Morgunblaðið - 23.05.2001, Blaðsíða 8

FRÉTTIR
8 MIÐVIKUDAGUR 23. MAÍ 2001 MORGUNBLAÐIÐ
Barna- og stúlknakór Háteigskirkju
Uppskeruhátíð
vetrarins
Í KVÖLD verða tón-leikar Barna- ogstúlknakórs Háteigs-
kirkju í Háteigskirkju og
hefjast þeir klukkan 20.
Birna Björnsdóttir kór-
stjóri var spurð hvert væri
þema þessara tónleika.
„Ekkert sérstakt þema
er á tónleikunum. Tónleik-
arnir eru uppskeruhátíð
vetrarins. Flutt verður
blönduð dagskrá af verald-
legum og kirkjulegum lög-
um sem kórfélagar hafa
verið að æfa frá áramótum.
Báðir kórarnir syngja sam-
eiginlega og hvor í sínu lagi
kirkjuleg verk í upphafi
tónleikanna. Eftir það taka
við vor- og sumarlög sem
margir þekkja, svo sem
Alparós úr Söngvaseiði,
Fylgd eftir Sigurð Rúnar Jónsson,
einnig Fylgd eftir Sigursvein D.
Kristinsson og Kvæðið um fuglana
eftir Atla Heimi Sveinsson. Tón-
leikarnir nefnast Vinamál, en
Vinamál eftir Oscar Peterson er
uppáhaldslag félaganna í stúlkna-
kórnum.“
– Á hvaða aldri eru krakkarnir í
kórunum?
„Í barnakórnum eru 45 börn á
aldrinum 6 til 10 ára og í stúlkna-
kórnum eru 30 félagar á aldrinum
11 til 14 ára.“
– Hvað tekur við eftir fjórtán
ára aldur hjá kórfélögum?
„Framtíðarsýn mín hvað
stúlknakórnum viðkemur er að
félagar hans haldi áfram að syngja
og vaxa upp í þessum kór. Þetta er
aðeins fimmta starfsár kórsins og
stúlkurnar í honum voru áður í
barnakórnum og hafa haldið
áfram. Hugmynd mín er að skipta
kórunum í fleiri einingar eftir því
sem börnin vaxa upp þannig að ég
verði í framtíðinni með þrjá kóra,
þ.e. eldri og yngri deildir barna-
kórs og stúlknakór fyrir 12 ára og
eldri.“
– Hefur þú áður stjórnað svona
kirkjubarnakórum?
„Nei, þetta er fyrsti barnakór-
inn sem ég stjórna við kirkju. Að
stjórna barnakór krefst mikillar
útsjónarsemi og íhugunar af því að
val á viðfangsefnum verður að taka
mið af því sem vekur áhuga hjá
kórfélögum. Með öðrum orðum er
það grunnurinn að skapa viðfangs-
efni sem eru krefjandi en eiga góða
möguleika á því að skila árangri
þannig að áhugi barnanna haldist á
að starfa í kórnum. Bakgrunnur
minn sem tónmenntakennari hefur
verið mér mikill fengur þar sem í
námi mínu, samhliða kennslu í tón-
listargreinum, var mikil áhersla á
kennslu- og uppeldisfræði. Mín
reynsla er að tónmenntakennara-
námið sé afar góður undirbúning-
ur fyrir þetta starf, en kórstjórn er
stór þáttur í því námi.“
– Eru starfandi margir barna-
kórar við kirkjur landsins?
„Já, það eru margir barnakórar
starfandi við kirkjur landsins og ég
veit að margir „kollegar“ mínir eru
að gera frábæra hluti á þessum
vettvangi. Ég tel að það
sé mikill akkur fyrir
tónlistarlíf hverrar
kirkju að hafa blómleg-
an barnakór. T.d. get ég
sagt að börn læra mikið
um kirkjustarf almennt
í sambandi við söng í
barnakór, þetta starf færir börnin
og aðstandendur þeirra nær
kirkjustarfinu.“
– Erlendis hefur lengi verið al-
gengt að börn syngi í kirkjukórum,
hvenær hófst slíkt starf hér?
„Þetta var ekki til hér lengi vel,
líklega eru elstu barnakórarnir í
kirkjum landsins um tíu ára gaml-
ir. Aftur á móti hafa skólakórar
verið mun lengur við lýði hér á
landi.“
– Hvað með drengjakór?
„Það er svo undarlegt að dreng-
ir virðast ekki vera mikið í barna-
kórum nema það séu þá sérstakir
drengjakórar. Ég veit um einn
starfandi drengjakór í Reykjavík,
Laugarnesdrengjakórinn. Þangað
hafa farið nokkrir drengir sem
byrjuðu hér en urðu þreyttir á að
vera kannski þrír með sextíu stúlk-
um. Ég hef aldrei haft dreng í
kórnum sem hefur staðið lengur
við en einn vetur. Nú í ár hef ég
engan strák í barnakór Háteigs-
kirkju en þeir voru þrír fyrir ára-
mótin.“
– Er mikið starf fyrir krakka að
vera í kirkjukór?
„Hjá mér æfa börnin einu sinni í
viku hver hópur. Þau hafa skyldur
gagnvart Háteigskirkju og syngja
að jafnaði einu sinni í mánuði við
messur. Leggja þarf mikla áherslu
á félagslega þáttinn í kórstarfinu.
Við höfum gert töluvert af því að
fara út fyrir kirkjuna og syngja á
ýmsum stöðum í vetur. Ég hef lagt
á það áherslu í félagslífi kórsins að
tengjast starfsemi annarra barna-
kóra einnig. Ég hef t.d. haldið tón-
leika með öðrum kórstjórum og
verið í tengslum við aðra barna-
kóra. Núna síðast héldu barnakór-
arnir við Háteigskirkju
tónleika í Skálholts-
kirkju 1. maí sl. með
barna- og kammerkór
Biskupstungna, Barna-
kór Selfosskirkju,
Heimsljósum og Skóla-
kór Sólvallaskóla á Sel-
fossi. Ég tel að allar svona ferðir og
mót við aðra barnakóra séu mjög
lærdómsrík og auki áhuga
barnanna á kórstarfi. Ég hef
kynnst í þessu starfi hve mikla alúð
og einlægni börnin leggja í þau við-
fangsefni sem þau vinna að hverju
sinni. Þau gleðjast þegar fólk kem-
ur svo og hlustar á þau syngja.“
Birna Björnsdóttir

Birna Björnsdóttir fæddist 2.
apríl 1960 í Keflavík. Samhliða
skólagöngu í Keflavík stundaði
hún nám í píanóleik við Tónlistar-
skóla Keflavíkur. Eftir nám við
Fjölbrautaskóla Suðurnesja lauk
hún prófi frá Sjúkraliðaskóla Ís-
lands 1980 og starfaði m.a. við
Fjórðungssjúkrahúsið á Akureyri
og Geðdeild Landspítalans. Tón-
menntakennaraprófi lauk hún frá
Tónlistarskóla Reykjavíkur 1991
og hefur sérhæft sig í tónmennta-
kennslu og söngþjálfun barna og
unglinga. Frá hausti 1996 hefur
hún stjórnað barnakór Háteigs-
kirkju. Birna er gift Magnúsi
Ólafssyni, framkvæmdastjóra og
lektor við Háskólann á Akureyri,
þau eiga þrjú börn.
Börnin gleðj-
ast þegar
fólk kemur
og hlustar á
þau syngja
Sjávarútvegsráðherra er nú ekki að hafa fyrir því að smella kossi á andstæðinginn áður
en hann segir „Farvel Frans“.
SEGJA má að hreppstjórinn í
Grímsey, hann Bjarni Magnússon,
sé með eggjatínslu í genunum.
Hann hefur tengst bjargeggjatöku
frá 13 ára aldri, þegar hann byrj-
aði að teyma hest sem notaður var
við sigið. Í hans ungdæmi voru
eggin stór þáttur í lífi Gríms-
eyinga, því þá voru þau seld.
Alltaf var farin ein sjóferð frá
Gímsey í júní sem kölluð var
eggjaferð og þá sögðu Akureyr-
ingar: „Nú koma Grímseyj-
areggin.“
Það er mikil nákvæmni í kring-
um það að tína bjargegg og tíminn
verður að vera réttur. Spilar veðr-
áttan þar stórt hlutverk. Ef kulda-
kast er liggja fuglarnir fastar á og
eggjatínslutíminn styttist. Bjarg-
eggjatíminn er þetta frá 10. til 20.
maí. Nú í ár var byrjað að tína 13.
maí. Í gamla daga höfðu menn
ýmsar aðferðir við að geyma
bjargeggin. Þau voru sett í ösku,
sement og salt.
Nú er geymsluaðferðin eggja-
bakki og ísskápur, eggjunum er
svo snúið einu sinni í viku og þá
má geyma þau í heila þrjá mánuði.
Það er alltaf spennandi á vorin
þegar mennirnir fara að síga í
bjargið eða róið er út á mildum
dögum og eggin tínd frá klöppinni.
Ekki spillir fyrir að sumir segja
að eitt bjargegg, rétt soðið, sé á
við góða viagratöflu! Á þessum
tíma ársins einmitt innbyrða karl-
menn í Grímsey býsn af eggjum.
Undanfarin 30 ár hefur góður vin-
ur Bjarna hreppstjóra, Sigurður
Guðmarsson, slökkviliðsmaður í
Reykjavík, heimsótt Grímsey á
hverju vori til að komast með í
bjargið. Sigurði finnst vorkoman
dauf ef hann fer ekki í eggin. Svo
tengdur er Sigurður Grímsey að
hann hefur endurbætt sumarhús
hér og gert það að heilsárshúsi.
Metdagur í
Miðgarðaurð
Um helgina var metdagur hjá
þeim félögum, ásamt Magnúsi syni
Bjarna. Alls fluttu þeir heim úr
Miðgarðaurð á milli 800 og 900
egg. Til samanburðar má segja frá
því, að um 400–500 egg fengust á
sama stað og sama tíma í fyrra.
Það er almannarómur að aldrei
hafi sést annað eins af eggjum í
Grímsey sem nú. Mest er tínt af
langvíueggjum en að auki álkuegg,
síðast tína menn egg frá ritunni.
Að lokum viðurkenndi sigmað-
urinn og hreppstjórinn Bjarni að
nú þegar væri hann búinn að borða
15 bjargegg og sagðist engan veg-
inn vera búinn með vorskammtinn.
Hefur tengst bjargeggjatöku frá þrettán ára aldri
Morgunblaðið/Helga Mattína
Bjarni Magnússon hreppstjóri og Sigurður Guðmarsson slökkviliðsmaður fengu 8–900 egg á einum degi.
Aldrei fyrr hefur sést
annað eins af eggjum
Grímsey. Morgunblaðið.