Morgunblaðið - 23.05.2001, Blaðsíða 4

FRÉTTIR
4 MIÐVIKUDAGUR 23. MAÍ 2001 MORGUNBLAÐIÐ
KRISTINN H. Gunnarsson, for-
maður þingflokks Framsóknar-
flokksins og þingmaður Vestfirð-
inga, segir ekki rétt að hann hafi
verið eini andstæðingur þess, að
frumvarp sjávarútvegsráðherra um
aukningu veiðiheimilda samhliða
kvótasetningu á meðafla smábáta 1.
september nk. næði fram að ganga.
Hann segir að þvert á móti hafi
þingflokkur Framsóknarflokksins
fjallað tvívegis um málið með form-
legum hætti og á föstudag komist að
þeirri niðurstöðu, að skoðanir um
frumvarpið væru of skiptar til að
réttlætanlegt væri að leggja það
fram.
„Þetta var það sem rætt var á
fundi þingflokksins og ég hélt við þá
stefnu sem þar var mótuð. Ég veit
hins vegar ekkert um það sem fram
fór í einkasamtölum við menn eftir
fundinn á föstudag og þegar að þing-
frestun leið á laugardag. Enda
finnst mér ekki að einkasamtöl eigi
að vega þyngra, en það sem rætt er
með formlegum hætti innan þing-
flokka,“ segir Kristinn við Morgun-
blaðið.
Eins og fram kom í Morgun-
blaðinu í gær, voru tilbúin frum-
varpsdrög á minnisblaði sjávarút-
vegsráðherra, um aukningu
veiðiheimilda á ýsu og steinbít upp á
3.300 tonn og hafði náðst samstaða
um málið innan þingflokks Sjálf-
stæðisflokksins.
Segir hið sanna muni koma
fram þegar frá líður
Eftir sáttaumleitanir innan raða
þingflokks Framsóknarflokksins á
föstudag og fram eftir laugardegi,
féllust andstæðingar kvótasetning-
arinnar, þeirra á meðal Hjálmar
Árnason, á frumvarpið sem mála-
miðlun, en ekkert varð úr því að ráð-
herra legði það fram þar sem ekki
var einhugur um málið innan stjórn-
arflokkanna. Skipti andstaða Krist-
ins H. Gunnarssonar þar miklu.
„Einn maður stöðvar ekki svona
stórt mál. Þar sem frumvarpið var
ekki lagt fram er ljóst að ekki var
samstaða um efni þess. Það voru
fleiri en ég, sem börðust gegn kvóta-
setningu á smábáta og vildu bíða eft-
ir heildarendurskoðun á fiskveiði-
stjórnuninni. Ég hef fulla trú á því
að þegar frá líður muni sú afstaða
fleiri þingmanna beggja stjórnar-
flokkanna, ekki síst innan Fram-
sóknarflokksins, koma í ljós,“ sagði
Kristinn.
Ranghermt var í millifyrirsögn
baksíðu blaðsins í gær að Kristinn
hefði verið andvígur frumvarpi um
frestun kvótasetningar. Eins og
fram kom í sjálfri fréttinni og enn-
fremur í fréttaskýringu á miðopnu
blaðsins, var Kristinn þvert á móti
andvígur kvótasetningunni og vildi
því frestun, en lagðist hins vegar
gegn frumvarpi sjávarútvegsráð-
herra.
„Einn maður stöðvar
ekki svona stórt mál“
Formaður þingflokks Framsóknarflokksins segir fleiri
hafa verið mótfallna frumvarpi sjávarútvegsráðherra
VIÐSKIPTABLAÐ Morgunblaðsins
og Úr verinu, sérblað Morgunblaðs-
ins um sjávarútveg, hafa verið sam-
einuð í eitt blað, sem kemur út á
morgun, fimmtudag, undir heitinu
Viðskiptablað Morgunblaðsins. Af
þeim sökum fylgir Úr verinu ekki
Morgunblaðinu í dag.
Í hinu breytta Viðskiptablaði
Morgunblaðsins verður fjallað um
viðskipti, sjávarútveg og athafnalíf.
Jafnframt hefur útgáfu sérblað-
anna Netsins og Dagskrár verið
hætt og mun umfjöllun um Netið
verða fastur liður í Viðskiptablaði
Morgunblaðsins á fimmtudögum.
Upplýsingar um dagskrá 29 sjón-
varpsstöðva er nú hægt að skoða á
mbl.is undir hnappnum Fólkið.
Þegar þar er komið inn er smellt á
sjonvarp.is, sem er vinstra megin á
skjánum undir Efni.
Dagskráin birtist eins og áður
daglega í Morgunblaðinu.
Viðskipti, sjávarútvegur
og athafnalíf í einu blaði
Dagskrár 29 sjónvarpsstöðva er hægt að skoða á mbl.is.
Morgunblaðið/Þorkell
Hjörtur Reynarsson borðformaður vinnur að uppsetningu nýja blaðsins.
ÍSLENSK erfðagreining hefur ein-
angrað erfðavísi sem er einn af or-
sakavöldum heilablóðfalls og kortlagt
annan erfðavísi sem tengist fullorð-
inssykursýki, að því er fram kemur í
frétt frá fyrirtækinu.
Þetta er nýr áfangi í samstarfi fyr-
irtækisins við svissneska lyfjafyrir-
tækið Hoffmann-La Roche og mun
Roche greiða Íslenskri erfðagrein-
ingu áfangagreiðslur vegna þessa
samkvæmt samningi fyrirtækjanna í
þeim efnum.
Í frétt Íslenskrar erfðagreiningar
kemur fram að á síðasta ári hafi fyr-
irtækin greint frá kortlagningu
erfðavísis sem tengdist heilablóðfalli
og nú hafi tekist að einangra ákveð-
inn erfðavísi á því svæði. Þetta sé í
fyrsta sinn sem sterkur erfðaþáttur
finnist í algengustu gerðum heila-
blóðfalls.
Fram kemur að stuðst hafi verið
við breiða skilgreiningu á svipgerð
sjúkdómsins en alls hafi um 3.000
manns, bæði sjúklingar og aðstand-
endur þeirra, tekið þátt í rannsókn-
inni. Heilablóðfall sé þriðja algeng-
asta dánarorsökin á Vesturlöndum
og Roche muni taka lyfjamörk sem
finnist með rannsóknum á þessum
erfðavísi inn í lyfjaþróunarferli fyr-
irtækisins.
Fullorðinssykursýki
í 90% tilvika
Þá kemur fram að Íslenskri erfða-
greiningu hafi tekist að afmarka
svæði sem tengist fullorðinssykur-
sýki með því að greina arfgerðir 2.700
Íslendinga, sjúklinga og ættingja
þeirra í 200 fjölskyldum. Í 90% tilvika
sé um svokallaða fullorðinssykursýki
að ræða en hún sé algengust í fólki
sem sé komið yfir fertugt og hjá þeim
sem þjáist af offitu. Roche hyggist
nota niðurstöðurnar til þróunar nýrr-
ar kynslóðar greiningarúrræða og
meðferðar til að hjálpa sjúklingum að
viðhalda eðlilegri svörun við insúlíni,
en sjúkdómurinn einkennist af því að
líkaminn getur ekki stýrt sykur-
magni í blóði vegna galla í útskilnaði
boðefnisins insúlíns eða skerts insúl-
ínnæmis, að því er fram kemur í frétt
Íslenskrar erfðagreiningar.
ÍE einangrar
einn af orsaka-
völdum heila-
blóðfalls
FRAMKVÆMDUM við brúna yfir
Þjórsá og vegaframkvæmdum vegna
orku- og iðjuvera á Austurlandi verð-
ur frestað. Ekki hefur hins vegar ver-
ið tekin endanleg ákvörðun um frest-
un vegaframkvæmda á
höfuðborgarsvæðinu. Þessar upplýs-
ingar koma fram í svari samgöngu-
ráðherra við fyrirspurn frá Jóhönnu
Sigurðardóttur alþingismanni.
Í fjárlögum fyrir árið í ár var
ákveðið að lækka framlög til vega-
mála frá því sem var ákveðið í vega-
áætlun. Í svari samgönguráðherra
kemur fram að ætlunin sé að fresta
framkvæmdum fyrir 330 milljónir á
höfuðborgarsvæðinu og 470 milljónir
á landsbyggðinni. Á vegaáætlun var
gert ráð fyrir að veita 200 milljónum
til byggingar nýrrar brúar yfir Þjórsá
og 270 milljónum til vegafram-
kvæmda á Austurlandi sem tengjast
orku- og stóriðjuframkvæmdum sem
áformað er að fara út í. Þessum fram-
kvæmdum verður frestað. Fram
kemur í svarinu að frestun fram-
kvæmda við Þjórsárbrú eigi ekki að
hafa áhrif á lok framkvæmda sem
gert er ráð fyrir að verði 2003. Sama
eigi við um framkvæmdirnar á Aust-
urlandi en þeim er ætlað að ljúka 2003
þrátt fyrir frestun í ár.
Framkvæmdum við
Þjórsárbrú frestað
LÍKLEGT þykir að um fimm þús-
und nemendur verði fyrir einelti í
íslenskum grunnskólum á hverju
ári, að því er fram kemur í nið-
urstöðum starfshóps um einelti í
grunnskólunum, sem kynntar
voru í gær.
Starfshópurinn hefur sent sam-
ráðsnefnd menntamálaráðuneyt-
is, Sambands íslenskra sveitar-
félaga og samtaka kennara og
skólastjóra tillögur sínar um sam-
ræmda aðgerðaáætlun fyrir
grunnskóla um hvernig skuli
brugðist við einelti ef og þegar
það kemur upp, að því er er fram
kemur á heimasíðu Kennarasam-
bandsins á Netinu.
Er þar vitnað í niðurstöður
starfshópsins þar sem fram kem-
ur að líklega verði fimm þúsund
nemendur fyrir einelti í grunn-
skólum á hverju ári.
Starfshópurinn leggur til að
einelti verði afstýrt með forvörn-
um í skólum. Bendir hann á að
einelti sé tengt skólabrag ein-
stakra skóla og því samskipta-
mynstri sem viðgengst í skólan-
um. Því sé mikilvægt að
stefnumótun í eineltismálum sé
tengd heildarumhverfi skólans og
hafi það að markmiði að tryggja
skólaumhverfi þar sem nemend-
um líði vel og þeir búi við öryggi.
Góður bekkjarandi sé lykilatriði
ef takast á að byggja upp góðan
skólabrag.
Tekist hefur að draga
50% úr einelti í Noregi
Hallast starfshópurinn að hug-
myndum Dan Olweus prófessors
sem starfar að þessum málaflokki
í Noregi. Hann hefur þróað sér-
stakt átaksverkefni gegn einelti í
grunnskólum en í lok þess hafði
dregið úr einelti um 50% meðal
nemenda í grunnskólum í Björg-
vin í Noregi. Auk þess höfðu
skemmdarverk og önnur hegðun-
ar- og samskiptavandamál höfðu
sýnilega minnkað í umræddum
skóla.
Talið að 5.000
börn verði fyrir
einelti árlega