Morgunblaðið - 23.05.2001, Blaðsíða 15
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 23. MAÍ 2001 15
JAFNRÉTTISNEFND
Reykjavíkurborgar boðaði 15
kvenkyns framtíðarborgar-
fulltrúa á sinn fund í Ráðhúsi
Reykjavíkur á mánudag í
tengslum við verkefnið „Dæt-
urnar með í vinnuna“. Í tilefni
af því var stúlkunum afhent
ljósmynd og hefti sem hefur
að geyma tillögur og ábend-
ingar þeirra til borgarráðs um
það sem betur má gera innan
borgarmarkanna. Í heftinu er
einnig að finna ávörp sem þær
fluttu á borgarstjórnarfundi
10. apríl síðastliðinn en þá
gafst stúlkunum, sem eru á
aldrinum 9–15 ára, kostur á að
fylgja foreldrum sínum til
vinnu og upplifa dag í starfi
borgarfulltrúa.
Þórhildur Sæmundsdóttir,
11 ára, er nemandi í Árbæj-
arskóla. Hún er ein af 15
stúlkum sem fluttu erindi á
borgarstjórnarfundinum í
apríl. Þegar blaðamaður spyr
hana hvað henni finnists að
betur megi fara í borgarmál-
um stendur ekki á svörunum.
„Ég vil fá bókasafn í Árbæ-
inn, bensínið er alltof dýrt og
svo vil ég að það séu farin
fleiri ferðalög í skólanum,“
segir hún ákveðin og bendir á
að í skólanum sé bókasafn en
að það vanti bókasafn sem
hún geti sótt þegar skólinn er
lokaður. Eins og sakir standa
þurfi hún að fara alla leið í
Breiðholt til að ná í bækur. Þá
bætir hún við eftir nokkra um-
hugsun að sér finnist að það
eigi að taka upp fræðslu í skól-
um gegn einelti.
Þegar hún er spurð hvað
henni finnist um hugmyndir
hinna stúlknanna segir hún
margar þeirra hafa verið
frumlegar.
„Mér fannst sniðug hug-
myndin um að setja upp
grænar ruslatunnur,“ segir
hún og hinar stelpurnar taka
undir það.
„Hrikalega fúlir
í Silfri Egils“
Særós Mist Hrannarsdótt-
ir, 9 ára nemandi í Waldorf-
skóla og „borgarstjórnar-
fulltrúi“, velkist ekki í vafa um
hvað megi betur fara og sér
meðal annars fyrir sér hvern-
ig megi nýta Hljómskálagarð-
inn.
„Tívolí,“ segir hún hróðug
„Ég vil fá tívolí í Hljómskála-
garðinn sem á að vera opið
eins lengi og hægt er,“ segir
Særós Mist og finnst alls ekki
nóg að hafa bara eitt tívolí á
hafnarbakkanum yfir sumar-
tímann. Hún vill líka gjarnan
fá fleiri til að fara í strætó og
segist sjálf taka strætisvagn-
inn á hverjum morgni í skól-
ann. Þá vill hún að stjórnmála-
menn taki sig saman í
andlitinu og hætti að vera
svona fúlir og alvörugefnir í
sjónvarpinu.
„Þeir eru allt í lagi á Stöð 2
en hrikalega fúlir í Silfri Eg-
ils,“ segir hún og vill að þeir
taki góða skapið með sér þeg-
ar þeir birtast frammi fyrir al-
þjóð. Þá vill hún líka að fólk
hætti að reykja og henda
stubbunum á göturnar og vill
að fólk hugsi um þær eins og
stofurnar heima hjá sér.
Gunnur Martinsdóttir
Schluter er 12 ára og nemandi
í Austurbæjarskóla. Gunnur
lét sér ekki muna um að renna
sér á línuskautum þegar hún
tók á móti hefti og ljósmynd
úr höndum Hildar Jónsdóttur
jafnréttisráðgjafa og Kristín-
ar Blöndal formanns jafnrétt-
isnefndar og var haft á orði að
þetta væri vafalaust í fyrsta
skipti sem „borgarstjórnar-
fulltrúi“ renndi sér um á línu-
skautum í salarkynnum Ráð-
hússins.
Gunnur hefur eflaust kveikt
vonarneista meðal reykvískra
ungmenna þegar hún lagði til
að skólarnir hæfust seinna á
morgnana að vetrarlagi. „Það
er svo erfitt að vakna á
morgnana þegar það er
dimmt,“ segir hún í afsökun-
artón og ekki frá því að blaða-
maður fái samúð með henni
við tilhugsunina.
Gunnur vill líka fá lest á
milli Reyjavíkur og Keflavík-
ur til að flytja ferðamenn á
faraldsfæti og heitan mat fyr-
ir eldri bekkinga í skólanum.
„Það er heitur matur fyrir
krakka í 1.–4. bekk en eftir
það verður ,maður að koma
með tvöfalt nesti,“ segir hún
en viðurkennir að maturinn
mætti vera fjölbreyttari um
leið og hún segir blaðamanni
frá „ógeðslegu“ kokkteilsós-
unni sem framreidd var með
fiskinum.„Það mætti vera
pitsa í matinn, svona einstaka
sinnum,“ segir hún.
Þegar Þórhildur, Særós
Mist og Gunnur eru inntar
eftir því hvort þær vilji verða
alvöru borgarstjórnarfulltrú-
ar í framtíðinni vilja þær sem
minnst út á það gefa. Þórhild-
ur og Gunnur vilja helst af öllu
verða leikkonur á meðan Sæ-
rós vill bíða með allar framtíð-
arákvarðanir í bili. Þær voru
þó allar á því að það hefði ver-
ið frábært að fá að halda eigin
borgarstjórnarfund.
Borgarfulltrúar framtíðarinnar leggja á ráðin um hvernig borgarmálum skal háttað
Tívolí í Hljómskálagarð
Reykjavík
Morgunblaðið/Jón Svavarsson
Ellefu af 15 borgarstjórnarfulltrúum framtíðarinnar gáfu sér tíma fyrir myndatöku í Ráðhúsinu í fyrradag.
Gunnur Martinsdóttir Schluter, Særós Mist Hrannarsdótt-
ir og Þórhildur Sæmundsdóttir.