Morgunblaðið - 23.05.2001, Blaðsíða 22

VIÐSKIPTI
22 MIÐVIKUDAGUR 23. MAÍ 2001 MORGUNBLAÐIÐ
SÉRFRÆÐINGAR höfðu búist við
enn minni hagnaði en raunin varð
hjá bresku verslanakeðjunni Marks
& Spencer. Hagnaður síðasta
rekstrarárs var 480 milljónir punda
eða um 69 milljarðar íslenskra
króna, miðað við 557 milljónir punda
árið áður. Ýmsir sérfræðingar
bjuggust við að M&S myndi tilkynna
allt niður í 460 milljóna punda hagn-
að, að því er fréttavefur BBC greinir
frá.
Rekstur fyrirtækisins gekk vel á
árinu 1998 þegar hagnaðurinn nam
1,2 milljörðum punda eða um 173
milljörðum íslenskra króna. Síðan þá
hefur leiðin legið niður á við og hagn-
aðurinn minnkað ár frá ári. Reynt
hefur verið að endurskipuleggja en
aðgerðirnar hafa ekki skilað tilætl-
uðum árangri. Verslanir M&S á
meginlandi Evrópu verða seldar og
eins starfsemin í Bandaríkjunum.
Áformað er að M&S muni flytja úr
dýru húsnæði við Baker Street í
London í fyrsta lagi árið 2003 og
flytja höfuðstöðvarnar í nýtt hús-
næði í vesturhluta borgarinnar.
Nýja húsnæðið rúmar aðeins 1.600
manns en nú starfa 3.500 í Baker
Street og því er búist við umfangs-
miklum uppsögnum starfsfólks.
Luc Vandevelde er starfandi
stjórnarformaður M&S og þegar
hann var ráðinn í fyrra, lofaði hann
að snúa rekstrinum við innan
tveggja ára. Enn er langt í land en
Vandevelde segist bjartsýnn á að úr
rætist þegar nýja húsnæðið verður
tekið í notkun.
Reuters
Hagnaður Marks & Spencer á síðasta rekstrarári nam um 69 milljörðum.
M&S skilar enn
minni hagnaði
MAREL hf. var rekið með 57 millj-
óna króna tapi á fyrsta fjórðungi
ársins samanborið við 51 milljóna
króna hagnað á sama tímabili í
fyrra. Rekstrartap fyrir fjármagns-
kostnað og skatta (EBIT) nam 22
milljónum en á sama tímabili í
fyrra var rekstrarhagnaður 79
milljónir.
Rekstrartekjur Marels og dótt-
urfélaga þess á fyrsta ársfjórðungi
námu alls 1.537 milljónum króna en
það er 19% aukning frá sama tíma-
bili í fyrra. Í tilkynningu frá Marel
segir að rekstrartekjurnar séu
rúmlega 100 milljónum króna minni
en reiknað var með í áætlunum
félagsins. Það megi aðallega rekja
til sölutregðu á tímabilinu desem-
ber 2000 til febrúar 2001, einkum
vegna búfjársjúkdóma í Evrópu.
Fjárfestingar Marel og dóttur-
félaga þess námu alls 95 milljónum
króna á tímabilinu, samanborið við
123 milljónir á sama tíma árið 2000,
mest í undirbúning fyrir nýtt hús-
næði Marel hf.
Eigið fé Marels í lok mars 2001
var 1.860 milljónir og stóð nánast í
stað frá árslokum 2000. Endurmat
á eignarhluta Marels í erlendum
dótturfélögum, sem færist beint á
eiginfjárreikning, vegur að veru-
legu leyti upp rekstrartap félags-
ins.
Markmið ekki endurskoðuð
að svo stöddu
„Salan tók vel við sér í mars síð-
astliðnum og er verkefnastaða fyrir
annan ársfjórðung góð. Þrátt fyrir
að afkoma fyrsta ársfjórðungs hafi
verið óviðunandi, er ekki enn talin
ástæða til að endurskoða þau mark-
mið, sem sett voru í rekstraráætlun
félagsins fyrir árið 2001. Þar er
reiknað með að rekstrarhagnaður
fyrir fjármagnskostnað og skatta
(EBIT) verði um 8% eða rúmlega
500 milljónir króna. Reiknað er
með að rekstraráætlun samstæð-
unnar verði endurmetin eftir fyrstu
sex mánuði ársins 2001, ef breyttar
aðstæður gefa þá tilefni til þess,“
segir í tilkynningu Marel.
Afkoma
Marels
versnar
um 108
milljónir
NORÐURLJÓS, móðurfélag
Íslenska Útvarpsfélagsins,
hafa ákveðið að selja 34,5% hlut
sinn í fjarskiptafyrirtækinu
Tali. Samningaviðræður standa
yfir við erlendan aðila um kaup
á hlutnum, segir Hreggviður
Jónsson, forstjóri Norðurljósa.
Tal farsímafélagið var stofnað
1997 og starfsemi félagsins
hófst í maí 1998.
Að sögn Hreggviðs er
ástæða sölunnar sú að þetta
hafi verið fjárfesting hjá félag-
inu og sem slík falli hún ekki að
kjarnastarfsemi Norðurljósa
enda eigi félagið ekki meiri-
hluta í Tali. Auðvelt sé því að
losa þessa eign. Gengisfall
krónunnar hafi komið illa við
Norðurljós og því sé tekin þessi
ákvörðun að losa þessa fjárfest-
ingu til að fá aukið fjármagn í
rekstur kjarnastarfseminnar.
Nú stendur yfir endurskipu-
lagning á rekstri Norðurljósa
en unnið er að sameiningu Skíf-
unnar og Íslenska Útvarps-
félagsins og annarra félaga sem
tengjast þeim rekstri. Afkoma
Norðurljósa fyrir árið 2000
verður birt á næstu dögum, að
sögn Hreggviðs.
Enn stefnt að skráningu
á hlutabréfamarkaði
Sú stefna hafi verið tekin af
hluthöfum Norðurljósa 1999 að
skrá félagið á hlutabréfamark-
aði. Að sögn Hreggviðs hefur
sú stefna ekki breyst en að-
stæður á markaði hafi hins veg-
ar breyst til verri vegar. Félag-
ið þurfi að ganga í gegnum
sameiningarferli áður en hægt
sé að skrá fyrirtækið sem eitt
félag á markaði. Fyrirtækið
verði með margvíslegan rekst-
ur í afþreyingar- og verslunar-
geiranum og verði því áhuga-
verður kostur fyrir fjárfesta.
Aðspurður um virði Tals seg-
ir hann að Tal sé traust félag
með breiðan hóp viðskiptavina,
gott tekjustreymi og góður
fjárfestingarkostur en ekki sé
tímabært að gefa upp verð þar
sem samningaviðræður standi
yfir, segir Hreggviður Jónsson,
framkvæmdastjóri Norður-
ljósa, ennfremur. Western
Wireless, bandarískt fjar-
skiptafyrirtæki, á 58% í Tali en
auk þess eiga Ragnar Aðal-
steinsson lögmaður og Þórólfur
Árnason, forstjóri Tals, hlut í
fyrirtækinu.
Norður-
ljós selja
34,5% í
Tali
DEGASOFT mun flytja alla starf-
semi sína til Lundúna um næstu
helgi. Eigendur Degasoft hafa stofn-
að fyrirtækið Degasoft UK, sem er í
meirihlutaeigu Degasoft á Íslandi en
norskt fjárfestingarfélag, Venturos,
hefur auk þess fjárfest í Degasoft UK
fyrir um 300 milljónir íslenskra
króna. Þorgeir Ibsen, einn fram-
kvæmdastjóra Ford Motor Company,
verður forstjóri Degasoft UK.
Aðgangur að fjármagni og
starfsfólki réð úrslitum
Gunnar M. Hansson, forstjóri
Degasoft á Íslandi, segir að sjö starfs-
menn Degasoft muni flytja til Lund-
úna. Aðspurður um hvort langur að-
dragandi sé að flutningnum segir
Gunnar að menn hafi velt þessu fyrir
sér í alllangan tíma. Ýmsar ástæður
búi þar að baki, til dæmis sé auðveld-
ara að fá stóra fjárfesta til liðs við fyr-
irtækið. „Við þurfum einnig að byggja
fyrirtækið mjög hratt upp hvað snert-
ir mannafla og þarna höfum við að-
gang að stærri hópi sérfræðinga, sem
við þurfum á að halda. Raunar vill
þannig til að eins og er er Bretland
okkar stærsti markaður en það réð þó
ekki úrslitum. En auðvitað er gott að
vera með starfsemina þó þetta nálægt
Íslandi, því við eigum auðvitað von á
því að það muni fleiri Íslendingar
ráða sig til starfa hjá Degasoft. Það er
mjög mikilvægt fyrir okkur að vera
sem næst markaðnum, þegar við er-
um að þróa og þjónusta hugbúnaðinn
og það er ein ástæða þess að við flytj-
um starfsemina utan. Eitt af því sem
maður hefur rekið sig á hvað eftir
annað á ferðalögum erlendis er, að
margir og þá sérstaklega í Bandaríkj-
unum hafa hreinlega ekki hugmynd
hvar Ísland er. Í slíkum tilvikum get-
ur verið erfitt að selja eitthvað, sem
er stórt og mikilvægt fyrir fyrirtækin,
frá landi sem menn þekkja alls ekki.“
Toppmaður fenginn til
að stjórna fyrirtækinu
Aðspurður um ráðningu Þorgeirs
frá Ford Motor Comapany segir
Gunnar að hann hafi kynnst Þorgeiri
fyrir um tveimur árum þegar hann
hafi heimsótt höfuðstöðvarnar í
Detroit og síðan haldið sambandi við
hann. „Mér tókst síðan að fá hann yfir
til okkar en hann er vitaskuld að yf-
irgefa mjög gott starf hjá Ford og
hann hefur gert frábæra hluti þar. En
þetta starf höfðaði til hans og hann
sér fyrir sér að Degasoft og sá hug-
búnaður, Kudosinn, sem við erum
búnir að þróa, eigi mikla framtíð fyrir
sér. Kudosinn er margverðlaunaður
hugbúnaður í kioska (viðskiptastand-
ur). Við erum auðvitað hæstánægðir
með að fá Þorgeir, sem hefur yfir-
gripsmikla reynslu á alþjóðavísu, til
þess að stjórna fyrirtækinu. Þegar er
búið að ráða mjög hæfa stjórnendur
með alþjóðlega reynslu með Þor-
geiri.“
Aðspurður um verkefnastöðu
Degasoft segir Gunnar að verið sé að
vinna að stórum verkefnum. „Við hóf-
um til að mynda að setja upp kioska
fyrir Virgin-samstæðuna í lok síðasta
árs og því verður haldið áfram. Síðan
erum við að setja upp net tíu þúsund
kioska í Bretlandi. Þannig að það má
segja að nýja fyrirtækið taki við mjög
góðu búi og viðskiptamannagrunni.“
Degasoft flytur starfsemi sína til Lundúna
Þorgeir Ibsen nýr for-
stjóri fyrirtækisins