Morgunblaðið - 23.05.2001, Blaðsíða 49

BRÉF TIL BLAÐSINS
MORGUNBLAÐIÐ MIÐVIKUDAGUR 23. MAÍ 2001 49
NÚ þegar allt er vaðandi í verðbólgu,
verðhækkunum og bullandi samráði
olíurisanna er ríkið enn með allt niðr-
um sig í kjarasamningum við ríkis-
starfsmenn. Hér vil ég sérstaklega
ræða um þann hóp sem stendur mér
nærri en það eru þroskaþjálfar. Það
er þannig í öllum þjóðfélögum að
sumar stéttir verða undir, þær gleym-
ast viljandi eða óviljandi. Hvers
vegna? Jú, af þremur ástæðum helst.
Vegna þess að stéttin og málefnið
sem hún starfar að eiga ekki upp á
pallborðið hjá þeim sem ráða; ríkis-
stjórninni og greifunum sem stjórna
þeim (með kosningaframlögum, mút-
um?). Í öðru lagi er því um að kenna
að stéttin nær ekki að koma sínum
málum á framfæri. Og í þriðja lagi
vegna þess að þetta er kvennastétt.
Kvenfólki er ekki meðfætt að sætta
sig við litla umbun fyrir verk sín, held-
ur er hér um að ræða heilaþvott og
kúgun sem valdamenn hafa beitt
kvenfólkið til að vinna verk að hluta til
í sjálfboðavinnu.
Tímarnir hafa breyst og í „kvenna-
störfunum“ á sambýlum og víðar fer
karlmönnum fjölgandi. Það er stund-
um nauðsynlegt fyrir forstöðumenn
að hafa yfir að ráða 100 kg mönnum
eins og mér, eðlis starfsins vegna.
Eitt af því sem ég hef kynnst í mínu
starfi sem ófaglærður starfsmaður á
sambýli er nauðsyn þess að njóta leið-
sagnar faglærðs þroskaþjálfa. Sú
þekking sem þroskaþjálfinn hefur afl-
að sér gerir okkur hin að hæfara
starfsfólki. Okkur hættir oft til að
bregðast við hegðun þroskahefts ein-
staklings sem neikvæðu áreiti því
okkur skortir fagþekkingu og dýpri
skilning á hegðuninni. Sambýli á Ís-
landi verða aldrei vel rekin nema til
komi blanda af faglærðum og ófag-
lærðum starfsmönnum. Til þess að
jafnvægi megi nást verður ríkisvaldið
að greiða þroskaþjálfum laun með til-
liti til menntunar þeirra og mikilvæg-
is fyrir samfélagið.
Ég fullyrði að mörgum þroskaheft-
um einstaklingum sem eru í ummönn-
un hjá ríkinu líður illa í vistinni vegna
skorts á faglærðu starfsfólki.
Samningar þroskaþjálfa hafa verið
lausir í sex mánuði. Annars vegar
vegna slóðaskapar ríkisins og hins
vegar vegna vakningar meðal þroska-
þjálfa um að það beri að meta störf
þeirra meir en raun ber vitni. Það er
ekki bara þannig að símastúlka í
einkafyrirtæki hafi 50% hærri laun en
þroskaþjálfinn heldur eru ófaglærðir
starfsmenn í mörgum tilfellum orðnir
betur launaðir.
Yfir okkur vofir verkfall þroska-
þjálfa. Sú röskun sem því fylgir hefur
ekki einungis áhrif á okkur sem störf-
um með þeim heldur hef ég meiri
áhyggjur af þeim þroskaheftu ein-
staklingum sem missa lögbundna
þjónustu. Ég ætla ekki að reyna að
setja mig í spor foreldra þeirra en
fullyrði að komi til þessa verkfalls
mun mörgum eiga eftir að líða illa og
ég lýsi fullri ábyrgð á hendur samn-
inganefnd ríkisins og félagsmálaráð-
herra.
VALDIMAR LEÓ FRIÐRIKSSON,
stuðningsfulltrúi á sambýli fyrir ein-
hverfa, Björtuhlíð 6, Mosfellsbæ.
Kjarasamningar
þroskaþjálfa
Frá Valdimari Leó Friðrikssyni:
FRÁ þroskaþjálfum á Skálatúni:
Þar sem samningaviðræður
þroskaþjálfa við ríkið hafa ekki borið
árangur sjá þeir sig tilneydda til að
boða til verkfalls 1. júní næstkom-
andi.
Þroskaþjálfar eru sérmenntaðir til
að sinna fötluðum. Þeir sjá um upp-
eldi, umönnun, þjálfun og eru eina
stéttin sem hefur rétt til að sinna
þroskaþjálfun sem felur m.a. í sér að
gerðar eru markvissar þjálfunar-
áætlanir sem miða að því að auka
hæfni einstaklingsins til að takast á
við athafnir daglegs lífs. Ef til verk-
falls kemur mun öll þjónusta á
Skálatúni skerðast, engin starfsemi
verður á eftirtöldum stöðum:
Vinnustofur.
Sel (einstaklingsþjálfun).
Kjallari (þjálfun í kjallara
Úthlíðar).
Sundlaug Skálatúns
Þar sem engin vinnu og/eða þjálf-
unarúrræði standa til boða mun það
valda miklu aukaálagi á sambýlum
staðarins sem ekki hefur verið séð
fyrir endann á hvernig verður mætt.
Sú staða kann að koma upp að leitað
verði til aðstandenda svo halda megi
uppi lágmarksþjónustu innan heim-
ilis.
Þegar litið er á ábyrgð og skyldur
þroskaþjálfa í starfi eða laun þeirra
borin saman við laun annarra stétta
með sambærilegt háskólanám að
baki má ljóst vera að leiðrétta þarf
þann mikla launamun. Mikil hætta
er á að þroskaþjálfar týnist úr störf-
um vegna lélegra launa og fari í önn-
ur og betur metin störf, ef ekki nást
viðunandi kjarabætur núna.
Fyrir hönd þroskaþjálfa á Skála-
túni.
STEINUNN
GUÐMUNDSDÓTTIR,
Starengi 86, Reykjavík.
Opið bréf frá þroska-
þjálfum í Skálatúni
Frá Steinunni Guðmundsdóttur:
FRÉTTIR
FRÉTTARITARI hitti á dögunum
tvær dugnaðarstúlkur, sem sögðust
vera að safna fé fyrir Rauða kross
Íslands. Þær bökuðu sjálfar kökur,
sem þær seldu, og söfnuðu 1.473
krónum. Féð á að renna í söfnun
fyrir fátæk börn í Afríku. Þær vin-
konur eru ellefu ára og hafa fylgst
með fréttum af fátækt barna í Afr-
íku og ákváðu að bæta þar úr.
Morgunblaðið/Karl Ásgeir Sigurgeirsson
Sara Hafbergsdóttir og Fanney Dögg Guðmundsdóttir.
Söfnuðu fyrir
börn í Afríku
Hvammstanga. Morgunblaðið.
FJÁRÖFLUNARNEFND á vegum
Sambands íslenskra kristniboðs-
félaga stendur um þessar mundir
fyrir fjáröflunarátaki til styrktar
starfi sambandsins. Verður meðal
annars leitað símleiðis eftir framlög-
um frá einstaklingum.
Gert er ráð fyrir að starf SÍK kosti
á þessu ári um 22 milljónir króna.
Mestur hluti fjárins fæst með frjáls-
um framlögum kristniboðsvina.
Fimm kristniboðar hafa undanfarin
ár verið við störf á vegum SÍK í Ken-
ýa og einn í Eþíópíu. Þrír kristniboð-
anna í Eþíópíu koma heim í leyfi í
sumar. Íslensk stúlka, Salóme Huld
Garðarsdóttir, er nýlega komin til
starfa í Pókot-héraði í vesturhluta
Kenýa en hún hefur undanfarna
mánuði stundað nám í ríkismálinu,
svahílí í Nairobi.
Í frétt frá SÍK segir m.a. um starf-
ið ytra: „Starf lútersku kirknanna,
sem íslensku kristniboðarnir eru í
samstarfi við í Eþíópíu og Kenýa,
verður æ meira að vöxtum. Sífellt er
farið til nýrra staða til að boða fagn-
aðarerindið. Þannig var hafist handa
á tólf nýjum svæðum í Pókot-héraði í
síðasta mánuði. Söfnuðirnir eflast og
stækka og þeir þarfnast mikillar um-
hyggju og fræðslu og þar koma
kristniboðarnir mjög við sögu. Börn
og unglingar þyrpast í skólana og
hjúkrunarfólk er aldrei verkefna-
laust.“
Fjáröflunar-
átak til kristni-
boðsstarfs
Á UPPSTIGNINGARDAG efnir
Ferðafélag Íslands til 6–7 klst.
göngu á Reykjanes, um fáfarna en
fallega leið.
Ekið verður áleiðis að Keili og
gengið þaðan í átt að Þráinsskildi,
sem Þráinsskjaldarhraun dregur
nafn sitt af, þaðan stefnt á Stóra
Hrút og að lokum komið niður við
Slögu, skammt austan Grindavíkur.
Þótt leiðin sé nokkuð löng er að
mestu gengið í sömu hæð. Farar-
stjóri í þessari ferð verður Gestur
Kristjánsson og þátttökugjald er
1.500 kr. Brottför er frá BSÍ kl. 9:00
og komið verður við í Mörkinni 6 og
austan við kirkjugarðinn í Hafnar-
firði.
Reykjanes-
ganga á upp-
stigningardag
NÁMSRÁÐGJÖF Háskóla Íslands
efnir næstu daga til kynningarfunda
og áhugasviðskannana. Námsráð-
gjöfin býður margs konar þjónustu
meðan á nýskráningu stúdenta
stendur. Allt til 6. júní mun hún
standa fyrir kynningarfundum um
nám við Háskóla Íslands og ýmis
hagnýt atriði sem geta nýst nýnem-
um. Kynningarfundirnir eru hvern
virkan dag kl. 10:00 og 13:30 í stofu
II á fyrstu hæð aðalbyggingar Há-
skóla Íslands. Auk þessa munu
námsráðgjafar aðstoða nemendur
við útfyllingu umsóknareyðublaða í
anddyri aðalbyggingar Háskólans.
Er nemendur hafa skráð sig geta
þeir tekið áhugasviðskönnun Strong.
Áhugasviðskönnunin fer fram í stofu
IX í aðalbyggingu á afgreiðslutíma
Nemendaskrár frá kl. 10:00 til 16:00
hvern virkan dag og kostar 3.500 kr.
Ekki er hægt að borga með debet-
eða kreditkortum.
Hvert stefnir þú eftir stúdentspróf?
♦ ♦ ♦
HIN árlega landsbyggðarráðstefna
Sagnfræðingafélags Íslands og
Félags þjóðfræðinga verður haldin í
Stykkishólmi dagana 25.–27. maí nk.
í samvinnu við heimamenn.
Yfirskrift ráðstefnunnar er „Bók-
menning og daglegt líf við Breiða-
fjörð“. Dagskráin hefst á föstudags-
kvöld kl. 20:30 með því að safnast
verður saman í gömlu kirkjunni, en
kl. 21:00 hefst móttaka í Byggðasafni
Snæfellinga og Hnappdælinga.
Ráðstefnan verður formlega sett í
grunnskólanum í Stykkishólmi að
morgni laugardags kl. 9:00 og lýkur
um hádegi á sunnudegi með því að
leikhópur frá Ólafsvík kynnir leikrit-
ið Fróðárundur eftir Jón Hjartarson.
Efni fyrirlestranna verður fjölbreytt
og spannar tímabilið frá miðöldum til
samtímans. Fyrirlesarar verða Loft-
ur Guttormsson, sagnfræðingur,
Ólafur Rastrick, sagnfræðingur,
Erla Hulda Halldórsdóttir, sagn-
fræðingur, Kristrún Halla Helga-
dóttir, sagnfræðingur, Árni Björns-
son, þjóðháttafræðingur, Magnús A.
Sigurðsson, fornleifafræðingur,
Svavar Sigmundsson, nafnfræðing-
ur, Einar G. Pétursson, handrita-
fræðingur, Davíð Ólafsson, sagn-
fræðingur, Sverrir Tómasson,
bókmennta- og handritafræðingur,
Ólína Þorvarðardóttir, þjóðfræðing-
ur, Már Jónsson, sagnfræðingur, Ax-
el Kristinsson, sagnfræðingur,
Sverrir Jakobsson, sagnfræðingur,
og Rögnvaldur Guðmundsson, fram-
kvæmdastjóri.
Í tengslum við ráðstefnuna verður
boðið upp á skoðunarferð til Flateyj-
ar á laugardagskvöld og eftir hádegi
á sunnudegi verða Eiríksstaðir skoð-
aðir í fylgd kunnugra. Allar nánari
upplýsingar er að finna á heimasíð-
um félaganna, www.akademia.is/
saga og www.akademia.is/thjod-
fraedingar.
Bókmenning og daglegt
líf við Breiðafjörð