Morgunblaðið - 29.05.2001, Blaðsíða 4

FRÉTTIR
4 ÞRIÐJUDAGUR 29. MAÍ 2001 MORGUNBLAÐIÐ
Til sölu MMC Pajero GLS 3200
turbo diesel, 5 dyra, sjálfskiptur,
nýskráður 25.05.2000, ekinn
24.000 km, leðurinnrétting, sól-
lúga, álfelgur.
Ásett verð 4.250.000 km.
UM klukkustund leið frá því
sprengjuhótunin fannst um borð í
júmbó-þotu United Airlines þar til
vélin lenti á Keflavíkurflugvelli.
Farþegum um borð í vélinni var
ekki sagt frá hótuninni en var þess í
stað tjáð að vélin þyrfti að lenda á
Íslandi þar sem einhver um borð
þyrfti á læknishjálp að halda.
Mark og Margaret Yackel-Juleen
sögðu í samtali við Morgunblaðið í
gær að allir um borð hefðu haldið ró
sinni eftir að flugstjórinn las upp til-
kynningu um að vélinni hefði verið
snúið til Íslands. „Skömmu áður en
við lentum kom tilkynning um að
allir yrðu skilja persónulega muni
eftir í vélinni og að fólk þyrfti að yf-
irgefa vélina hratt en skipulega.“
Þá rann upp fyrir honum og eig-
inkonu hans, Margaret, að ástæðan
fyrir því að vélinni var snúið til Ís-
lands væri önnur en sú að útvega
læknishjálp. Þegar þau sáu slökkvi-
liðsbílana við flugbrautina og hina
miklu öryggisgæslu töldu þau að
eitthvað hlyti að vera að vélinni. Að
þeirra sögn héldu þó allir um borð
ró sinni.
Þau Thomas og Helga Berninger
sögðu áhöfnina hafa staðið sig mjög
vel. Þau hafi þó fljótlega gert sér
grein fyrir því að eitthvað annað en
veikindi lágu að baki þeirri ákvörð-
un flugstjórans að snúa vélinni til Ís-
lands. Áhöfnin hefði t.d. ekki óskað
eftir því að læknir gæfi sig fram líkt
og vaninn væri þegar einhver veikst
í flugi. Þau Thomas og Helga voru
ásamt tveimur börnum sínum á leið
til Las Vegas í Bandaríkjunum en
höfðu fyrir löngu misst af tengiflugi
frá Chicago enda seinkaði brottför
frá Frankfurt um hátt í fjórar
klukkustundir. Þegar Morgunblaðið
ræddi við þau var ekki ljóst hvenær
þau myndu halda ferð sinni áfram.
„Ég býst samt ekki við að verja sum-
arfríinu í Reykjavík,“ sagði Thomas.
Enginn undir grun
Lögreglan á Keflavíkurflugvelli
yfirheyrði áhöfn vélarinnar í gær en
áhöfnin gat ekki bent á neinn sem
hefði hagað sér grunsamlega. Að
sögn Jóhanns R. Benediktssonar,
sýslumanns á Keflavíkurflugvelli,
liggur enginn undir grun um að
hafa skrifað hótunina. Bandaríska
alríkislögreglan, FBI, óskaði í gær
eftir því að fá vélina til Bandaríkj-
anna sem fyrst til að stofnunin gæti
haldið rannsókn áfram. „Þetta er
bandarísk vél og það sem gerist um
borð heyrir undir bandaríska refsi-
lögsögu. Okkar hlutverk er fyrst og
fremst að gera viðeigandi örygg-
isráðstafanir og tryggja að hugs-
anleg sönnunargögn spillist ekki.
Við látum þá síðan hafa þau gögn
sem við höfum,“ segir Jóhann.
Jóhann segir að í gærkvöldi hafi
áhöfnin greitt um það atkvæði hvort
þau treystu sér til að flúgja vélinni
áfram áður en fullkomin en tíma-
frek sprengjuleit væri framkvæmd.
Áhöfnin neitaði að fljúgja áfram
með 11 atkvæðum gegn sjö. Ekki
var ljóst í gærkvöldi hvenær vélinni
yrði flogið til Bandaríkjanna.
Sprengjuhótun um borð í flugvél með 321 farþega innanborðs
Farþegum sagt að
einhver um borð
þyrfti læknishjálp
Morgunblaðið/RAX
Thomas, Steffen, Julia og Helga Berninger voru á leið til Las Vegas.
Morgunblaðið/RAX
Margaret og Mark Yackel-Juleen ásamt Elizabeth, Andrew og Elia.
FORSETI Alþingis, Halldór Blöndal,
fékk í gær áheyrn hjá Haraldi Nor-
egskonungi í Ósló en opinberri heim-
sókn forsetans lýkur í dag. Einnig
ræddi Halldór við Jens Stoltenberg
forsætisráðherra og Thorbjørn Jagl-
and utanríkisráðherra. Sagði Halldór
að þeir hefðu lagt áherslu á að sam-
skipti þjóðanna væru góð enda
byggðust þau á gömlum grunni.
„Konungur er mikill Íslandsvinur
og viðkunnanlegur maður. Ég ræddi
einnig lítillega við Jagland utanríkis-
ráðherra og Stoltenberg forsætisráð-
herra um helstu mál sem nú eru á
döfinni og ljóst er að þeir hafa áhuga
á að vita hvað við erum að hugsa um
Evrópumálin. Einnig var athyglis-
vert að heyra hvað Stoltenberg var
áhugasamur um Íslenska erfðagrein-
ingu.
Ég tók hvalveiðimálið upp við
Stoltenberg en af því var fátt nýtt að
frétta. Línur hafa ekki skýrst um það
hvort Japanir muni kaupa hvalspik af
Norðmönnum en áfram er unnið að
málinu og þeir gera sér vonir um að
það muni ganga fram.“
Halldór skoðaði ásamt eiginkonu
sinni, Kristrúnu Eymundsdóttur, og
fylgdarliði sögustaði í Bergen og
Gulaþingi á laugardag og sunnudag í
fylgd prófessora við Bergen-háskóla.
Sagði hann það hafa verið afar
skemmtilegt enda tengjast vestur-
héruð Noregs sögu landnámsins hér
á Íslandi meira en aðrir landshlutar.
„Segja má að hápunkturinn hafi
verið að heimsækja Gulaþing. Sjálfur
þingstaðurinn er innst í firði er nefn-
ist Eyvindarvík. Prófessor Knut
Helle útskýrði fyrir okkur kennileiti
og ýmsar minjar. Þarna stendur
steinkross sem menn vita ekki hversu
gamall er, hann gæti jafnvel verið frá
dögum Hákonar Aðalsteinsfóstra. Og
gegnt þingstaðnum sáum við hæðirn-
ar þar sem Egill Skallagrímsson fór
um þegar hann flúði reiði konungs.
Þarna eru skógi vaxnar hlíðar og
krossinn er uppi í brekkunni en fyrir
neðan fallegar flatir þar sem mann-
fjöldinn hefur staðið.
Síðan skoðuðum við gamla
bryggjuhverfið í Bergen, meðal ann-
ars Rosenkrantz-turninn sem reistur
var á dögum Magnúsar lagabætis og
Hákonarsalinn sem er frá tímum
Hákonar gamla og Hansa-safnið.
Skammt frá borginni var bústaður
Hrafnaflóka. Hvarvetna blasa við
söguslóðir sem við þekkjum ýmist úr
Heimskringlu Snorra, Egilssögu eða
Sverrissögu. Maður hét sjálfum sér
að koma aftur til Björgvinjar og gefa
sér þá betri tíma, halda áfram eftir
ströndinni norður til Þrándheims.“
Hann sagði marga viðmælendur
sína þekkja vel kunnuga Egilssögu og
þeir sýni Snorra Sturlusyni sóma.
Halldór Blöndal, forseti Alþingis, í heimsókn í Noregi
Ræddi við Harald
Noregskonung
Scanpix
Haraldur Noregskonungur tekur á móti Halldóri Blöndal í gær.
JARÐSKJÁFTAHRINA hófst fyr-
ir norðan land seinnihluta sunnu-
dagsins og stóð enn í gærdag, sam-
kvæmt upplýsingum jarðeðlissviðs
Veðurstofu Íslands, en þá höfðu
orðið um fimmtíu smáskjálftar á
svæði sem liggur mitt á milli
Grímseyjar og Kolbeinseyjar.
Vigfús Eyjólfsson, jarðfræðingur
á Veðurstofu Íslands, sagði að jarð-
skjálftar væru ekki óalgengir á
þessu svæði. Upptök skjálftanna
væru um 40 kílómetra norðnorð-
vestur af Grímsey. Jarðskjálfta-
hrinan hefði hafist um fimmleytið á
sunnudag og hafist síðan aftur um
hádegið í gær. Samanlagt hefðu lík-
lega orðið um fimmtíu skjálftar á
svæðinu af stærðinni 1,5 til 3,0 á
Richter-kvarða. Skjálftarnir væru
það langt frá landi að smæstu
skjálftana vantaði inn í mælingarn-
ar, þannig að skjálftarnir væru lík-
lega fleiri en þetta ef allt hefði
mælst.
50 smá-
skjálftar
norður af
Grímsey
SJÖ ára drengur slapp vel þegar
hann varð fyrir bíl á Reykjanesbraut í
gærkvöldi. Óhappið átti sér stað til
móts við bensínstöð ESSO á Lækj-
argötu rétt fyrir klukkan átta.
Drengurinn var fluttur á slysadeild
til aðhlynningar en lögregla segir að
hann hafi sloppið tiltölulega vel.
Sjö ára dreng-
ur fyrir bíl
♦ ♦ ♦
LÖGREGLAN í Reykjavík hefur
hafið rannsókn á því, hvort nekt-
ardansmeyjar séu hvattar til að
stunda vændi á nektardansstaðn-
um Bóhem við Grensásveg í
Reykjavík. Í síðustu viku leituðu
fjórar eistneskar nektardans-
meyjar til lögreglu og sögðu að
rekstaraðilar staðarins hefðu
óbeint hvatt þær til að stunda
vændi til að drýgja umsamin mán-
aðarlaun. Þá létu þær að því liggja
að vændi væri stundað á staðnum.
Ingimundur Einarsson, varalög-
reglustjóri í Reykjavík, segir að
rannsókn lögreglu sé á frumstigi.
Í viðtali við dönsku nektardans-
meyna Mariu Fisker sem birtist á
netútgáfu danska Extra-blaðsins
á sunnudag segir hún að fjöldi
vændiskvenna starfi á nektar-
dansstaðnum Bóhem.
Leituðu eftir aðstoð
sendiráðsins
Þegar hún og vinkona hennar
hafi neitað að stunda vændi, hafi
framkvæmdastjórinn orðið undr-
andi. Eftir að stúlkurnar höfðu
dansað á Bóhem í þrjá daga til-
kynntu þær um málið til lögreglu
og höfðu jafnframt samband við
danska sendiráðið, sem útvegaði
þeim farmiða aftur til Danmerk-
ur.
Í viðtalinu kemur fram að
Maria kom ásamt vinkonu sinni til
Íslands í mars og ætluðu þær að
dansa á Bóhem í einn mánuð.
Maria segist áður hafa dansað hér
á landi. Launin séu betri hér held-
ur en í Danmörku. Meðallaun
nektardansmeyjar séu um 30.000
danskar krónur eða um 350.000
íslenskar krónur. Veiti stúlkurnar
kynferðislega þjónustu rjúki mán-
aðarlaunin hins vegar upp í rúm-
lega eina milljón íslenskra króna.
Maria er fyrrum Danmerkur-
meistari í nektardansi og hefur
unnið við fagið í um átta ár.
Ekki náðist í framkvæmda-
stjóra Bóhem í gær.
Segja að hvatt sé
til vændis á Bóhem