Morgunblaðið - 24.06.2001, Blaðsíða 4

FRÉTTIR
4 SUNNUDAGUR 24. JÚNÍ 2001 MORGUNBLAÐIÐ
ÞROSKAÞJÁLFARAFÉLAG Ís-
lands hefur undirritað nýja kjara-
samninga við Reykjavíkurborg ann-
ars vegar og við launanefnd
sveitarfélaga hins vegar.
Samningurinn við Reykjavíkur-
borg var undirritaður aðfaranótt
föstudags og verða atkvæði um hann
greidd á þriðjudag að sögn Guðnýjar
Stefánsdóttur, talsmanns þroska-
þjálfa. Hins vegar er ekki búið að ák-
veða hvenær atkvæði verða greidd
um samninginn sem gerður var við
launanefnd sveitarfélaga.
Guðný vildi ekki greina frá efni
samninganna fyrr en búið væri að
kynna þá fyrir félagsmönnum.
Enn stendur yfir verkfall þroska-
þjálfa sem starfa hjá sjálfseignar-
stofnunum og sagði Guðný að viðræð-
ur væru í gangi.
Styrktarfélag vangefinna er með
átta sambýli á sínum vegum og þar
starfar 41 þroskaþjálfi. Alls hófu 35
verkfall 15. júní sl. en sex eru und-
anþegnir verkfalli þar sem þeir veita
sambýlum forstöðu. Á annað hundrað
fatlaðir og þroskaheftir einstaklingar
eru á þessum sambýlum.
Alvarlegt ástand
á mörgum heimilum
Erna Einarsdóttir, starfsmanna-
stjóri félagsins, segir að verkfallið
hafi haft mikil áhrif á fjögur þeirra og
einhver á hin. „Fatlaðir og þroska-
heftir missa alla dagvist og njóta
skertrar þjónustu. Vandamálin eru að
hellast yfir okkur og ég er sannfærð
um að miklir erfiðleikar séu hjá fjöl-
skyldum barna og unglinga á Lyngási
en það er sérhæft dagheimili fyrir
mikið fötluð börn og unglinga. Þessar
fjölskyldur voru margar hverjar bún-
ar að missa skammtímaþjónustu þar
sem borgin var í verkfalli og misstu
síðan dagþjónustu. Þessi börn eru þar
af leiðandi heima hjá foreldrum sín-
um og þurfa afskaplega mikla umönn-
um og það geta ekki allir tekið það að
sér. Því held ég að það sé orðið alvar-
legt ástand á mörgum heimilum.“
Alls starfa 132 þroskaþjálfar hjá
ríkinu um land allt og hafa þeir boðað
verkfall n.k. fimmtudag ef ekki næst
að semja fyrir þann tíma.
Þórir Einarsson, Ríkissáttasemj-
ari, segir að ekki sé búið að boða
formlegan fund í þeirri deilu en tekur
fram að samningar við ríkið séu tví-
þættir. Annars vegar er miðlægur
kjarasamningur og hins vegar stofn-
anasamningur, þ.e. hvernig fólki er
raðað inn í launatöflurnar.
Þroskaþjálfar hjá
ríkinu í biðstöðu
„Það er nánast búið að ná sam-
komulagi um miðlæga samninginn en
ekki um stofnanasamningana. Það
stendur á þeim og þeir eru fyrir utan
mitt verksvið vegna þess að það er
eitthvað sem gerist inn á stofnunun-
um. Þroskaþjálfar skrifa ekki undir
miðlægasamninginn fyrr en vitað er
hvernig fer með stofnanasamn-
ingana. Það er því í biðstöðu eins og
er.“
Þroskaþjálfafélagið semur við Reykjavík og launanefnd sveitarfélaga
Sjálfseignarstofnanir
eru ennþá í verkfalli
hvalaskoðunarbátnum frá Húsavík virtu einnig fyrir sér hrefnur á sigl-
ingunni. Meðal gesta í Grímsey voru flugmenn sem fjölmenntu þangað á
11 flugvélum og hefur slíkur floti ekki verið á flugvellinum áður.
GESTKVÆMT var í Grímsey aðfaranótt laugardags þegar margir komu
þangað fljúgandi og siglandi til að njóta miðnætursólar. Íbúar Grímseyjar
eru um 90 og var gestafjöldinn annað eins og vel það. Þeir sem sigldu með
Ljósmynd/Anna
Miðnætursól við Grímsey
SIGRÚN Magnúsdóttir, Fram-
sóknarflokki og borgarfulltrúi R-
listans, segir að það sé af og frá að
hún sé að hætta í stjórnmálum.
„Nei, í guðsbænum. Það er alveg út
í hött,“ sagði Sigrún við Morgun-
blaðið í gær. Á fundi borgarstjórn-
ar sl. fimmtudagskvöld lét Sigrún
af störfum í borgarráði.
„Þetta er regla hjá okkur í
Reykjavíkurlistanum að hver
flokkur hefur dottið út í eitt ár í
borgarráði þannig að það hefur
ekkert með mína persónu eða hagi
að gera. Við drógum í upphafi kjör-
tímabilsins hvernig sú röðun yrði
og gerðum samkomulag sem við
höfum gengið eftir í þessi fjögur
ár. Það var samið um að ég yrði
formaður borgarráðs og formaður
borgarstjórnarhóps Reykjavíkur-
listans og yrði þrjú ár í borgarráði.
Það var samið um að Helgi Hjörvar
yrði forseti og hann yrði þrjú ár í
borgarráði. Hann datt út á síðasta
ári sem forseti og var ekki í borg-
arráði á síðasta ári. Steinunn Val-
dís datt út fyrir tveimur árum og
kratarnir höfðu ekki mann fyrsta
árið.“
Sigrún segir að ef R-listinn muni
ekki bjóða fram í sams konar formi
og í síðustu tveimur sveitarstjórn-
arkosningum muni hún ekki taka
þátt í því.
„Á trúnaðarmannafundi hjá
framsóknarfélögunum og borgar-
fulltrúunum þar sem verið var að
ræða framtíð Reykjavíkurlistans
og framboð í Reykjavík sagði ég að
ef Reykjavíkurlistinn héldi ekki
áfram myndi ég hætta. Það þýðir
Reykjavíkurlistinn með þátttöku
allra. Á fundinum voru skiptar
skoðanir um hvort listinn myndi
heita áfram Reykjavíkurlistinn ef
vinstri-grænir yrðu ekki með en ég
sagði að ég tæki ekki þátt í slíku.“
Hver flokkur R-listans
situr hjá í ár í borgarráði
ÞESS verður ekki krafist af nemend-
um Menntaskólans við Hamrahlíð eða
Menntaskólans á Laugarvatni að þeir
kaupi fartölvur en eins og fram kom í
Morgunblaðinu í gær eru tilmæli til
nýnema í Menntaskólanum í Kópa-
vogi að þeir festi kaup á fartölvum
þegar þeir setjast á skólabekk í haust.
Morgunblaðið hafði samband við
Lárus H. Bjarnason, rektor Mennta-
skólans í Hamrahlíð, og spurði hvort
svipaðar kröfur væru gerðar til ný-
nema skólans, sagði hann svo ekki
vera. „Skólar hafa mismunandi
áherslur í þessu. Það sem blasir við
[þegar ákveðið er að gera eins og
Menntaskólinn í Kópavogi] er hugs-
anlega svolítil mismunun. Við tókum
þá afstöðu í fyrra að fara frekar þá
leið að skólinn keypti tölvur, nokkrar
fyrir starfsmenn og tvö hópsett fyrir
nemendur þar sem 25 fartölvur eru á
vagni sem hægt er að fara með í
hvaða stofu sem er. Hugmyndafræðin
á bak við þetta var sú að það væri eng-
in mismunun,“ segir Lárus og bætir
við að þá hafi skólinn einnig fjölgað
borðtölvum.
Kristinn Kristmundsson, skóla-
meistari Menntaskólans á Laugar-
vatni, tekur í sama streng og Lárus
og segir að þessi mál hafi ekki einu
sinni verið rædd, þar sem mikill
kostnaður felist í þessu fyrir nemend-
ur. Í skólanum er að hans sögn ágætis
tölvuver með sautján tölvum sem sé
ágætt miðað við nemendafjölda sem
er í kringum 120. Aðspurður hvað
honum finnist um umrædd tilmæli
Menntaskólans í Kópavogi segir hann
að honum finnist ekkert ólíklegt að að
þessu komi, að tölvurnar verði í eigu
nemenda, með aukinni tækni.
Ekki kraf-
ist fartölvu-
kaupa
JÓHANN Sigurjónsson, forstjóri
Hafrannsóknastofnunar, segir að
stofnmæling á hörpudiski í Breiða-
firði hafi gefið til kynna minnkun í
stofninum og tillögur þeirra um
kvóta á hörpudisk séu einfaldlega í
samræmi við það.
Í frétt frá Stykkishólmi í Morg-
unblaðinu í gær kemur fram að lagt
er til að aflaheimildir á hörpudisk
verði 6.500 tonn á næsta fiskveiðiári
en voru 8.000 og hefur ráðherra
ákveðið að fara að þeim tillögum.
Jafnframt kemur fram að bæjarráð
Stykkishólms hafi lýst yfir miklum
áhyggjum vegna þessa og farið fram
á það við Hafrannsóknastofnun að
rannsóknir verði auknar.
Jóhann sagði að þeir myndu að
sjálfsögðu fylgjast áfram með þróun
stofnsins og erindi bæjarráðs Stykk-
ishólms yrði svarað en þeir hefðu ný-
lega fengið það í hendurnar og ekki
væri búið að fjalla um það.
Hörpudiskur
í Breiðafirði
Stofnmæling
bendir til
minnkunar
♦ ♦ ♦