Morgunblaðið - 11.05.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ FÖSTUDAGUR 11. MAÍ 2001 15
FYRIRHUGUÐ byggð við
Vatnsenda var í brennidepli á
fjölmennum borgarafundi
sem haldinn var í Félags-
heimili Kópavogs, Fannborg,
í fyrradag. Á fundinum voru
kynntar öðru sinni og í
breyttri mynd tillögur að að-
alskipulagi Kópavogsbæjar
2000–2011. Fjölmargar
spurningar vöknuðu á fund-
inum, einkum meðal íbúa á
Vatnsenda. Meðal þess sem
rætt var um var lega Vatns-
endavegar með tilliti til um-
ferðar, hávaða og mengunar,
sérstaða umhverfisins í kring
og skilgreining á hugtakinu
„sveit í bæ“ auk veðráttunnar
á Vatnsendahæð svo eitthvað
sé nefnt.
Eftir að Ármann Kr. Ólafs-
son, formaður skipulags-
nefndar, Ólafur Brynjar Hall-
dórsson arkitekt og Birgir
Sigurðsson skipulagsstjóri
höfðu kynnt efni aðalskipu-
lagsins, sem fjallað var um í
Morgunblaðinu í gær, gafst
fundargestum kostur á að
bera fram fyrirspurnir.
Þorsteinn Sigmundsson,
íbúi við Vatnsenda, spurði
hvort gerð hefði verið könnun
á því hvort Vatnsendasvæðið
væri byggilegt með tilliti til
veðráttunnar uppi á heiðinni.
Þorsteinn lýsti jafnframt yfir
áhyggjum sínum vegna þessa
og sagði svæðið á mörkum
þess að vera byggilegt og að
mikil ábyrgð fylgdi því að
ráðast í framkvæmdir þar.
Í svari Birgis Sigurðssonar
kom fram að tekið hefði verið
tillit til snjóalaga en að öðru
leyti lægju engar niðurstöður
fyrir sem stríddu gegn byggð
þar.
Rut Kristinsdóttir, íbúi við
Vatnsenda, var ánægð með
færslu tengibrautar í hverf-
inu samkvæmt skipulaginu
en lýsti yfir áhyggjum með að
Arnarnesvegur, sem fyrir-
hugað er að leggja vestan
Vatnsendahverfis, skyldi ekki
vera inni á vegaáætlun Vega-
gerðarinnar til ársins 2004.
Taldi hún að með þessu
myndi umferðarálag innan
hverfisins aukast til muna.
Þórarinn Hjaltason bæjar-
verkfræðingur taldi að gegn-
umumferð um Vatnsenda-
hverfi yrði ekki stórvægileg
og sá fyrir að sér að Reykja-
nesbraut, eins og hún er
hugsuð með mislægum
gatnamótum, myndi draga
verulega úr hættu á slíku auk
þess sem hljóðmengun frá
umferð yrði innan viðunandi
marka.
Skipulagið ekki
endanlegt
Meðal annarra mála sem
upp komu á fundinum voru
áhyggjur manna af hljóð-
mengun frá Breiðholtsbraut,
framkvæmd á færslu af-
rennslis á svæðinu milli vatns
og vegar yfir í ræsi, þéttleiki
suðursvæðis og framtíð reið-
leiða Vatnsendabyggðar.
Meðal þess sem fram kom í
máli Birgis var að þéttleiki
suðursvæðisins væri ekki á
dagskrá og að frekar væri
búist við því að þéttasta
byggðin yrði á Hörðuvöllum.
Að auki sagði hann að áfram
yrði gert ráð fyrir hestum og
reiðleiðum á svæðinu.
Almenn óánægja var einn-
ig með skilgreiningu á hug-
takinu „sveit í bæ“ og höfðu
menn af því áhyggjur að ekki
væri tekið nægjanlegt tillit til
sérstöðu Vatnsendasvæðis-
ins. Að lokum var þeirri hug-
mynd varpað fram hvort
mögulegt hefði verið að færa
veginn vestur fyrir Vatns-
endahverfi í stað þess að
hann skeri hverfið í miðju
eins og nú er. Í svari bæj-
arverkfræðings kom fram að
slíkt væri tæknilega ómögu-
legt, m.a. sökum halla á
svæðinu.
Sigurður Geirdal bæjar-
stjóri ávarpaði fundinn í lokin
og lagði áherslu á að tillögur
sem borist hefðu yrðu teknar
til athugunar. Hann benti á
að það væri nýmæli að mál
væru rædd á borgarafundi á
þessu stigi í meðferð skipu-
lagsmála og taldi það til bóta.
Að lokum benti hann á að
skipulagið væri ekki endan-
legt og að síðar í ferlinu gæf-
ist fólki kostur á að koma
með athugasemdir.
Íbúum gafst kostur á að bera fram fyrirspurnir varðandi aðalskipulag
Umræðu um Vatns-
endahverfi bar hæst
Morgunblaðið/Jim Smart
Í anddyri félagsheimilisins gafst fólki kostur á að skoða
uppdrætti af aðalskipulaginu.
Morgunblaðið/Jim Smart
Ármann Kr. Ólafsson, formaður skipulagsnefndar, ávarp-
ar fundargesti í Félagsheimili Kópavogs á miðvikudag.
Kópavogur
Í FLATA- og Hofsstaðaskóla
stendur nú yfir tveggja vikna
tilraun þar sem nemendum
tveggja bekkja í skólunum er
boðinn heitur matur. For-
eldrafélög skólanna standa
fyrir tilrauninni en sam-
þykkt var að veita 150.000
króna styrk úr bæjarsjóði til
verkefnisins. Heitur matur á
skólatíma hefur lengi verið á
stefnuskrá foreldrafélag-
anna og hafa þau kynnt sér
ýmsar lausnir í þessum mál-
um undanfarið, að sögn
Finns Sveinbjörnssonar,
gjaldkera foreldrafélags
Hofsstaðaskóla. „Með ein-
setningu grunnskólanna hef-
ur skóladagurinn orðið
lengri.
Börnin þurfa góða nær-
ingu og nestið dugar helst til
skammt þegar þau eru í skól-
anum allan daginn.“ Hann
segir að í vetur og fyrravet-
ur hafi, í samstarfi við sam-
lokufyrirtæki, verið boðið
upp á smárétti og samlokur á
meðan verið var að skoða
möguleika á heitum mál-
tíðum. „Við könnuðum hvort
áhugi væri fyrir hendi hjá
skólastjórum og bæjaryf-
irvöldum og kom í ljós að þau
voru mjög jákvæð. Síðan var
ákveðið að gera þessa tilraun
áður en við færum að taka
stórar ákvarðanir,“ segir
Finnur. „Ýmsar lausnir
koma til greina en við teljum
einu raunhæfu lausnina eins
og er vera að fá aðkeyptan
mat í skólana sem ann-
aðhvort kemur á bökkum
eða í stórum ílátum sem síð-
an er skammtað úr á diska.
Við sömdum við tvö fyr-
irtæki um kaup á mat í til-
rauninni og prófum þannig
báða kostina.“
Að tilrauninni lokinni ætla
foreldrafélögin að kanna
hvernig nemendum líkaði
maturinn, hvert viðhorf for-
eldra til máltíðanna er og
hvort þeir séu reiðubúnir að
kaupa slíka bakka. Finnur
segist hafa farið í annan
skólanna í gær og hafa þá
fundist krakkarnir almennt
ánægðir með matinn. „Við
vonumst til að heitu máltíð-
irnar reynist vel en þær hafa
gert það í þeim skólum þar
sem þær hafa verið í boði.
Augljóslega hlýtur góður
matur í skólanum að stuðla
að aukinni vellíðan nemend-
anna.“
Finnur segist ekki geta
sagt hvað máltíðirnar komi
til með að kosta en segist vita
að í þeim skólum sem bjóði
upp á máltíðir sé verðið
nokkuð misjafnt eftir því
hvort máltíðirnar séu nið-
urgreiddar af skólanum eða
ekki. „Ég hef heyrt dæmi um
verð þar sem máltíðirnar eru
niðurgreiddar og kostuðu
þær þá 170 krónur. Þar sem
þær eru ekki niðurgreiddar
er verðið um 250 krónur.“
Tilraun með heitar máltíðir í Flata- og Hofsstaðaskóla
Morgunblaðið/Jim Smart
Þessa vikuna fá krakkarnir í Hofsstaðaskóla smárétti á bökkum í matartímanum, í næstu
viku fá þau að prófa mat sem kemur í stórum ílátum og er skammtað á diska í skólanum.
Krakk-
arnir
almennt
ánægðir
Garðabær
ÁFORM eru um að opna
veitingastað í Lækjargötu 10,
en húsið, sem reist var árið
1877, er eitt elsta íbúðarhús
úr hlöðnu grágrýti í borginni.
Framkvæmdir vegna fyrir-
hugaðs veitingarekstrar eru
langt komnar en enn vantar
nokkur tilskilin leyfi fyrir
rekstrinum.
Ýmis starfsemi hefur verið
í húsinu gegnum árin, meðal
annars var Ísafoldarprent-
smiðja þar til húsa frá 1879
og síðar Breiðfjörðsblikks-
miðja frá 1902 og verslunin
Breiðablik í kjallaranum frá
1904.
Að sögn Arnars Sævars-
sonar, eins eiganda hússins,
verður veitingastaðurinn sem
nú á að opna á tveimur efri
hæðunum og mun taka um
120 manns í sæti. Í kjall-
aranum verður minni staður
þar sem fólk
mun kaupa
tilbúinn mat
til að taka
með sér
heim.
Arnar seg-
ir að stefnt
sé að því að
opna staðinn
í þessum
mánuði en
enn vantar
nokkur til-
skilin leyfi
fyrir veit-
ingarekstri í
húsinu.
Nýr veitingastaður í
100 ára gömlu húsi
Miðborgin
Morgunblaðið/Jim Smart
SKRIFSTOFUBYGGING
sem verktakafyrirtækið Ís-
tak er að reisa á horni Suð-
urlandsbrautar og Kringlu-
mýrarbrautar er óðum að
taka á sig skýrari mynd.
Húsið er 4.200 fermetrar
að stærð og sex hæða hátt
auk þess sem bílageymsla
verður í því. Að sögn Gísla
Pálssonar verkfræðings er
gert ráð fyrir að húsið verði
tilbúið til innréttingar í lok
júlí. Framkvæmdir hófust í
ágúst í fyrra og var nýverið
lokið við að steypa upp.
Lóðin var áður í eigu Skelj-
ungs, sem á bensínstöð
þarna hjá.
Gísli vill ekki gefa upp
kostnaðinn við bygginguna
en segir þó að hann sé
nokkur hundruð milljónir.
Enn er óljóst hvaða fyrir-
tæki munu hafa þarna að-
setur.
Morgunblaðið/Þorkell
Nýtt hús tilbúið til
innréttingar í júlí
Austurbær