Morgunblaðið - 23.05.2001, Blaðsíða 18

AKUREYRI
18 MIÐVIKUDAGUR 23. MAÍ 2001 MORGUNBLAÐIÐ
FÉLAGSMENN í Starfsmanna-
félagi Akureyrar, STAK, sem starfa
hjá ríkinu, felldu nýgerðan kjara-
samning við fjármálaráðherra fyrir
hönd ríkissjóðs með 10 atkvæða
mun í atkvæðagreiðslu í vikunni.
Félagsmenn STAK starfa hjá
Fjórðungssjúkrahúsinu á Akureyri,
Verkmenntaskólanum á Akureyri
og Heilsugæslustöðinni á Akureyri.
Á kjörskrá voru 269 en þar af
greiddu 183 félagsmenn atkvæði,
eða 68%. Nei sögðu 95 eða 52%, já
sögðu 85 eða 46%, auðir seðlar voru
þrír eða 2%. STAK skrifaði undir
samning við ríkið 27. apríl sl. með 12
öðrum félögum, sem öll hafa sam-
þykkt samninginn.
Arna Jakobína Björnsdóttir, for-
maður STAK, sagðist hafa vitað af
óánægju félagsmanna með samning-
inn en hún sagðist þó hafa vonast
eftir því að hann yrði samþykktur.
Áður höfðu félagsmenn STAK sem
starfa hjá Akureyrarbæ fellt samn-
ing við launanefnd sveitarfélaga frá
því fyrr í vetur. Félagið átti fund
með launanefnd sveitarfélaga í síð-
ustu viku og annar fundur hefur ver-
ið boðaður í næstu viku.
Arna Jakobína sagði að næsta
skref yrði að banka á dyrnar hjá rík-
isvaldinu á ný en trúnaðarmenn á
vinnustöðunum væru að ræða þá
stöðu sem upp er komin. Hún sagð-
ist uggandi yfir kjörum sinna félags-
manna.
„Það er geysileg óánægja hér með
laun og þá þróun sem átt hefur sér
stað í þjóðfélaginu, bæði hvað varðar
ýmsar verðhækkanir og þróun verð-
bólgunnar. Því finnst fólki upphafs-
hækkun samningsins ekki næg og
heldur ekki hækkunin á milli ára.“
Arna Jakobína sagði að á Akur-
eyri væru menn ósáttir og finnst
þeir hafa verið að dragast aftur úr
og að sú skoðun væri ekki bara
bundin við félagsmenn í STAK.
Samningurinn við ríkið sem felld-
ur var af félagsmönnum STAK átti
að gilda frá 1. apríl sl. og til 30. nóv-
ember 2004. Kjósa þurfti tvisvar um
samninginn en kosningin í síðustu
viku var ógild, þar sem ekki var
samræmi á milli kjörseðla og kjör-
krár.
Atkvæðagreiðsla í Starfsmannafélagi Akureyrar
Kjarasamningur
við ríkið felldur
REYNIR-ráðgjafastofa á Akureyri hefur sent
erindi til bæjarráðs þar sem lýst er áhuga á að
stofna hlutafélag um Menntasmiðjuna á Ak-
ureyri sem sjálfstætt fyrirtæki.
Kristján Már Magnússon sálfræðingur og
framkvæmdastjóri Reynis-ráðgjafastofu sagði
að hugmyndin væri að yfirtaka nafn og rekstur
Menntamiðjunnar og ná síðan samningum við
Akureyrarbæ um þau verkefni sem Mennta-
smiðjan hefur verið að sinna.
Kristján Þór Júlíusson bæjarstjóri á Akureyri
sagðist vera tilbúinn til þess að ræða mögulega
breytingu á eignarformi Menntasmiðjunnar,
ekki síst fyrir það m.a. að starfsfólk væri inni í
þeim hugmyndum. Bæjarráð hefur falið sviðs-
stjóra þjónustusviðs og bæjarlögmanni að ræða
við forsvarsmenn Reynis um nánari útfærslu á
hugmyndum þeirra.
Kristján Már sagði að þar sem þessi kjara-
samningsbundnu námskeið, m.a. við félagsmenn
Iðju-Einingar, væru að detta út, væri fyrirsjá-
anlegt að verkefnum Menntasmiðjunar fækkaði.
„Hugmyndir okkar ganga því út á að sameina
námskeiðsþáttinn hér hjá okkur og hjá Mennta-
smiðjunni. Við höfum verið með alls kyns nám-
skeiðshugmyndir sem margar hverjar hafa ekki
orðið að raunveruleika þar sem við höfum ekki
haft tíma til að skipuleggja hlutina og koma
þeim á framfæri.“
Kristján Már sagði margt nýtt að gerast og
m.a. að í stað þessara samningsbundnu nám-
skeiða sé hver stofnun á vegum Akureyrarbæj-
ar skuldbundin til að gera sérstaka endur-
menntunaráætlun. „Þar verða námskeið sem
þarf að sinna og Menntasmiðjan verður þá að
taka þátt í samkeppni við aðra aðila sem standa
fyrir námskeiðum.“
Starfsemin farið vaxandi
Hjá Reyni-ráðgjafastofu eru tæplega þrjú
stöðugildi en 4,5 stöðugildi hjá Menntasmiðj-
unni og sagði Kristján Már að þar af væri eitt
stöðugildi í þessum samningsbundnu námskeið-
um.
Starfsemin hjá Reyni-ráðgjafastofu er fjór-
þætt og fer stöðugt vaxandi. Í fyrsta lagi er
klíníski þátturinn þar sem fyrirtækið er með
samninga við ýmsa aðila, m.a. Meðferðarheim-
ilið á Laugalandi, Akureyrarbæ og Menntaskól-
ann á Akureyri. Í öðru lagi er námskeiðsþáttur,
m.a. þessi stjórnendanámskeið. Í þriðja lagi út-
gáfa og sala á ýmiss konar námskeiðsefni og í
fjórða lagi er það rannsóknarþátturinn en fyr-
irtækið er m.a. að ganga frá samningi við
Barnaverndarstofu um úttekt á öllum meðferð-
arheimilum í landinu.
Sinnir almennri símenntun
Hlutverk Menntasmiðjunnar er að sinna al-
mennri símenntun fyrir Akureyri og nágrenni,
bjóða upp á nám í lífsleikni og sinna ýmsu nám-
skeiðshaldi fyrir starfsfólk bæjarins og fyrir
Svæðisvinnumiðlun. Menntasmiðjan er eins kon-
ar miðstöð um almenna símenntun en stærstu
verkefnin hafa verið Menntasmiðja kvenna,
Vinnuklúbburinn og annað nám fyrir fólk í
starfsleit, auk samningsbundinna námskeiða.
Einnig hefur Menntasmiðjan staðið fyrir kvöld-
og helgarnámskeiðum fyrir konur og karla.
Áhugi er á stofnun hluta-
félags um Menntasmiðjuna
NÓTASKIPIÐ Súlan EA hélt
áleiðis í Síldarsmuguna um há-
degisbil í gær. Skipið hefur við-
komu í Neskaupstað, þar sem
síldarnótin verður tekin um borð.
Skipverjar Súlunnar eiga langa
siglingu fyrir höndum en Bjarni
Bjarnason skipstjóri sagði að sigl-
ingin á miðin væri um 500 mílur
og hann reiknar með að koma
þangað á föstudag eða laugardag.
Hann sagði að einhver skip væru
þegar farin af stað en að eitthvað
lítið hefði frést af veiði.
Morgunblaðið/Kristján
Nótaskipið Súlan EA heldur frá Akureyri um hádegisbil í gær.
Haldið í Síldarsmuguna
GLERÁRKIRKJA: Messa
verður í kirkjunni kl. 14 á
morgun, uppstigningardag.
Karlakór Akureyrar syngur.
Séra Birgir Snæbjörnsson pre-
dikar og þjónar fyrir altari.
Kaffiveitingar verða í safnaðar-
sal að lokinni athöfn þar sem
karlakórinn syngur einnig
nokkur lög.
MÖÐRUVALLAKIRKJA:
Guðsþjónusta verður fyrir allt
prestakallið í Möðruvallakirkju
á uppstigningardag, 24. maí.
Guðsþjónustan hefst kl. 14:00
og er fyrir alla aldurshópa, en
aldraðir eru boðnir sérstaklega
velkomnir. Sr. Gylfi Jónsson
predikar og sóknarprestur
þjónar fyrir altari.
Kirkjukaffi með söng á
prestssetrinu á eftir.
Kirkjustarf
TÓNLEIKAR verða haldnir í
Laugaborg, Eyjafjarðarsveit á
morgun, fimmtudaginn 24. maí,
kl. 17.
Þar leikur Helgi Heiðar Stef-
ánsson á píanó. Helgi Heiðar er
nemandi í 8. stigi og er nú að
hverfa frá námi við Tónlistar-
skólann á Akureyri til fram-
haldsnáms í píanóleik.
Píanótón-
leikar í
Laugaborg
AÐ HREYFA sig og hjúfra heitir
bók eftir Þóru Þóroddsdóttur
sjúkraþjálfara sem nýlega er komin
út. Bókin er þýdd úr færeysku af
höfundi, sem búið
hefur í Færeyj-
um síðustu ár.
Bókin er að
sögn Þóru um
skynjun okkar
allra og þjóðveg-
inn eða hrað-
brautina sem við
flest kjósum að
fara. „Hún er um
leiðina, sem barn-
ið velur óafvitandi til vaxtar og
þroska og um það hvernig við sækj-
um á brattann og þreifum fyrir okk-
ur til að ná áttum og lifa í samhljómi
við líðandi stund,“
Þóra hefur verið sjúkraþjálfari í
færeyska skólakerfinu og sinnt þar
fyrst og fremst hreyfifötluðum börn-
um, börnum með alvarlega en af-
markaða og skilgreinda fötlun.
Smám saman lengdist biðlisti þeirra
barna sem ekki höfðu fengið grein-
ingu og höfðu ekki sjáanlega fötlun,
m.a. barna sem voru líkamlega lin-
gerð og þunglamaleg, höfðu veikt
sjálfsálit, viðkvæm og áttu erfitt með
að einbeita sér en voru að öðru leyti
venjuleg og greind börn. Þóra segir
að þessi börn hafi fyllt huga sinn og
hún hafi fundið hjá sér hvöt til að
grípa í taumana og segja frá.
Í bókinni kallar hún þessi börn
skynreiðubörn, en hún hafi valið orð-
ið reiða sem andstæða óreiðu. „Þetta
eru börn sem eiga erfitt með að
vinna úr þeirri fjölbreytilegu reynslu
sem við í sífellu og látlaust verðum
fyrir þannig að úr verði skipulögð
heild,“ sagði Þóra en hún telur að
ekki færri en eitt til tvö börn í hverri
bekkjardeild og hverri leikskóla-
stofu eigi í þessum örðugleikum.
Þóra segir flest skynreiðubörn
hafa átt of væra fósturtilveru og þau
fæðist reynslusnauð á tveimur skyn-
sviðum, snertiskyni og þyngdar-
skynsviði. Þau reyni ekki að vinna
upp það sem þau hafi farið á mis við
heldur fara sér hægt og verjast
áframhaldandi áreiti.
Í bókinni er stuðst við rannsóknir
og niðurstöður erlendra fræði-
manna, en undirrót textans er skoð-
un Þóru og meðferð á u.þ.b. 250 fær-
eyskum börnum.
Bókin er 197 blaðsíður að stærð og
unnin hjá Ásútgáfunni á Akureyri.
Þóra heldur fyrirlestur um efni
bókarinnar á Hótel KEA í kvöld,
miðvikudagskvöldið 23. maí kl. 20.
Fyrirlesturinn er öllum opinn.
Bókin Að
hreyfa sig
og hjúfra
komin út
Þóra
Þóroddsdóttir
Í NORÐANNEPJUNNI komu að
landi tengdafeðgarnir Ólafur
Guðmundur Jóhannesson og
Kristinn Gunnarsson. Veiði dags-
ins var mestmegnis þari eftir
norðanhretið. Ólafur og Kristinn
gera út Sómabátinn Fjólu, sem
ber nafn móður Kristins og er út-
gerðin ung, rétt um eins árs.
Grásleppuvertíðin spannar tíma-
bilið frá marslokum og fram í
júní og gekk þokkalega framan
af. Einn annar bátur hefur verið
á grásleppu hér í Grímsey, fyrir
utan Fjólu.
Þeir tengdafeðgarnir Ólafur og
Kristinn sögðu einum rómi að
mjög lélegt verð hefði áhrif á
veiðarnar. Ólafur sagði framtíð-
ina óljósa hvað grásleppuveiðar
snerti því að menn hefðu farið af
stað frá Landssambandinu með
verðið 50–60.000 kr. fyrir tunn-
una.
En reyndin væri önnur, engu
væri líkara en samtök væru um
verð. Fyrir ekki lengri tíma en
þremur árum hefði verðið verið
65–70.000 kr. fyrir tunnuna en í
dag fá menn 40.000 kr. fyrir
tunnu, hvert sem leitað er. Og
taki nú hver fyrir sig fram stærð-
fræðikunnáttuna og þá er ekki
lengi verið að sjá hrunið sem hef-
ur orðið á grásleppumarkaðnum.
Þetta er fyrsta vertíð Kristins en
Ólafur á lengri grásleppusögu, þó
með drjúgu hléi. Fjórtán ára fór
Ólafur eina vertíð með föður sín-
um en hét því þá að aldrei skyldi
hann á grásleppu á ný því að grá-
sleppunetin voru alltaf full af
þara. En eitthvað breyttist og
Ólafur hefur verið á grásleppu
síðustu fimm árin.
Ólafur og Kristinn hafa fengið
36 tunnur það sem af er vertíð.
Grásleppukarlar í Grímsey óánægðir með verðið
Verðhrun
á síðustu
árum
Morgunblaðið/Helga Mattína
Kristinn Gunnarsson og Ólafur Guðmundur Jóhannesson á Fjólunni.
Grímsey