Morgunblaðið - 23.05.2001, Blaðsíða 60
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 23. MAÍ 2001 VERÐ Í LAUSASÖLU 165 KR. MEÐ VSK.
MEIRIHLUTI þess ófaglærða starfs-
fólks, sem starfar hjá Hafnarfjarð-
arbæ og er í Verkalýðsfélaginu Hlíf,
samþykkti miðlunartillögu rík-
issáttasemjara í atkvæðagreiðslu í
gær og hefur verkfalli starfsfólksins
verið aflýst. Launanefnd sveit-
arfélaga hafði einnig samþykkt til-
löguna þannig að kjarasamningur
telst vera kominn á.
Atkvæðagreiðslan fór þannig að
74% þeirra 236 félagsmanna sem
tóku þátt samþykktu miðlunartillög-
una eða 175 manns, 58 greiddu at-
kvæði gegn henni, eða 25%, og 3
seðlar voru auðir og ógildir, eða 1%
greiddra atkvæða. Á kjörskrá voru
400 félagsmenn Hlífar þannig að
kjörsókn var 59%.
Eftir að niðurstaða atkvæða-
greiðslunnar lá fyrir í gærkvöldi
hófst ræsting í nokkrum skólum og
hefja leik- og grunnskólar bæjarins
starfsemi að nýju í dag samkvæmt
stundaskrá og áætlun.
Verkfall hafði staðið samfleytt yf-
ir frá 13. maí sl. og leitt m.a. til lok-
unar leikskóla og grunnskóla í Hafn-
arfirði. Heimaþjónusta aldraðra
hafði einnig legið niðri að mestu.
Hefði viljað meiri þátttöku
Sigurður T. Sigurðsson, formaður
Hlífar, sagðist í samtali við Morg-
unblaðið aldrei vera sáttur við lok
kjaradeilu með miðlunartillögu og
auk þess hefði hann viljað sjá betri
þátttöku í atkvæðagreiðslunni.
Að sögn Sigurðar gekk miðl-
unartillagan út á það að kjarasamn-
ingur, sem félagsmenn Hlífar höfðu
áður fellt, yrði samþykktur auk við-
bóta upp á eins launaflokks hækkun
og óbreytta afturvirkni samnings-
ins.
Félagar í Hlíf samþykktu miðlunartillögu sáttasemjara
Starfið í skólunum
hefst að nýju í dag
Morgunblaðið/Sigurður Jökull
Ræsting í grunnskólum fór á fullt í gærkvöldi eftir lausn verkfallsins og
í Víðistaðaskóla þurfti að þrífa salerni sem önnur húsakynni skólans.
FÖLSUÐUM húsbréfum var fram-
vísað í a.m.k. þremur verðbréfafyrir-
tækjum í Reykjavík í gær og tilraunir
gerðar til að svíkja út margar millj-
ónir. Þetta mun vera í fyrsta skipti
sem reynt er svíkja út fé með föls-
uðum húsbréfum hér á landi.
Sigurður Geirsson, sviðsstjóri fjár-
mögnunar- og fjárstýringarsviðs
Íbúðalánasjóðs, segir að fyrsta til-
kynning um fölsuð húsbréf hafi komið
nokkru fyrir klukkan þrjú. Tvær til
viðbótar bárust innan klukkustundar.
Alls var tilkynnt um 15–20 fölsuð hús-
bréf. Þau voru öll í 2. flokki 1998.
Íbúðalánasjóður sendi strax tilkynn-
ingu um falsanirnar til Verðbréfa-
þings.
Sigurður segir að auðveldlega megi
kanna hvort húsbréf sé falsað. „Öll
húsbréf eru prentuð á sérstakan ör-
yggispappír til að tryggja að ekki sé
hægt að stunda viðskipti með fölsuð
húsbréf.“ Í húsbréfunum er vatns-
merki með íslenska skjaldarmerkinu í
pappírnum. Með því að bregða þeim
undir ljós má því ganga úr skugga um
hvort bréfið sé falsað eða ekki.
Sigurður bendir einnig á að hvert
einasta húsbréf sé skráð hjá Íbúða-
lánasjóði. Þar er hægt að kanna hvort
búið sé að gefa út viðkomandi húsbréf
eða innleysa það.
Landsbréf hf. er eitt þeirra fyrir-
tækja sem reynt var að svíkja fé út úr
með fölsuðum húsbréfum. Hermann
Jónasson, forstöðumaður verðbréfa-
sviðs, segir að mennirnir hafi komið
inn í afgreiðslu fyrirtækisins skömmu
eftir hádegi með nokkurra mínútna
millibili. Þeir hafi lagt fram húsbréf
að verðmæti um 10 milljónir króna og
óskað eftir því að fjárhæðin yrði lögð
inn á reikning þeirra. „Þarna voru
greinilega fagmenn á ferð,“ segir
Hermann Jónasson. Starfsmenn átt-
uðu sig þó á því að ekki var allt með
felldu og fengu síðan staðfest hjá
Íbúðalánasjóði að bréfin væru fölsuð.
Hermann segist þakka það vel skipu-
lögðu vinnuferli að það skyldi hafa
tekist að stöðva viðskiptin.
Reynt að svíkja út fé með
fölsuðum húsbréfum
Á SÍÐUSTU árum hafa íslensk
stjórnvöld á markvissan hátt aukið
mjög virka þátttöku í starfi Atlants-
hafsbandalagsins (NATO) til að
koma eftir mætti í veg fyrir að Ís-
lendingar verði utanveltu í ákvörð-
unum um öryggismál í Evrópu.
Þetta kom fram í erindi sem dr. Val-
ur Ingimundarson sagnfræðingur
flutti á ráðstefnu um öryggismál í
Finnlandi um síðustu helgi.
Valur sagði að Íslendingar hefðu
lengst af haldið sig mjög til hlés þeg-
ar kom að ákvörðunum í NATO og
hefði það verið talið eðlilegt í ljósi
þess að þjóðin væri ekki með eigin
her. En á síðustu árum hefðu þeir
ákveðið að leggja fram stóraukið fé
og mannafla til friðargæslu á Balk-
anskaga og beitt sér ákaft fyrir því
að sex evrópsk aðildarríki banda-
lagsins, sem ekki eru í Evrópusam-
bandinu, fengju að hafa áhrif á
stefnu sambandsins þegar kæmi að
væntanlegu hraðliði, Evrópuhern-
um. Gert er ráð fyrir að hraðliðið fái
aðgang að búnaði NATO.
„Að baki þessari stefnumörkun er
sá vandi sem ráðamenn þjóðarinnar
hafa staðið andspænis jafnt í örygg-
ismálum sem í efnahags- og stjórn-
málum; hvernig koma skuli í veg fyr-
ir að staða Íslands utan Evr-
ópusambandsins valdi því að þjóðin
verði gersamlega á jaðrinum við
töku ákvarðana í Evrópumálum,“
sagði Valur Ingimundarson í erindi
sínu í Helsinki.
Vilja forðast
einangrun
Stofnun Evrópuhers/10
Íslensk stjórnvöld hafa markvisst
aukið virka þátttöku í NATO
RÖSKUN varð á millilandaflugi
Flugleiða í gær þegar farangursvagni
var ekið utan í Boeing 757-vél félags-
ins sem stóð á flughlaðinu við Leifs-
stöð og brottför til Glasgow var í und-
irbúningi. Mótorhlíf vélarinnar
skemmdist það mikið að brottför var
aflýst og farþegar, sem flestir voru
komnir um borð, kallaðir inn í Leifs-
stöð á ný.
Vélin var tekin inn í flugskýli Flug-
leiða og stóð viðgerð yfir fram á kvöld.
Búist var við að vélin yrði tekin í notk-
un að nýju í dag.
Flestir voru farþegarnir að koma
frá Bandaríkjunum og á leið til Evr-
ópu. Samkvæmt áætlun átti vélin að
leggja af stað um kl. 8 í gærmorgun
en vegna óhappsins frestaðist brott-
för til hádegis. Til að koma farþeg-
unum á áfangastað fengu Flugleiðir
að láni Boeing 737-vél frá Íslandsflugi
auk þess sem nokkrir farþegar tóku
tengiflug til London með annarri vél.
Vél Íslandsflugs kom til baka frá
Glasgow síðdegis en þá höfðu tvær
vélar Flugleiða, sem áttu að fljúga til
Bandaríkjanna, beðið um stund.
Röskun á millilanda-
flugi Flugleiða í gær
Farangurs-
vagn rakst
utan í
Boeing-vél
ÞROSKAÞJÁLFAR settu fram til-
boð í gær til lausnar kjaradeilunni
við Reykjavíkurborg á samninga-
fundi hjá ríkissáttasemjara. Annar
fundur hefur verið boðaður síðdegis í
dag og er þá reiknað með svari frá
samninganefnd borgarinnar.
Að sögn Sólveigar Steinsson, for-
manns Þroskaþjálfafélags Íslands,
er staðan í kjaradeilunni óljós en
þroskaþjálfar hjá borginni hafa verið
í verkfalli síðan á föstudag. Hún
sagði róðurinn þungan í viðræðunum
og að staðan væri enn verri gagnvart
ríkinu. Fundur með samninganefnd
ríkisins er ekki fyrr en á mánudag.
Þroskaþjálfar
lögðu fram tilboð
FÆREYSKA útgerðarfélaginu
Smyril Line hefur tekist að safna
nægilegu fé til að greiða fyrstu af-
borgun af nýrri ferju sem smíðuð
verður í Þýskalandi. Í upphafi árs leit
út fyrir að hætt yrði við smíðina þar
sem útgerðin virtist vera komin í
þrot.
Kostnaður við smíði nýrrar Nor-
rænu nemur um 7 milljörðum ísl. kr.
en hún á að leysa Norrænu af á leið-
inni milli Íslands, Færeyja, Noregs,
Danmerkur og Hjaltlandseyja. Hefur
Smyril Line nú tekist að safna 1,4
milljörðum kr. og á nú ríflega 2 millj-
arða. Hefur útgerðin þegar greitt ríf-
lega 420 milljónir til skipasmíða-
stöðvarinnar í Flensborg sem samið
hafði verið við. Stendur til að hin nýja
Norræna verði sjósett í mars 2003.
Opinber sjóður á Hjaltlandseyjum
hefur lagt til 600 milljónir til Smyril
Line. Þá hafa íslenskir fjárfestar,
sem einnig hafa hag af komu ferjunn-
ar, keypt hlut fyrir tæplega 120 millj-
ónir ísl. kr.
Nægt fé til að hefja
smíði Norrænu
Kaupmannahöfn. Morgunblaðið.