Morgunblaðið - 31.05.2001, Page 33

LISTIR
MORGUNBLAÐIÐ FIMMTUDAGUR 31. MAÍ 2001 33
KVARTETT Bjarna Sveinbjörns
leikur á Múlanum í Húsi Málar-
ans, Bankastræti 7a í kvöld,
fimmtudagskvöld, kl. 21. Þetta eru
síðustu tónleikar Múlans á þessari
vorönn.
Bjarni Sveinbjörnsson leikur á
bassa, Jón Páll Bjarnason á gítar,
Erik Qvik á trommur og Kjartan
Valdimarsson á píanó.
Á efnisskránni eru þekktar
djassperlur í hefðbundnum útsetn-
ingum þeirra félaga.
Miðaverð 1.200 kr., 600 kr. fyrir
námsmenn og eldri borgara.
Lokatón-
leikar Múlans
á þessari önn
♦ ♦ ♦
GALLERÍ Bardúsa og Verslunar-
minjasafnið á Hvammstanga verða
opnuð á nýjan leik í gamla pakk-
húsinu á Hvammstanga á morgun.
Gallerí Bardúsa er rótgróið hand-
verkshús og þar gefur að líta leir-
muni, endurunninn pappír, trévör-
ur, ullarvörur, handmáluð kerti og
muni úr fjörugrjóti. Í verslunar-
minjasafninu er krambúð, byggð á
vörum úr Verslun Sigurðar Davíðs-
sonar sem rekin var á Hvamms-
tanga um árabil. Einnig eru til sýn-
is ýmiskonar skrifstofuvörur, líkön
af húsum sem rifin hafa verið og
verkfærasafn Egils Ólafs Guð-
mundssonar.
Í sumar verður verslunarminja-
safnið opið virka daga frá 10:30-18
og um helgar frá 11-17.
Verslunarminja-
safnið á Hvamms-
tanga opnað á ný
Halldóra Helga-
dóttir sýnir í
Varmahlíð
HALLDÓRA Helgadóttir opnar
málverkasýningu í ash Galleríi í
Lundi Varmahlíð á laugardag kl.
14. Þetta er fyrsta einkasýning
Halldóru.
Halldóra Helgadóttir er fædd á
Akureyri, lærði tækniteiknun á
Ísafirði og vann við það fag til
margra ára. Hún nam myndlist við
Myndlistaskólann á Akureyri, það-
an sem hún útskrifaðist vorið 2000
og hefur hún síðan einbeitt sér að
málverkinu. Halldóra hefur tekið
þátt í samsýningum með nemend-
um Myndlistaskólans, bæði innan
skólans og utan, auk þess sem hún
hefur haldið kynningu á verkum
sínum í Samlaginu á Akureyri, þar
sem hún ásamt 12 öðrum norð-
lenskum listamönnum rekur gall-
erí.
Sýningin er opin alla daga frá
kl. 11-18, nema þriðjudaga og
stendur til 22. júní.
♦ ♦ ♦