrastarskógi
en þá hafði húsráðanda tekist að
slökkva eld sem braust út þegar
skipt var um gaskút.
Í seinna skiptið var slökkvilið kall-
að út vegna elds í blokkaríbúð á Sel-
fossi. Þar hafði kviknað í út frá potti
á eldavél og húsráðandi yfirgefið
íbúðina. Nágrannar höfðu ráðið nið-
urlögum eldsins að mestu þegar
slökkviliðið kom og fór þar fremstur
í flokki slökkviliðsmaður sem býr í
sömu blokk. Reykskemmdir urðu
nokkrar í íbúðinni en hrossakjöt,
sem var í pottinum, var ekki ætt.
Innbrotaalda í sumar-
bústaði í Úthlíð