Morgunblaðið - 08.05.2001, Side 34

LISTIR
34 ÞRIÐJUDAGUR 8. MAÍ 2001 MORGUNBLAÐIÐ
LONDON er borg sem margir
sækja heim gagngert til að njóta list-
viðburða sem þar eru í gangi. En það
má líka láta slag standa í annars kon-
ar ferðum til Lundúna og skreppa á
sýningar og tónleika án þess að það
sé skipulagt langt fram í tímann.
Einn vinsælasti dvalarstaður Íslend-
inga í London er hótelið Clifton Ford
á 47 Welbeck Street. Handan við
næsta horn er Wigmore Street með
hinum fræga tónleikasal Wigmore
Hall. Varla er nema um tveggja mín-
útna gangur frá hótelinu að tónleika-
salnum. Í Wigmore Hall eru tón-
leikar daglega, og oftar en ekki með
bestu listamönnum og alþjóðlegum
stjörnum í tónlistarheiminum. Á
fimmtudagskvöld lék þar sellóleikar-
inn Jiri Barta frá Tékklandi, en
gagnrýnendur hafa hlaðið hann lofi á
síðustu árum og líkt honum við
mestu meistara sellósins og víst má
telja að margir hafi viljað heyra
hann. Sama má segja um tónleika
eins af fremstu strengjakvartettum
heims, Janácek-kvartettsins, sem lék
á sunnudag í Wigmore Hall ljúflings-
verk eftir Dvorák og Smetana.
Sir Thomas og
Menahem Pressler
Söngtónleikagestir hér muna
sjálfsagt margir eftir frábærum tón-
leikum Thomasar Allens og Rogers
Vignoles í Íslensku óperunni fyrir
nokkrum árum. Thomas Allen, sem
nú er Sir Thomas, syngur í Wigmore
Hall 14. maí, með einum þekktasta
píanóleikara nútímans, Graham
Johnson. Prógramm þeirra verður
ekki af verri endanum, en þeir flytja
eingöngu lög eftir Mozart og Beet-
hoven. Þegar er uppselt á píanótón-
leika Mariu João Pires 16. maí, en
Wigmore Hall auglýsir þó að ósóttar
pantanir verði seldar samdægurs
vilji einhverjir freista þess að heyra
þennan frábæra píanista spila Schu-
bert og Beethoven. Enn aðrir risar í
kammermúsíkinni verða með tón-
leika 19. og 21. maí, en það er Orph-
eus-kvartettinn og píanóleikarinn
Menahem Pressler, sem best er
þekktur sem píanóleikari Beaux
arts-tríósins. 22. maí leikur píanó-
leikarinn Angela Hewitt Goldberg-
tilbrigðin eftir Bach. Í fyrra kom út
geisladiskur með leik hennar á þessu
meistaraverki Bachs. Gagnrýnandi
Sunday Times hafði þá stór orð um
frábæran leik hennar, og sagði meðal
annars, að ef fólk ætlaði bara að eiga
einn disk með verkum Bachs ætti
það að eiga þennan; þetta væri algjör
„eyðieyjar“-diskur. 27. maí verður
Fílharmóníukvartettinn í Berlín
gestur í Wigmore Hall og leikur
kvartetta eftir Sjostakovitsj og
Beethoven, og strax næsta dag, 28.
maí, verður þar á sviði einn mesti
baritónsöngvari samtíðarinnar, Olaf
Bär, en með honum leikur Melvyn
Tan, sem komið hefur hingað til
lands að leika með Sinfóníuhljóm-
sveit Íslands. Þeir flytja eingöngu
ljóðasöngva eftir Schumann.
Fimmtudaginn 31. maí leikur
Listahátíðargesturinn András Schiff
með félögum úr Kammersveit Evr-
ópu verk eftir Haydn, Mozart og
Schubert.
Þeir sem vilja bregða sér á óperu í
London þessa dagana eiga ýmissa
góðra kosta völ. Nú standa yfir í
Konunglegu óperunni í Covent
Garden sýningar á Otello eftir Verdi
með José Cura, Amöndu Roocroft og
Alexandru Agache í hlutverkum
Ótellós, Desdemónu og Jagós, en
José Cura er einn áhugaverðasti
söngvari af yngri kynslóðinni í dag
og þykir líklegur til talsverðra af-
reka í framtíðinni. Honum hefur ver-
ið líkt við Placido Domingo og spáð
viðlíka velgengni, bæði sem söngv-
ara og hljómsveitarstjóra. Ný upp-
færsla á Spaðadrottningunni eftir
Tsjaíkovskíj ætti líka að kæta óperu-
unnendur. Meðal stórstjarna í þeirri
uppfærslu eru finnska sópransöng-
konan Karita Mattila, rússneski ten-
orinn Vladimir Galouzine og landi
hans, baritónsöngvarinn Dmitri
Hvorostovsky sem söng sig inn í
hjörtu Íslendinga á Listahátíð fyrir
nokkrum árum. Hvorostovsky er
líka í hlutverki Germonts eldri í La
traviötu, en með honum þar eru tvær
rísandi stjörnur, búlgarski sópran-
inn Darina Takova sem syngur hlut-
verk Víólettu og ítalski tenórinn
Giuseppe Filianoti í hlutverki
Alfredos. Dansáhugafólk á svo kost á
annars vegar hinum klassíska ballett
Giselle, og hins vegar þremur ball-
ettum eftir Stravinskíj, Eldfuglinum,
Agon og Brúðkaupinu, sem sýndir
eru saman. Í maílok verður svo frum-
sýnd í Covent Garden ópera Mozarts
Brottnámið úr kvennabúrinu.
Tónleikar og óperusýningar í London í maí
Allen, Cura og Hvor-
ostovsky í sviðsljósinu
Graham
Johnson
José
Cura
Thomas
Allen
BÓK Þorvalds
Þorsteinssonar,
Ég heiti Blíð-
finnur en þú
mátt kalla mig
Bóbó, verður
gefin út í Grikk-
landi á næsta
ári. Það er
stærsta bókafor-
lag Grikklands,
Psichogios publi-
cations, sem ætlar að gefa bókina
út. Þetta sama útgáfufyrirtæki
gefur út Harry Potter á grísku.
Ekki er vitað til þess að áður hafi
komið út íslensk barnabók í Grikk-
landi.
Bókin Ég heiti Blíðfinnur en þú
mátt kalla mig Bóbó fékk verðlaun
Fræðsluráðs Reykjavíkur þegar
hún kom út.
Á síðasta ári kom svo út fram-
hald sögunnar um Blíðfinn, Ert þú
Blíðfinnur? ég er með mikilvæg
skilaboð, sem var valin besta
barnabók ársins af starfsfólki
bókabúða.
Blíðfinnur kemur
út í Grikklandi
Þorvaldur
Þorsteinsson
BLÁSARAKVINTETT Reykjavík-
ur er nýkominn úr tónleikaferð til
Skotlands. Kvintettinn hélt fimm
tónleika; í Glasgow, Edinborg og
Inverness. Á tónleikunum frum-
flutti kvintettinn verkið The Nam-
ing of Birds, eftir eitt kunnasta og
virtasta tónskáld Skota í dag, Sally
Beamish. Blásarakvintettinn pant-
aði verkið hjá Beamish, og fékk
styrk til þess hjá menntamálaráðu-
neytinu. Verkið er byggt á óratoríu
sem Beamish er með í smíðum. Hún
verður frumflutt á Promshátíðinni í
London í sumar og er beðið með
mikilli eftirvæntingu.
Aðaltónleikar ferðarinnar voru í
Konunglegu tónlistarakademíunni í
Glasgow. Í umfjöllun í Glasgow
Herald fer gagnrýnandinn Michael
Tumelty afar lofsamlegum orðum
um verk Beamish og leik Blásara-
kvintettsins.
„Með nýjasta verki sínu hefur
Sally Beamish dregið upp úr hatti
sínum sannkallaðan smell. Þótt
verkið sé byggt á óratoríunni The
Knotgrass Elegy, sem hún er með í
smíðum, stendur kvintettinn al-
gjörlega fyrir sínu sem sjálfstætt
verk, og ég er sannfærður um, að
það mun strax komast í tölu stand-
ard verka fyrir blásarakvintett.
Þetta er stutt verk; fimm smámynd-
ir af fuglum, og hver þeirra kynnt
af einu hljóðfæri kvintettsins. Þótt
þetta kunni að hljóma einfalt er
snilld verksins mun dýpri en svo að
hér sé um einskært fuglakvak að
ræða. Sally Beamish hefur skapað
fimm dásamlega vel samdar æfing-
ar, hverja með sitt svipmót, byggð-
ar á eðli hljóðfæranna fimm, en það
var þó ekki einungis tónmál aðal-
hljóðfæris hvers þáttar sem var
snilldarlega útfært, heildur einnig
vefur hinna hljóðfæranna fjögurra
sem var vandlega saminn. Leikur
kvintettsins var jafnóaðfinnanlega
ofinn og verkið sjálft.“ Gagnrýn-
andinn fjallar ennfremur um túlkun
Blásarakvintetts Reykjavíkur á
kvintett Mozarts fyrir píanó og
fjóra blásara, og sextett eftir Poul-
enc fyrir píanó og blásarakvintett,
en í þeim verkum lék Philip Jenkins
með hópnum. „Leikur kvintettsins í
verki Mozarts var munúðarfullur
og tjáningarríkur og stundum
djarflega hægur meðan flutning-
urinn á Sextett eftir Poulenc var
gáskafullur, þar sem flytjendur
tvinnuðu smekklega saman höfund-
areinkenni Poulencs, fágun og
elegans, og óviðjafnanlega djarfan,
franskan glæsileika.“
Blásarakvintettinn fær lofsamlega dóma í Skotlandi
Snilldin
auðgar
fugla-
kvakið
Blásarakvintett Reykjavíkur í Skotlandi: Daði Kolbeinsson, Bernharður
Wilkinson, Philip Jenkins píanóleikari, Joseph Ognibene, tónskáldið,
Sally Beamish, Einar Jóhannesson og Hafsteinn Guðmundsson.
NÚ stendur yfir evrópsk tungu-
málahátíð á vegum Endurmenntun-
arstofnunar Háskóla Íslands undir
yfirskriftinni Babelsturninn. Hátíðin
er haldin í viku tungumálanáms inn-
an fullorðinsfræðslu og stendur yfir
til 11. maí.
Opið hús var í húsakynnum stofn-
unarinnar að Dunhaga 7 um síðast-
liðna helgi þar sem boðið var upp á
fjölbreytta menningardagskrá og
fræðslu. Hátíðin er liður í Evrópsku
tungumálaári 2001, en menntamála-
ráðuneytið sér um framkvæmd þess
hér á landi.
Síðdegis alla daga til 11. maí gefst
almenningi færi á tveggja stunda
ókeypis kynningarnámskeiði í evr-
ópskum tungumálum hjá Endur-
menntunarstofnun.
Morgunblaðið/Þorkell
Gunnar Torfason, Erla Aradóttir, Björn Bjarnason og Kristín Jóns-
dóttir á tungumálahátíðinni hjá Endurmenntunarstofnun um helgina.
Evrópsk tungu-
málahátíð hafin
MÖGULEIKHÚSIÐ verður
með 20 sýningar víðsvegar á
Norðurlandi og Vestfjörðum
með leikritið Lómu. Almennar
sýningar verða í dag, þriðju-
dag, í Tjarnarborg á Ólafsfirði
kl. 17.15 og á fimmtudag í sal
Borgarhólsskóla á Húsavík kl.
17.15, laugardaginn 12. maí í
Samkomuhúsi LA á Akureyri
kl. 14 og í Ungó á Dalvík kl.
17. Þá verða sýningar í leik-
skólanum Hlíðabóli á Akureyri
í dag, þriðjudag, kl. 10.30 og
14. Á morgun, miðvikudag,
verða sýningar í Pálmholti,
Akureyri, kl. 9, í grunnskól-
anum á Þelamörk kl. 11.10 og í
félagsheimilinu í Hrísey kl. 15.
Á fimmtudag, 10. maí, verða
sýningar í Árholti, Akureyri,
kl. 10 og í Krummakoti kl. 14.
Föstudaginn 11. maí kl. 8.30
verður sýning á Þórshöfn, kl.
13 í grunnskólanum í Lundi og
kl. 16 í Hnitbjörgum á Þórs-
höfn.
Á sunnudag verður sýning á
Hólmavík og mánudag og
þriðjudag m.a. tvær sýningar í
grunnskólanum á Ísafirði, sýn-
ing á Bolungarvík, Þingeyri og
víðar. Höfundur Lómu er Guð-
rún Ásmundsdóttir, leikstjóri
er Pétur Eggerz og leikarer
eru Aino Freyja Järvelä,
Bjarni Ingvarsson og Ingi-
björg Stefánsdóttir.
Lóma í
leikferð  KIRKJURITIÐ er komið út oger þetta fyrsta tbl. 67. árgangs. Í
ritinu ber hæst umfjöllun um sið-
fræði í sögulegu ljósi og í hag-
nýtum tilgangi.
Sr. Sigurjón Árni Eyjólfsson
ritar stutt yfirlit um sögu siðfræð-
innar og dr. Sigurður Kristinsson
heimspekingur fjallar um siða-
reglur Prestafélags Íslands.
Þar að auki eru ýmsar greinar
um kirkju og trú.
Sr. Gunnar Kristjánsson skrifar
um hlutverk prédikarans og sr.
Gunnar Björnsson segir frá rann-
sóknum sínum á fornum sálmalög-
um íslenskum. Sr. Auður Eir Vil-
hjálmsdóttir fjallar um málfar
kirkjunnar og Halla Jónsdóttir
veltir fyrir sér ýmsum leiðum til
að virkja einstaklinga með lestr-
arörðugleika í fermingarundirbún-
ingnum.
Þá er fjallað um dagskrá kirkju-
daganna í sumar, sagðar fréttir af
kirkjulegu starfi með þroskaheft-
um ungmennum í Vestmanna-
eyjum og sr. Jón Bjarman fjallar
um nýútkomna bók um kærleiks-
þjónustu kirkjunnar.
Forsíðu ritsins prýðir að þessu
sinni mynd frá föstudagskrá í
Skálholti um krossferil Krists, en
dr. Pétur Pétursson fjallar nánar
um þá dagskrá í ritinu.
Ritstjóri Kirkjuritsins er
sr.Kristín Þórunn Tómasdóttir.
Kirkjuritið kemur út þrisvar á
ári og fæst í Kirkjuhúsinu, Lauga-
vegi 31, Reykjavík og í Bóksölu
stúdenta. Útgefandi er Presta-
félag Íslands.
Rit