Morgunblaðið - 08.05.2001, Síða 16

FRÉTTIR
16 ÞRIÐJUDAGUR 8. MAÍ 2001 MORGUNBLAÐIÐ
KONUR birtast í um 30% af út-
sendu efni á fréttatímum í sjónvarpi
og talað mál kvenna er þar um 15%
á móti 85% talaðs máls karla. Þetta
er meðal þess sem kemur fram í
niðurstöðum skýrslu nefndar um
konur og fjölmiðla. Þá er mun
meira fjallað um karla en konur í
fréttum og blaðagreinum dagblaða
og karlar eru mun oftar tilefni
frétta en konur. Í rannsókn nefnd-
arinnar á efni dagblaða kom í ljós
að meirihluti frétta og blaðageina er
án kynjaslagsíðu, þ.e. annars vegar
er ekki hægt að sjá af skrifunum
hvort þau séu unnin af karli eða
konu og hins vegar er efni fréttar-
innar ekki annaðhvort um karl eða
konu. Þá kemur fram að það sé
einkum í málaflokkum eins og
minningargreinum og slúðurfrétt-
um þar sem konur fá tiltölulega
mesta umfjöllun.
Í könnun meðal blaða- og frétta-
kvenna kom fram að flestar væru
þær sáttar við störf sín. Ekki var
unnt að gera samanburð við blaða-
og fréttamenn þar sem svarhlutfall
þeirra var of lítið. Um 70%
kvennanna sögðust hafa hug á að ná
lengra í starfi og 28% töldu sig hafa
orðið fyrir mismunun í starfi vegna
kynferðis. Þá sögðu 60% að þær
teldu stöðu kvenna á íslenskum fjöl-
miðlum vera verri en stöðu karla.
Kvennasviðum sýndur
lítill áhugi
Í skýrslunni er vitnað í niðurstöð-
ur evrópskrar rannsóknar þar sem
fram kemur að fjölmiðlar sýni þeim
sviðum þar sem konur eru í for-
grunni lítinn áhuga. Þá telji átaks-
verkefnahópur Evrópusambandsins
um konur og fjölmiðla að hefð-
bundnar starfsáherslur eða mat á
því hvernig tekið skuli á málum
ekki vera hlutlaust.
Þorgerður Katrín Gunnarsdóttir,
formaður nefndar um konur og fjöl-
miðla, segir að störfum nefndarinn-
ar sé ekki lokið. Menntamálaráð-
herra hafa verið kynntar niður-
stöður skýrslunnar og á næstu dög-
um verða fjölmiðlafólki kynntar
þær á vinnustöðunum.
Nefndin leggur fram ákveðnar
tillögur til úrbóta í þremur liðum:
Reynt verði að efla vitund fjölmiðla-
fólks, fræðsla í skólum verði aukin
og upplýsingum verði komið á fram-
færi við almenning.
Karlar mun oft-
ar tilefni frétta
en konur
EIÐUR Guðnason sendiherra var í
Manitoba í Kanada nýlega og átti m.a.
fund á Gimli með Kanadamönnum af
íslenskum uppruna þar sem rætt var
um möguleika á auknum viðskipta-
tengslum Íslands og Kanada og þá
einkum Manitoba.
Eiður Guðnason tekur í ágúst nk.
við af Svavari Gestssyni sem aðalræð-
ismaður Íslands í Winnipeg en verk-
efni hans verða einkum að efla og
treysta menningarsamskiptin við
Vestur-Íslendinga og auka viðskipta-
tengsl Íslands við mið- og vesturfylk-
in í Kanada, Manitoba, Saskatchew-
an, Alberta og Bresku-Kolumbíu í
samvinnu við íslenska sendiráðið í
Ottawa og utanríkisráðuneytið.
Á umræddum fundi kom fram hjá
Neil Bardal, kjörræðismanni Íslands
í Manitoba, að hann og fleiri hefðu
áhuga á að fá sérfræðinga frá Íslandi
til að kynna sér fiskveiðar á Winni-
peg-vatni og kanna möguleika á sam-
vinnu í fisksölumálum, ekki síst til að
bregðast við brottkasti fiskimann-
anna. Hann sagði að fyrirhuguð för
forsætisráðherra Manitoba ásamt
viðskiptanefnd til Íslands í haust
sýndi áhuga ráðherra á viðskiptum
við Íslands og ástæða væri til að
kanna hvað hægt væri að gera frekar
í viðskiptum þjóðanna.
Eiður sagði að gaman hefði verið að
hitta allt þetta fólk sem hefur áhuga á
auknum samskiptum við Ísland og Ís-
lendinga, bæði á sviði menningarmála
og að því er varðar viðskipti. Áreið-
anlega væru margvíslegir möguleikar
í þeim efnum og byrjað væri að ræða
mál tengd fiski. Samkvæmt fyrirliggj-
andi upplýsingum væri verulegt
brottkast á Winnipeg-vatni, á tegund-
um sem ekki hafa verið nýttar en
hugsanlega mætti nýta. Ef Íslending-
ar gætu gefið ráðleggingar á ein-
hverju sviði þá væri það á sviði fisk-
veiða og fiskvinnslu. Því væri ekki
ólíklegt að þar gæti orðið samstarf
sem yrði til góðs. Hins vegar bæri að
vara við því að hafa allt of miklar
væntingar. Íslensk fyrirtæki hefðu
verið að koma undir sig fótunum í
Kanada og verðlag væri einkar hag-
stætt miðað við það sem Íslendingar
þekktu. „Mér sýnist að það sé ákaf-
lega margt hér sem er þess virði að
það sé kannað nánar, hvort sem það
leiðir til einhvers eða ekki, en ég held
að svo sé,“ sagði Eiður.
Sendiherrann nefndi að rætt hefði
verið um aukinn ferðamannastraum
frá Íslandi. Í því sambandi sagði hann
að hann héldi að Vestur-Íslendingar
hefðu verið duglegri við að heimsækja
Ísland en Íslendingar þá. Hann sagð-
ist sannfærður um að þar sem vel
flestir Íslendingar ættu ættingja í
Vesturheimi mætti með mjög góðum
árangri skipuleggja ferðir til Mani-
toba í meira mæli en gert hefði verið
fram að þessu. Það væri mikil lífs-
reynsla að kynnast umhverfinu og-
menningararfinum sem væri hluti af
íslenska menningararfinum.
„Þetta fólk er okkur auðlind og við
eigum að geta verið því auðlind,“
sagði Eiður og bætti við að fyrir
skömmu hefði hann komist að því að
hann ætti ættingja vestra og sjálfsagt
væri svo með fleiri.
Að sögn Eiðs var heimsókn hans og
Eyglóar Helgu Haraldsdóttur, eigin-
konu hans, mjög gagnleg og hann
þakkaði Svavari Gestssyni og Guð-
rúnu Ágústsdóttur, eiginkonu hans,
fyrir skipulagninguna. „Við Eygló
hyggjum gott til þess að koma hingað
aftur og starfa með þessu ágæta fólki
sem hér er, en það var líka mjög mik-
ilvægt að sækja þing Þjóðræknis-
félagsins í Vancouver og hitta þar fólk
frá öllum Íslendingabyggðum.“
Kannar viðskipta-
möguleika í Manitoba
Ljósmynd/Jón Einarsson Gústafsson
Sendiherrar með eiginkonum og kjörræðismanni á Gimli. Frá vinstri: Neil Bardal, Eiður Guðnason, Eygló
Helga Haraldsdóttir, Guðrún Ágústsdóttir og Svavar Gestsson.
ÞÚSUNDIR manna lögðu leið sína
á laugardaginn á Keflavíkur-
flugvöll þar sem starfsmenn varn-
arliðsins stóðu fyrir opnu hús fyr-
ir gesti og gangandi í tilefni af því
að fimmtíu ár eru liðin frá gerð
varnarsamnings Íslands og Banda-
ríkjanna. Þar gafst fólki m.a. kost-
ur á að kynnst lífinu og starfinu á
Keflavíkurflugvelli og sögu varn-
arliðsins í máli og myndum.
Seinnipart dagsins hélt David
Architzel, aðmíráll og yfirmaður
varnarliðsins, athöfn fyrir boðs-
gesti, þar sem m.a. nokkrir starfs-
menn varnarliðsins, sem starfað
hafa samfleytt hjá varnarliðinu
frá 1951, voru heiðraðir.
Halldór Ásgrímsson utanríkis-
ráðherra og William Kernan,
hershöfðingi og yfirmaður Atl-
antshafsherstjórnar NATO, af-
hentu þeim Helga Jakobssyni,
Jóni Þorsteinssyni, Kristjáni Júl-
íussyni, Arnóri B. Jóhannessyni
og John A. Woods viðurkenning-
arskjöl fyrir störf þeirra í þágu
varnarliðsins í hálfa öld.
Fjölmenni á
opnu húsi hjá
varnarliðinu
Ljósmynd/Hilmar Bragi Bárðarson
Fimm starfsmenn voru heiðraðir fyrir störf í þágu varnarliðsins frá 1951, en það voru þeir Helgi Jakobsson,
John A. Woods, Jón Þorsteinsson, Kristján Júlíusson og Arnór B. Jóhannesson.
Morgunblaðið/Ómar
Varnarliðsmenn máluðu krakkana með ekta stríðsmálningu.
HÁSKÓLINN í Manchester
mun næstkomandi miðvikudag
gera forseta Íslands, Ólaf Ragn-
ar Grímsson, að heiðursdoktor í
lögum á hátíðarsamkomu sem
haldin er vegna 150 ára afmælis
háskólans.
Meðan á dvöl forsetans í
Manchester stendur mun hann
einnig hitta Íslendinga sem bú-
settir eru í borginni og nágrenni
hennar og heimsækja íslensk
fyrirtæki sem eiga starfsvöll
þar.
Fimmtudaginn 10. maí tekur
forsetinn þátt í ráðstefnu um
málefni upplýsingaiðnaðar sem
Útflutningsráð og Nýsköpunar-
sjóður atvinnulífsins efna til í
Lundúnum með þátttöku ís-
lenskra hugbúnaðarfyrirtækja,
íslenskra og breskra fjárfesta.
Þar flytur forseti ávarp og tek-
ur þátt í umræðum.
Forseti Íslands heiðurs-
doktor í Manchester
RÚMLEGA 36% kjósenda segj-
ast ánægð með störf stjórnar-
andstöðunnar, rösklega 31% er
hvorki ánægt né óánægt og
tæplega 33% eru óánægð, að því
er fram kemur í könnun Gallup
um álit kjósenda á störfum
stjórnarandstöðunnar. Þetta er
heldur meiri ánægja en þegar
síðast var gerð könnun í nóv-
ember 1999. Ánægjan er mest
hjá yngsta hópnum en hópurinn
55–75 ára er óánægðastur og
fleiri karlar en konur eru
óánægðir með störf stjórnar-
andstöðunnar.
Íbúar í kjördæmum á Norður-
landi eru ánægðari með störf
stjórnarandstöðunnar en aðrir
íbúar og íbúar í Suðvesturkjör-
dæmi eru óánægðastir. Rúm-
lega helmingur stuðningsmanna
Samfylkingar og Vinstri-grænna
er ánægður með störf sinna
manna á Alþingi en um fjórð-
ungur þeirra er óánægður.
Aukin ánægja með störf
stjórnarandstöðunnar