Morgunblaðið - 29.05.2001, Blaðsíða 8

FRÉTTIR
8 ÞRIÐJUDAGUR 29. MAÍ 2001 MORGUNBLAÐIÐ
Goethe-stofnunin á Íslandi
Nýr forstöðu-
maður
Goethe-stofnunin áÍslandi hefur tekiðtil starfa á ný að
Laugavegi 18 og fengið
nýjan forstöðumann, Sab-
ine Barth. Hún kemur
hingað frá Þýsklandi. Hvað
skyldi hafa orðið til þess að
hún tók þetta starf að sér?
„Ég elska Ísland og ég
elska þýska menningu.
Þarna eygði ég gott tæki-
færi til þess að sameina
þetta tvennt í starfi hjá
Goethe-stofnunni á Ís-
landi. Ég kom fyrst til Ís-
lands 1981 sem ferðamað-
ur. Ég byrjaði að skrifa um
Ísland tíu árum síðar sem
blaðamaður. Ég skrifaði
ferðabók og gerði þætti um
íslenska menningu í út-
varp. Frá upphafi líkaði
mér vel á Íslandi og mér líkaði
einnig vel við Íslendinga, þess
vegna vildi ég gjarnan koma hing-
að til þess að búa hér um tíma.
Hve lengi ég verð hér verður tím-
inn að leiða í ljós.“
– Hvað varð til þess að Goethe-
stofnunin hóf starfsemi á ný?
„Menn gerðu sér ljósa nauðsyn
þess að hafa hér þýska stofnun af
þessu tagi sem kynnti þýska
menningu og tungumál. Tengslin
á milli Þýskalands og Íslands eiga
sér langa sögu. Við þurfum að við-
halda þeim tengslum. Á fyrri tím-
um fóru margir Íslendingar til
náms til Þýskalands og það væri
mjög gott ef fleiri Íslendingar fet-
uðu í þeirra fótspor, færu til náms
í Þýskalandi og kynntu sér af eigin
raun þá þróun sem hefur orðið
þar. Goethe-stofnunin gefur fólki
möguleika á að læra þýsku og
kynna sér þýska menningu. Þar
getur fólk einnig fengið upplýsing-
ar um námsleiðir í Þýskalandi og
fleira.“
– Hvernig er dagskrá Goethe-
stofnunar?
„Við sýnum t.d. nýjar þýskar
kvikmyndir, við bjóðum þýskum
rithöfundum hingað til okkar. Við
reynum að finna aðila til að taka
þátt í sýningum þar sem Þýska-
land og þýsk menning kemur við
sögu, t.d. hvað varðar ljósmyndir
og fleira. Við bjóðum þýsk tungu-
málanámskeið. Í boði eru margs
konar námskeið, fyrir fullorðna,
fyrir byrjendur og þá sem lengra
eru komnir. Við höfum einnig í
boði tungumálanámskeið fyrir tví-
tyngd börn, sem t.d. eiga íslenskt
og þýskt foreldri. Við erum einnig
með námskeið um bókmenntir þar
sem fólk getur lesið saman og rit-
að um það sem fjallað er um. Loks
bjóðum við upp á einkatíma í
þýsku.“
– Á Goethe-stofnunin stórt
bókasafn?
„Við eigum stærsta þýska bóka-
safnið á Íslandi og í
þeirri góðu aðstöðu sem
við höfum á Laugavegi
18 nýtur það sín vel.
Bókasafn okkar er opið
á þriðjudögum til föstu-
dags frá klukkan 15 til
18. Á laugardögum er
það opið frá klukkan 14
til 17. Við eigum sam-
starf við þýskukennara
hér á Íslandi og við bjóðum þeim
námskeið sem opnar þeim frekari
sýn inn í þýskan menningar- og
hugmyndaheim.“
– Hefur þú í hyggju að eiga
samstarf við íslensk leikhús?
„Ég vildi gjarnan að málin þró-
uðust á þann veg. Ég vildi gjarnan
fá þýska leikstjóra til starfa hér að
verkefnum, fá menn til þess að
þýða þýsk leikverk á íslensku og
fleira í þeim dúr.“
– Er gróskumikið leikhússtarf í
Þýsklandi núna?
„Í Þýskalandi er leikhússtarfið
mjög blómlegt. Leikhússtarfið í
Nordrhein Westfalen er með því
blómlegasta sem gerist í Evrópu
um þessar mundir. Berlín er líka
áhrifamikil í þessu sambandi. Það
hefur löngum þróast frægt leik-
hússtarf, má þar t.d. nefna Brecht-
Ensemble og í gamla daga Peter
Stein og ótalmargt annað bæði frá
liðnum dögum og nútímanum.“
– Þekktir þú mikið til íslenskra
bókmennta áður en þú komst
hingað?
„Já, ég verð að segja það. Ég
skrifaði sem blaðamaður mikið um
íslenska höfunda, ekki síst þá sem
fengu þýdd verk á þýsku. Ég
starfaði líka frá 1997 við bóka-
messuna í Frankfurt fyrir Mál og
menningu, ég þekkti verk höfunda
þeirra að vísu vel fyrir en þó til
muna betur eftir að það starf mitt
fyrir fyrirtækið hófst.“
– Hver er framtíðarsýnin?
„Mig langar til þess að stofnun-
in verði upplýsingamiðstöð um allt
það sem viðkemur Þýskalandi og
menningu þess. Við erum með að
prjónunum að koma okkur upp
vefsíðu. Við erum með tölvuað-
stöðu á stofnuninni en viljum
gjarnan auka þá þjónustu. Núna
getur fólk farið inn á
Netið hjá okkur og
fengið þar upplýsingar
um fjölmargt sem
snertir Þýskaland og
þýska menningu, en
fleira mætti gera, það
mætti t.d. nýta betur
efni til sjálfsnáms í
þýsku og þannig mætti
telja. Mikið er að alls
konar námskeiðum víðs vegar um
Þýskland sem fólk getur fengið
upplýsingar um hjá okkur, þessa
þjónustu gætu við líka aukið til
muna.“
– Eru þið með sérstök námskeið
um Goethe?
„Við vorum með námskeið um
Goethe þegar 250 ár voru liðin frá
fæðingu hans 1999 en við höfum
ekki verið með slík námskeið síðan
en vætanlega verða þau á boðstól-
um síðar.“
Sabine Barth
 Sabine Barth fæddist í Þýska-
landi 29. júní 1956. Hún lauk
undirbúningsnámi fyrir háskóla
18 ára og stundaði því næst há-
skólanám í leiklistarfræðum,
þýsku og ákveðnum þáttum í
félagsráðgjöf. Mastersprófi lauk
hún í þessum fræðum. Hún hefur
starfað í leikhúsum í Wuppertal
og Saarbrücken, hjá útvarpi og
sem blaðamaður og ritaði sem
slíkur m.a. um Ísland. Nú er hún
forstöðumaður Goethe-stofnun-
arinnar á Íslandi. Sabine er gift
Jóhannesi Ehmanns flugvallar-
starfsmanni.
Nauðsynlegt
að viðhalda
rógrónum
tengslum
milli Íslands
og Þýska-
lands
Svona, hættið þið þessu grenji, ég skal lofa ykkur að horfa á Tomma og Jenna.
ALÞINGI hefur ályktað að fela for-
sætisráðherra að gera könnun á
notkun neysluviðmiðana í nágranna-
löndum Íslendinga við ákvarðanir er
lúta að fjárhæðum bóta og styrkja í
velferðarkerfinu, við mat á greiðslu-
getu við innheimtu vangoldinna op-
inberra gjalda og meðlagsgreiðslna
og við ákvarðanatöku við lánveiting-
ar úr opinberum sjóðum, s.s. lána-
sjóðum námsmanna og íbúðarlána-
sjóðum.
Enn fremur verði lagt mat á
hvort ástæða sé til að samræma
slíkar neysluviðmiðanir hér á landi,
notkun þeirra eða aðferðir við gerð
þeirra.
Stefnt skal að því að niðurstöður
verði lagðar fyrir Alþingi á næsta
þingi.
Jóhanna Sigurðardóttir, Samfylk-
ingunni, flutti tillögu til þingsálykt-
unar um gerð neyslustaðals á því
þingi sem er nýlokið og er ályktun
Alþingis sprottin af þeirri tillögu. Í
greinargerð Jóhönnu sagði m.a. að
nú taki hið opinbera mið af a.m.k.
fimm mismunandi framfærslu-
grunnum við ákvörðun bóta, lána,
fjárhagsaðstoðar og styrkveitinga,
svo og við mat á greiðslugetu vegna
fjárhagserfiðleika. Megi þar nefna
tryggingakerfið, fjárhagsaðstoð
sveitarfélaga, Lánasjóð íslenskra
námsmanna, Ráðgjafarstofu um
fjármál heimilanna, Íbúðalánasjóð
og lánastofnanir.
„Hagstofan gerir síðan reglulega
neyslukannanir. Að auki má nefna
tekjutengdar bætur skattkerfisins.
Allur gangur virðist vera á því að
hve miklu leyti kannanir liggja að
baki nauðsynlegum framfærslu-
kostnaði hverrar fjölskyldugerðar.
Mikilvægt er að þróaður verði einn
samræmdur neyslustaðall sem op-
inberir aðilar byggi á við ákvarðanir
sem tengjast framfærslu og tekjum.
Annars staðar á Norðurlöndum og
reyndar víða í Evrópu hefur verið
farin sú leið að þróa einn ákveðinn
neyslustaðal sem framfærslukostn-
aður eftir fjölskyldugerð og -stærð
byggist á og notaður er við ýmsar
stjórnvaldsákvarðanir,“ sagði í
greinargerðinni.
Könnuð verði neyslu-
viðmið Íslendinga
SLAGSMÁL brutust út eftir
dansleik í Húnaveri aðfaranótt
sunnudagsins og voru þrír
fluttir í fangageymslur á Sauð-
árkróki að þeim loknum. Ekki
urðu alvarleg slys á mönnum,
en einhverjir þurftu samt á
læknishjálp að halda, sam-
kvæmt upplýsingum lögregl-
unnar á Blönduósi.
Dansleikurinn fór vel fram í
alla staði, en að honum loknum,
um hálf fjögur leytið um nótt-
ina, eftir að út var komið, upp-
hófust slagsmál.
Þurfti lögreglan að skakka
leikinn, en samkvæmt upplýs-
ingum lögreglunnar má gera
ráð fyrir að 40-50 manns hafi
komið að slagsmálunum á ein-
hvern hátt þegar mest var. Sex
lögreglumenn frá Blönduósi
voru á staðnum, auk tveggja frá
Sauðárkróki.
Slagsmál
í Húna-
veri