Morgunblaðið - 11.05.2001, Síða 84

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 11. MAÍ 2001 VERÐ Í LAUSASÖLU 165 KR. MEÐ VSK.
ÞAÐ var létt yfir fólki á norð-
anverðu landinu í sólskininu í
gærdag. Hitamælir veðurstof-
unnar við lögreglustöðina á
Akureyri fór í 15,4 gráður um
hádegi, en hinn landsfrægi hita-
mælir á Ráðhústorgi, sem heima-
menn vilja oft frekar horfa til,
fór í 20 gráður um svipað leyti.
Meðal þeirra sem spókuðu sig í
miðbænum voru Snorri Már og
Ólöf Ósk; þau voru bæði í sól-
skinsskapi við leik í kastala í
göngugötunni í höfuðstað
Norðurlands.
Morgunblaðið/Kristján
Glöð í sól-
skininu
ÁLAG á slysa- og bráðamóttökur
Landspítala – háskólasjúkrahúss
(LSH) hefur stóraukist á seinustu
tveimur árum eða um þriðjung. Alls
fengu 66 þúsund einstaklingar þjón-
ustu á slysa- og bráðamóttökum
LSH í fyrra eða að jafnaði 12 fleiri á
hverjum degi en árið áður og 30 fleiri
en árið 1998.
„Álagið á slysa- og bráðamót-
tökum hefur þannig stóraukist og
þess gætir víða í annarri starfsemi
sjúkrahússins,“ segir í ársskýrslu
LSH sem lögð var fram á ársfundi
spítalans í gær.
33,8% þessa aukna álags á slysa-
og bráðamóttökum 1998–2000 voru
vegna ofbeldis og slagsmála, 27%
voru vegna bráðaveikra sjúklinga og
13,4% vegna slysa og annarra
óhappa.
30,5% fjölgun vinnuslysa
Þá hefur vinnuslysum fjölgað
verulega eða um 30,5% á tímabilinu
frá 1998 til 2000, að því er fram kem-
ur í ársskýrslunni. Á slysadeild LSH
komu 11.371 manns eftir vinnuslys í
fyrra eða 31 að jafnaði á hverjum
degi og voru karlmenn 65% þeirra.
„Tölur sýna að flestir sem slasast
eru á aldrinum 20 til 24 ára. Vinnu-
slys eru greinilega alvarlegri en áður
sem sést á því að stöðugt fleiri eru
lagðir á gæsludeild eða sjúkradeild.
Árið 2000 létust 5 einstaklingar sem
höfðu verið fluttir á spítalann eftir
vinnuslys,“ segir í ársskýrslu LSH
árið 2000.
Álíka margir á slysadeild vegna
íþróttaslysa og umferðarslysa
Slysum í heimahúsum fjölgaði
einnig mikið í fyrra en þá komu
12.488 á slysadeild vegna slysa á
heimilum en það eru um 32% fleiri en
árið 1998.
Alls leituðu 2.800 manns til slysa-
deildar vegna íþróttaslysa í fyrra eða
álíka margir og vegna umferðar-
slysa. Flestir höfðu slasast í knatt-
spyrnu (38%), handbolta (10%),
körfubolta (9,2%) og hestamennsku
(5,3%).
Slysa- og bráðamóttaka á Landspítala – háskólasjúkrahúsi
Stóraukið álag
síðustu tvö árin
Óhöpp algengust í
kennslu- og einkaflugi
RANNSÓKNARNEFND flug-
slysa skráði 33 flugslys og flug-
atvik í fyrra. Árið á undan voru
skráð 24 atvik. Flest flugatvik
voru skráð í einkaflugi eða 11. Í
kennsluflugi voru skráð 8 tilvik og
9 í reglubundnu flugi. Þessar upp-
lýsingar koma fram í skýrslu sem
samgönguráðherra hefur lagt
fram á Alþingi um störf rannsókn-
arnefndar flugslysa fyrir árið
2000.
Í einka- og kennsluflugi voru í
fyrra skráðir samtals um 23 þús-
und flugtímar og 19 óhöpp, en í
reglubundnu flugi voru tæplega
71 þúsund flugtímar og 9 óhöpp.
Slys í leiguflugi voru þrjú í fyrra,
en vélar í leiguflugi flugu 40 þús-
und flugtíma í fyrra.
Í árslok 2000 átti rannsóknar-
nefnd flugslysa eftir að ljúka
formlegri rannsókn í tólf málum.
Þar af lauk hún sex með rann-
sóknarskýrslu á fyrstu þremur
mánuðum þessa árs.
Rannsóknarnefndin gerði sam-
tals átta tillögur til úrbóta í
öryggismálum við rannsóknir sem
hún lauk í fyrra og skrifaði Flug-
málastjórn sérstakt bréf vegna
tveggja atvika.
Sjómenn
funda stíft
FULLTRÚAR Sjómannasambands-
ins, Farmanna- og fiskimannasam-
bandsins ásamt útgerðarmönnum
settust á fund hjá ríkissáttasemjara
klukkan 15 í gær og stóð hann enn
þegar Morgunblaðið fór í prentun.
Árni M. Mathiesen sjávarútvegsráð-
herra ræddi við fulltrúa sjómanna-
sambandsins og Farmanna- og fiski-
mannasambandsins í gær um stöðu
verkfallsins og Vélstjórafélagið hóf
kynningu á nýjum samningi sínum.
 Gátum/6
BENSÍNVERÐ er nú lægst á land-
inu öllu hjá Orkunni á Akureyri,
91,20 kr. lítrinn af 95 oktana
bensíni. Engar verðbreytingar urðu
á höfuðborgarsvæðinu í gær. Þar er
verðið enn lægst hjá Orkunni á
Smiðjuvegi í Kópavogi, 91,40, en á
öllum stöðvum ÓB á landinu er
verðið 91,60 kr. Sama verð, 91,60
kr., er hjá Esso Express. Sendibíl-
stjórar hafa gengið til liðs við FÍB,
sem heldur úti bensínverðvakt, og
hringja inn upplýsingar um verð-
breytingar, verði þær.
Bensínlítr-
inn á 91,20
á Akureyri
HÆKKANIR á eldsneyti að undan-
förnu hafa ekki síður komið niður á
þeim sem kynda hýbýli sín með olíu.
Gasolía er einkum notuð til húshitun-
ar en hún hefur hækkað í verði um
17% frá sl. hausti miðað við verð í dag.
Hefðu Olíufélagið og Olís ekki tekið
hækkunina frá 4. maí til baka hefði
hækkunin orðið 24% yfir sama tíma-
bil. Lítri af gasolíu til húshitunar
kostar í dag rúmar 42 krónur en var
36 krónur í september sl. Til saman-
burðar hefur verð á 95 oktana bensíni
hækkað um tæp 9% á sama tíma.
Alls er um 1% af öllu upphituðu
húsrými í landinu kynt með olíu en
stærsta einstaka svæðið er Grímsey
þar sem öll hús eru olíukynt. Þorlákur
Sigurðsson, oddviti Grímseyinga, var
ómyrkur í máli vegna aukins húshit-
unarkostnaðar þegar Morgunblaðið
ræddi við hann.
„Þessar hækkanir koma illa við
okkur, líkt og annað sem hefur verið
Öll hús olíu-
kynt í Grímsey
að hækka í verði. Við notum líka bíla
hér í Grímsey þannig að töluverður
peningur fer í þennan orkukostnað
hjá okkur. Við njótum engrar niður-
greiðslu eins og þeir sem nota raf-
magn til húshitunar. Ég hef nefnt
þetta við bæði ráðherra og þingmenn
en það hefur lítinn árangur borið
ennþá. Við erum ekki að stunda neitt
betl en mér finnst ekki ósanngjarnt
að við njótum einhvers stuðnings því
við eigum ekki kost á að hita upp hús-
in með rafmagni og hitaveitu höfum
við ekki,“ sagði Þorlákur.
Niðurgreiðslur til rafhitunar hafa
aukist, voru 790 milljónir í fyrra en
480 milljónir árið 1998.
Hlutsfallslega er mest húsrými í
fermetrum talið, sem kynt er með
olíu, á Vestfjörðum, eða um 7%. Á
Vesturlandi er hlutfallið 5%, Austur-
landi 4,5%, Norðurlandi 3%, Suður-
landi 2,1%, Suðurnesjum 1% og á
höfuðborgarsvæðinu 0,2%.
♦ ♦ ♦
♦ ♦ ♦
Olía til húshitunar hefur hækkað
um 17% frá síðastliðnu hausti