Morgunblaðið - 24.06.2001, Blaðsíða 49

FÓLK Í FRÉTTUM
MORGUNBLAÐIÐ SUNNUDAGUR 24. JÚNÍ 2001 49
UMSÝNINGARHELGI
LÆKNIRINN ER MÆTTUR AFTUR! TVÖFALT BETRI OG TVÖFALT FYNDNARI.
*Gegn framvísun Dr. Dolittle 2 bíómiða úr
Regnboganum eða Laugarásbíói færð þú
50% afslátt af pizzum hjá Domino’s Pizza.
*Gildir til 1. ágúst á öllum Domino’s stöðum á landinu. Gildir ekki á tilboð.
Gildir aðeins fyrir sóttar pantanir.
300 heppnir EUROCARD
korthafar vinna miða fyrir 2
á www.atlaskort.is
oft eins og þeir hafi lent í bílslysi,
dasaðir en sælir yfir að hafa slopp-
ið lífs.
Á Thomsen kvað við nýjan tón í
mörgum laganna; Saktmóðigur er
orðinn hörku rokksveit og á milli
þess sem þeir félagar voru
ómstríðir og meiðandi keyrðu þeir
af krafti og fimi. Sérstaklega var
gaman að heyra Trúboðaslagarann
S/H Draums og einnig fengu blöðr-
urnar hennar Nenu rétta með-
höndlun.
Klink var aðalnúmer kvöldsins
eins og getið er og mikil eftirvænt-
ing eftir því að sveitin hæfi leik
sinn. Sveitin sú hefur verið lítt
sýnileg, en þeim mun meira mærð
af þeim sem til þekkja. Nokkuð er
um liðið síðan sá sem þetta skrifar
sá Klink spila og fátt hefur komið
eins þægilega á óvart og að sjá
sveitina á Thomsen á fimmtudags-
kvöld þar sem Klinkliðar átu alla
rokkfrasa með húð og hári og
spýttu út af fimi og íþrótt.
Tónlistin sem sveitin spilar er vel
meltur og mergjaður harðkjarni og
miklar pælingar í gangi. Keyrslan
er tryllingsleg en þó skýrt mörkuð,
ekkert fum þrátt fyrir hamsleysið.
Stef í fyrsta lagi minnti á The Fall,
en líkastil bara í huga þess sem hér
skrifar. Snerillinn gaf sig reyndar í
hálfu því lagi og þó ekki hafi annan
sneril verið að finna nema FÍH-
sneril, virtist það ekki setja trymbil
sveitarinnar út af laginu sem
nokkru nam.
Þriðja lag Klinks var einna
skemmtilegast, ekki síst fyrir
breiða gítarhljóma og margslungna
stemmningu, en kántrýáhrifin í
fimmta laginu voru líka skemmtileg
og ekki síst magnaður lokakaflinn í
því lagi með þungri klifun.
Klink er víst að taka upp plötu,
og fagnaðarefni, því ef þeim tekst
að fanga frumkraftinn sem þeir
beisluðu í Thomsen og binda í
plast, verður það með helstu út-
gáfum ársins.
Árni Matthíasson
mojo/monroe
Daði Hendricusson,
monroe, sími 552 6161.
mojo/monroe býður Daða,
sem er nýkominn
frá Amsterdam,
velkominn til starfa.
SÖNGVARINN, sem ætíð lofar
stemmningu sem er engu lík og
stendur við það, er auðvitað Geir
Ólafsson. Hingað til hafa flestir séð
hann í sjónvarpinu eða leika listir
sínar og syngja á sviði. Nú ætlar
hann að bæta um betur og gefa út
plötu í október og með honum verða
auðvitað félagar hans til fimm ára,
Furstarnir. En þá gæðasveit skipa
Árni Scheving, Guðmundur Stein-
grímsson, Carl Möller, Jón Páll
Bjarnason og Þorleifur Gíslason.
Plötunni verður síðan fylgt eftir
auk þess sem áætlað er að taka upp
að nýju sýninguna „Nigts on
Broadway“.
En til að byrja með halda þeir
tónleika á Gauknum í kvöld og ann-
að kvöld.
Djass fyrir öll tækifæri
„Ég lifi fyrir sönginn og syng til
að lifa, mér finnst þetta svo gaman
að ég er búinn að finna það sem ég á
að gera í framtíðinni og reyni á
hverjum degi að bæta mig sem tón-
listarmaður,“ segir Geir sem bæði
er að læra söng og að leika á víbra-
fón. En hann hefur einmitt hugsað
plötuna sem veganesti fyrir ut-
anreisu þar sem hann ætlar að
freista gæfunnar í náinni framtíð.
„Platan á hug minn allan og ég
ætla að gefa mig allan í hana fyrir
hlustendur. Á henni verða stand-
ardar, bæði þekkt lög og óþekkt,
mörg sérstaklega útsett af Þóri
Baldurssyni. Kannski nær eitthvert
þeirra vinsældum og verður þá í
framtíðinni kennt við mig.“
Geir segir stemmninguna á plöt-
unni auðvitað eiga að vera góða –
engri líka – í anda Franks Sinatra,
Tonys Bennetts og Cole-feðginanna.
„Þetta er svona djass sem nýtist
hvar sem er, heima, í partíunum og
tölum ekki um rómantísku stund-
irnar,“ segir Geir brosandi.
Lögin eru öll í miklu uppáhaldi
hjá söngvaranum sem segist þó
velja lögin af handahófi.
„Ég á helling af nótnabókum sem
hafa að geyma þvílíkar gullperlur
sem aldrei hafa heyrst en verð að
passa að velja lög sem henta minni
háu rödd, ég er eiginlega með alt-
rödd. Ég get sungið hvaða tónlist-
artegund sem er en það eru ekki öll
lög sem henta mér. Ég er búinn að
læra á sjálfan mig og það skiptir
miklu máli. Ég er t.d með lag á plöt-
unni sem Michael Jackson hefur
sungið, og þá þarf ég ekki að breyta
tóntegundinni sem er mjög þægi-
legt. Ég veit t.d. að ég er ferund
hærra en Frank Sinatra.“
Geir segir það stórkostlegt að
vinna með Furstunum, að þeir séu
miklir vinir og standi vel saman.
„Það er gefandi og lærdómsríkt
og að mínu mati gerir það bandið
sérstakt. Það er alltaf gaman hjá
okkur. Það er alveg saman hvort
sem við erum að spila fyrir einn eða
hundrað manns, við gefum okkur
alltaf jafnmikið,“ segir Geir og bæt-
ir við að þess vegna verði hann ekki
í vanda með að ná upp stemmningu
sem er engri lík í hljóðverinu á
næstu dögum.
Geir Ólafsson er með plötu í maganum
Ég syng
til að lifa
Morgunblaðið/Golli
Jón Páll Bjarnason gítarleikari
og Geir Ólafs skemmta á Gaukn-
um í kvöld.