Morgunblaðið - 23.05.2001, Blaðsíða 20

Vorhátíð í leik-
skóla Aðaldæla
Aukin samkeppni í verslun
VERSLUNIN Bland í poka ehf. á
Hvammstanga hefur opnað matvöru-
deild í verslun sinni. Kaupfélagið á
staðnum hefur annast matvörusölu
eitt á staðnum í um áratug, en lítil
matvöruverslun er á Laugarbakka.
Eigendur Blands í poka eru Skúli
Guðbjörnsson og Ester Jónsdóttir og
segja þau mikinn áhuga hafa verið hjá
viðskiptavinum fyrir aukinni þjón-
ustu. Að sögn munu verða sértilboð á
matvöru í hverri viku.
Þau hjón reka verslun sína í nýju
iðngörðunum, sem kallast Strand-
bær. Fyrir skömmu keyptu þau full-
komna framköllunarsamstæðu og
veita þjónustu í ljósmyndaframköllun
í Húnaþingi vestra ásamt stóru svæði
umhverfis.
Morgunblaðið/Karl Ásgeir Sigurgeirsson
Skúli Guðbjörnsson og Ester Jónsdóttir í verslun sinni á Hvammstanga.
Hvammstangi
Fullkomnasti jarðbor landsins borar
fyrir Hitaveitu Egilsstaða og Fella
Morgunblaðið/Steinunn Ásmundsdóttir
Bent Einarsson, forstjóri Jarðborana, t.v., og Guðmundur Davíðsson,
framkvæmdastjóri Hitaveitu Egilsstaða og Fella, undirrita samning um
borun nýrrar veituholu í Urriðavatni í Fellum.
HITAVEITA Egilsstaða og Fella,
HEF, hefur undirritað verksamning
við Jarðboranir. Bora á tveggja km
djúpa virkjunarholu í Urriðavatn og
vonast er til að ná 49 sek./l af allt að
78° C heitu vatni. Nýja holan verður
öryggis- og veituhola til lengri tíma
litið, en HEF notar nú eina holu sem
gefur 46 sekúndulítra af 76° C heitu
vatni og tvær aðrar sem úr fæst
57° C og 64° C heitt vatn.
Til þess að geta notað tvær þær
síðasttöldu þarf að kynda vatnið með
svartolíu og er það gert á mestu
álagstímum. Meðaldagsþörf veitu-
svæðisins er 27 sek./l. Dýpsta holan
á Urriðavatnssvæðinu er um 1,6 km
og verður farið inn í sama sprungu-
kerfi með nýju holuna.
Sleipnir, nýjasti og fullkomnasti
jarðbor landsins, verður notaður til
verksins. Í áhöfn hans eru fjórtán
menn og verður unnið á vöktum all-
an sólarhringinn. Reiknað er með að
verkinu ljúki í endaðan júní.
Forstjóri Jarðborana, Bent Ein-
arsson, sagði við undirritun samn-
ingsins að langt væri síðan fyrirtæk-
ið hefði leitað að heitu vatni á
Austurlandi. Undirbúningsrann-
sóknir verksins væru mjög góðar og
full ástæða til að vænta góðs árang-
urs af verkinu. Borunin mun á mæli-
kvarða Jarðborana teljast nokkuð
stórt verk á lághitasvæði, en fyrir-
tækið sinnir verkefnum víða um
heim, bæði á lág- og háhitasvæðum.
Sóknarprestur hefur blessað
virkjunarsvæðið og varð Guðmundi
Davíðssyni, framkvæmdastjóra
HEF, það að orði að gott væri nú að
vera í beinu sambandi bæði upp og
niður.
Kostnaður við borun og virkjun er
áætlaður 65 til 70 milljónir króna.
Sleipnir borar
virkjunarholu
í Urriðavatn
Egilsstaðir
LANDIÐ
20 MIÐVIKUDAGUR 23. MAÍ 2001 MORGUNBLAÐIÐ
NÚ UM helgina voru gefin saman í
hjónaband í Víkurkirkju Stephanie
Ann Dillon og John Kimball Ed-
wards frá Atlanta í Bandaríkjunum.
Það var séra Haraldur M. Krist-
jánsson, prófastur í Vík, sem gifti
þau og var öllum sóknarbörnum
Víkursóknar boðið að vera viðstödd
giftinguna.
Þau völdu Víkurkirkju vegna þess
að fyrir ári voru þau á ferðalagi á Ís-
landi og heilluðust af náttúru og um-
hverfi Mýrdalsins þannig að þegar
þau voru á gangi um Víkurfjöru bað
John Stephanie að giftast sér. Við
athöfnina söng Kór Víkurkirkju,
stúlkur úr barnakór Grunnskóla
Mýrdalshrepps sungu undir stjórn
Önnu Björnsdóttur og tveir ein-
söngvarar sungu einsöng og tvísöng.
Um allan undirleik sá organisti Vík-
urkirkju, Krisztína Szklenár.
Brúðkaupsveislan var síðan hald-
in á Hótel Höfðabrekku og var sam-
kvæmt bandarískri venju.
Brúðhjónin vilja koma á framfæri
þakklæti til allra sem gerðu þeim
þennan dag ógleymanlegan.
Brúðhjónin stilltu sér upp fyrir myndatöku á tröppum Víkurkirkju með
Víkurþorp og Reynisdranga í bakgrunni.
Morgunblaðið/Jónas Erlendsson
Brúðhjónin ganga út úr Víkurkirkju undir krosslögðum
sverðum heiðursvarða.
Gifting að hermanna-
sið í Víkurkirkju
Mýrdalur
VIÐ ODDA- og Þykkvabæjarkirkj-
ur starfa kirkjukórar undir stjórn
Magnúsar Ragnarssonar sem leikur
á orgel í kirkjunum. Við báðar er auk
þess kenndur stúlknakór sem Nína
María Morávek á Hellu stjórnar.
Kórarnir héldu sameiginlega tón-
leika í Þykkvabæjarkirkju 13. maí,
m.a. til að fagna endurbótum á kirkj-
unni en gólf hennar skemmdist mik-
ið í jarðskjálftunum í fyrra. Lagt hef-
ur verið nýtt viðargólf auk þess sem
hljómburður hefur verið stórbættur.
Á efnisskrá voru trúarleg og ver-
aldleg kórverk, íslensk og erlend,
gömul og ný og mátti hlýða á verk
jafnólíkra höfunda og Atla Heimis
Sveinssonar, Þorkels Sigurbjörns-
sonar, Jórunnar Viðar, Björgvins Þ.
Valdimarssonar, Mozarts, Bruckn-
ers, Saint-Saëns, Eric Claptons og
Andrew Lloyd Webbers. Fyrri hlut-
inneinkenndist af angurværum og
undurblíðum Maríukvæðum eftir ís-
lenska höfunda og sungu sameinaðir
kirkjukórarnir og stúlknakórinn til
skiptis. Eftir hlé sungu kórarnir fjöl-
breytta sálma, þjóðlög og popplög
við góðar undirtektir áheyrenda.
Hátíðar-
tónleikar
Hella
Morgunblaðið/Aðalheiður Högnadóttir
Stúlknakór Þykkvabæjar- og Oddakirkna gladdi hjörtu áheyrenda á hátíðartónleikum í
Þykkvabæjarkirkju, stjórnandi er Nína M. Morávek.
VEISLUHÖLD og gleði voru í
leikskólanum Barnaborg í Aðaldal
í vikunni þegar verið var að út-
skrifa skólahópinn, en svo nefnist
sá hópur barna sem nú yfirgefur
skólann og fer í 1. bekk Hafra-
lækjarskóla að hausti.
Foreldrar mættu til þess að
vera með í hátíðarhöldunum og
voru bakaðar vöfflur og fleira góð-
gæti, sem boðið var upp á, en áður
voru skemmtiatriði sem börnin sáu
um undir leiðsögn starfsfólks skól-
ans.
Næstelstu börnin sýndu „Geit-
urnar þrjár“ við góðar undirtektir
og höfðu öll börnin gaman af að
taka þátt í að gera daginn
skemmtilegan.
Hefð er að verða fyrir ýmsum
tyllidögum í leikskólastarfinu í Að-
aldal og er almenn ánægja með þá
aðstöðu sem nýlega er búið að
koma upp í nýju húsi við Iðjugerði.
Laxamýri
Morgunblaðið/Atli Vigfússon
„Geiturnar þrjár“ gerðu lukku hjá áhorfendum.